Azərbaycan "qızıl neft dövründən" "qızıl turizm dövrünə" adlayır

Tarix: 28.05.2016 / 02:44
Bölmə: İqtisadiyyat

Qeyri-neft sektorunun mühüm sahələrindən biri kimi turizmin inkişaf etdirilməsi Azərbaycanda xüsusi diqqət mərkəzindədir və bu istiqamətdə xeyli işlər görülüb. Elə bunun nəticəsidir ki, Azərbaycana gələn turistlərin sayı illər üzrə artır və cari il ərzində bu istiqamətdə daha böyük nailiyyətlərin əldə olunması proqnozlaşdırılır. Artıq dünyanın müxtəlif ölkələrindən Azərbaycana gəlmək istəyənlərin sayı çoxalır.

Məsələn, bu il Azərbaycana səyahət etmək istəyən rusiyalı turistlərin sayı 2015-ci ilə nisbətdə 90% artıb. Otel və biletlərin axtarış xidməti "Skyscanner"in apardığı araşdırma da bunu təsdiq edir. "Skyscanner" araşdırma çərçivəsində 260 min rusiyalı səyyah arasında sorğu aparıb, həmçinin öz saytı vasitəsilə aviabilet sifarişlərini təhlil edib. Resursun məlumatına görə, artıq sifarişlərin yarısından çoxu Rusiya kurortlarının payına düşür. Proqnozlara görə, ümumilikdə, yay mövsümünün yekunu üzrə yerli səyahətçilərin ümumi sayından 60%-i Rusiyada istirahət edəcək. Araşdırmaya əsasən, ruslar daxili istiqamətlərlə yanaşı, tez-tez yaxın xaricdə də istirahət etməyə üstünlük verirlər. Belə ki, ötən illə müqayisədə Gürcüstana bilet satışı iki dəfə, Azərbaycana 90%, Bolqarıstana 31%, Qazaxıstana 20% artıb. Amma proqnozlar bundan ibarətdir ki, Azərbaycana daha çox rus turist gələcək.

Rusiya turistlərinin cari ilin may ayının əvvəlində ən çox səyahət etdiyi şəhərlərin reytinqində də Bakı mühüm yer tutur. Rusiyanın "travel.ru" saytı yazır ki, rus turistlər Bakıda 1 sutka ərzində orta hesabla 3 min rubl və ya 68 manat xərcləyiblər. Müqayisə üçün qeyd edək ki, qonşu ölkənin turistləri 1 sutka ərzində Belarus və Polşada 2 min rubl və ya 45 manat, Sinqapur və Londonda isə 10 min rubl və ya 227 manat xərcə düşüblər. O da bildirilir ki, Rusiya turoperatorları yaxın xaricə, xüsusilə də Cənubi Qafqaz ölkələrinə turların sifariş edilməsində əhəmiyyətli dərəcədə artım müşahidə edirlər. Bu sırada Azərbaycanın adı xüsusi olaraq çəkilir. Rusiya Turoperatorlar Assosiasiyası (RTA) qeyd edir ki, rus turistlər üçün Azərbaycan daha maraqlı ölkəyə çevrilir.

Eyni sözləri ərəblər haqda da demək olar. Bu arada qeyd edək ki, Birləşmiş Ərəb Əmirliklərindən (BƏƏ) Azərbaycana gələn turistlərin sayı 27 dəfə artıb. Təkcə aprel ayında BƏƏ-dən ölkəmizə səfər edənlərin sayı 2500-ü ötüb. Qeyd edək ki, ötən ilin noyabrından BƏƏ vətəndaşları üçün sadələşdirilmiş viza rejimi tətbiq edilir. Bu ilin fevralından Qətər, Oman, Səudiyyə Ərəbistanı, Bəhreyn, Küveyt, Yaponiya, Çin, Cənubi Koreya, Malayziya və Sinqapur vətəndaşlarına Azərbaycanın bütün beynəlxalq statuslu hava limanlarında sadələşdirilmiş viza rəsmiləşdirilməsi təmin edilib. Nəticədə Azərbaycana həmin ölkələrdən daha çox sayda insanın gəlməsi gözlənir. Ümumilikdə isə Azərbaycana gələn turistlər son 10 ildə təxminən 5 dəfə artıb. Lakin cari ildən bu artımın daha çox olması gözlənir.

Bunun digər səbəblərindən biri də gələn ay keçiriləcək "Formula-1" yarışıdır. Yarış çərçivəsində ölkəyə turist axınının cəlb edilməsi üçün işlər aparılır. Dünya təcrübəsi də belə yarışların ölkəyə turist axınını çoxaltdığını göstərir. Məsələn, daha əvvəl bu yarış Sinqapurda keçirildiyi vaxt turistlərin diqqətini ölkəyə cəlb etdi, "Formula-1"in keçirildiyi müddətdə daxili daşınmalar artdı, otellər öz biznesini genişləndirdi. Əbu-Dabidə yarışların keçirildiyi müddətdə isə şəhərdəki mehmanxanalar 98% doldu. Turistlərin ixtiyarına verilmiş 8000 nömrənin hər birinə görə ödəniş isə orta hesabla 476 dollar təşkil etdi. ABŞ-ın Texas ştatının Austin şəhərində "Formula-1" yarışının keçirilməsi üçün hökumət 25 milyon dollar vəsait ayırmışdı. Bu investisiyalar isə ştata "Formula-1"in sayəsində 294,9 milyon dollar qazanmağa, üstəgəl 26,4 milyon dollar vergi ödəməyə imkan verdi.

Bu mənada yarışlar sayəsində Azərbaycana da çoxlu sayda turistin gəlişi, həm də bundan böyük mənfəətin əldə olunması gözlənir.

Bundan başqa o da sirr deyil ki, manatın son devalvasiyasından sonra Azərbaycan qonşu ölkələrin turistləri üçün daha münasib olub. Çünki onlara qiymət dollarla verilir və konvertasiya ilə bunu Azərbaycan manatına çevirdikdə turistlərə sərf edir. Bu səbəbdən Türkiyədən, Türkmənistan, Qazaxıstandan ölkəmizə daha çox turist gəlir. İrandan da gələnlərin sayında artım var. Xarici ölkələrə gedənlərin sayı isə elə də çox deyil. Çünki devalvasiyadan sonra əksər yerli turstlər xaricə getməkdən imtina edir.

Nahid SALAYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...