Rusiya Azərbaycandan aqrar məhsullar idxalını 80 faiz artırmaq fikrindədir

Tarix: 28.05.2016 / 01:23
Bölmə: İqtisadiyyat

Rusiya-Qərb iqtisadi çəkişməsi Azərbaycana da təsirsiz ötüşmür

Dünya, o cümlədən MDB iqtisadiyyatı üçün ciddi təhdid yaradan məqamlardan biri də Rusiya və Qərb arasında yaşanan ziddiyyətlərdir. Qərb sanksiyaları, Rusiyanın buna cavab olaraq embarqo tədbirləri hər iki tərəfin, onlarla ticarət münasibətində olan dövlətlərin iqtisadiyyatına ciddi şəkildə təsir edir. Amma son hadisələr bu problemə yaxın tezlikdə son qoyulmayacağını da deməyə əsas verir.

Belə ki, Yaponiyada "Böyük yeddilik" ("G7") sammitinin nəticələrinə görə, Minsk razılaşmaları tam icra olunanadək Rusiyaya qarşı sanksiyalar qüvvədə qalacaq. Sammitin bəyannaməsində bununla bağlı deyilir: "Rusiya üzərinə götürdüyü öhdəlikləri tam icra etdikdən sonra sanksiyalar ləğv oluna bilər. Rusiyanın hərəkətləri buna vadar edərsə, biz ona qarşı əlavə sanksiyalar tətbiq edəcəyik". Bununla yanaşı, "G7" Ukrayna böhranının nizamlanması üçün Moskva ilə dialoqun davam etdirilməsinin vacibliyini qeyd edib.

Xatırladaq ki, Avropa İttifaqının (Aİ) Moskvaya qarşı tətbiq etdiyi sanksiyaların müddəti iyulun 31-də bitir. Tətbiq edilən tədbirlərin müddətinin uzadılması 28-29 iyun tarixlərində keçiriləcək sammitdə də müzakirə ediləcək. Bununla yanaşı, bir sıra Avropa ölkələri sanksiyaların yumşaldılmasına dair çıxış etməyə hazırdır. Amma Avropa İttifaqı Şurasının sədri Donald Tusk qurum ölkələrinin liderlərinin Rusiyaya qarşı tətbiq edilən sanksiyaların müddətinin uzadılmasına dair qərarı yaxın günlərdə qəbul edəcəklərini bildirir: "Biz sanksiyalarımızı davam etdirə bilərik, bizə geniş müzakirələr lazım deyil... Mən tamamilə əminəm ki, biz sanksiyalara dair növbəti iki və ya üç həftə ərzində qərar qəbul edəcəyik və bu qərar geniş müzakirələrə səbəb olmayacaq. Aİ Rusiyaya qarşı kursuna sadiqdir, bura Minsk razılaşması tam olaraq yerinə yetirilmədiyi təqdirdə iqtisadi sanksiyaların qüvvədə qalması da daxildir". Moskva isə buna cavab olaraq embarqoların davam edəcəyini bəyan edib. Bununla belə, Rusiya prezidenti Vladimir Putin, yaranmış vəziyyətdən çıxış yolu kimi, Atlantik okeanından Sakit okeana qədər vahid əməkdaşlıq zonasını yaratmağı təklif edib.

Onun sözlərinə görə, Ukrayna hadisələrdən lazımi nəticələr çıxarmaq və Atlantik okeanından Sakit okeana qədər vahid əməkdaşlıq zonasının yaradılmasına başlamaq lazımdır. Dövlət başçısı qeyd edib ki, proses təhlükəsizlik arxitekturasına söykənməlidir.

Putin qeyd edib ki, Rusiya Avropa İttifaqı ilə bərabər hüquqlu və həqiqi əməkdaşlıq dialoqunun yaradılmasına ehtiyac görür. Rusiya lideri hesab edir ki, Avropa İttifaqı ilə münasibətlərdə həll edilməyən problem yoxdur: "Çoxplanlı əməkdaşlıq yoluna qayıtmaq, "bir qapıya oyun" kimi qüsurlu məntiqdən imtina etmək, bir-birinin fikir və maraqlarını nəzərə almaq lazımdır".

Hələlik isə, bu çağırışlara rəğmən, Qərb və Rusiya arasında iqtisadi çəkişmələr davam edəcək. Belə vəziyyət, qeyd olunduğu kimi, MDB ölkələrinə, o cümlədən Azərbaycana da təsir edir. Qərbə qarşı Kreml embarqolarının davamı halında Azərbaycanın Rusiyaya əvvəlkilərlə müqayisədə daha çox aqrar məhsullar göndərəcəyi proqnozlaşdırılır.

Özü də nəzərə alaq ki, Rusiya iqtisadi-ticarət orbitinə Azərbaycanın cəlb edilməsinə daha çox çalışır. Rusiya İctimai Palatası isə bildirir ki, Rusiya Azərbaycandan kənd təsərrüfatı məhsullarının idxalını 80 faiz artıra bilər. Bütün bunlar o deməkdir ki, şimal qonşumuz ölkəmizdən daha çox məhsul almağı düşünür və bunun üçün lazım olan bütün addımları atır. Xatırladaq ki, Azərbaycanın kənd təsərrüfatı məhsulları ənənəvi olaraq öz dadı və keyfiyyətilə Rusiyada məşhurdur. Rusiyadakı iş adamlarımız da Avropanın bu ölkəyə tətbiq etdiyi sanksiyalardan maksimum şəkildə istifadə etməyə çalışırlar. Hətta bəzi ticarət mərkəzlərində daha öncə geyim malları satılan mağazalar indi Azərbaycandan gələcək kənd təsərrüfatı məhsullarının satış yerinə çevrilib. Moskva bazarlarında ticarətlə məşğul olan həmvətənlərimiz Azərbaycan mallarına olan tələbatın artmasından çox razıdırlar. Onu da qeyd edək ki, Azərbaycan və Rusiya birgə müəssisələrinin yaradılması, logistik mərkəzlərin tikilməsi fonunda ölkəmizdən Rusiyaya daha çox məhsul göndəriləcək və bu da, əksər ekspertlərə görə, Rusiya bazarlarında yerli fermerlərin mövqeyini möhkəmləndirəcək.

Moskva Azərbaycanla iqtisadiyyatın digər sahələri üzrə də əməkdaşlıqda xüsusilə maraqlıdır.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...