Şirvan Şəhər Polis Şöbəsi rəhbərliyinin təşəbbüsü və təşkilatçılığı ilə "Milli Qurtuluş günü" və Azərbaycan Polisinin yaranmasının 99 illiyi münasibətilə mini-futbol turniri keçirilir.
Şəhər Polis Şöbəsinin komandasının da qatıldığı yarışda şəhərin müxtəlif idarə, müəssisə və təşkilatlarını təmsil edən 8 komanda da qələbə uğrunda mübarizə aparır. Artıq yarımqruplarda aparılan mübarizə başa çatıb. Şəhərin Neftçi İdman Cəmiyyətinin Bazasının stadionunda baş tutan oyunlarda polislər "Qarasu" və "Avromed" şirkətlərinin komandaları ilə qarşılaşıblar. ŞPŞ-nin komandası birinci qarşılaşmada 3:0, ikinci qarşılaşmada isə 4:1 hesabı ilə rəqibləri üzərində qələbə qazanıb.
Rayon ictimaiyyəti tərəfindən maraqla izlənilən turnir davam edir.
Natiq Cavadov, DİN mətbuat xidmətinin əməkdaşı