Özünü dünyaya ermənilərin himayəçisi kimi təqdim edən İran İslam Respublikası bu yöndə addımlarını genişləndirməkdən çəkinmir.
Məlumdur ki, hər il dünya erməniləri İranın Qərbi Azərbaycan Əyalətinin Çaldıran məntəqəsindəki Qarakilsə kilsəsinə dini mərasim adı ilə toplaşır, lakin əslində bu yalnız görüntü xarakteri daşıyır. Belə ki, ermənilərin gizli təşkilatlarının dini ayın adı altında buraya toplaşarq fəaliyyətlərini koordinasiya etdikləri barədə məlumatlar var.
Turkustan.info saytı xəbər verir ki, bu il də iyulun 27-də minlərlə erməni Qarakilsəyə guya dini mərasimə toplaşıb. 3 gün davam edəcəyi bildirilən mərasimə 6 min nəfər İran və dünya ermənisinin toplaşadığı xəbər verilir. Xəbərə görə, siyasi məqsədlərə hesablanmış mərasim Azərbaycan Erməniləri Xəlifəliyi, İran Mədəni İrs Təşkilatı və İslami İrşad və Mədəniyyət İdarəsi ilə koordinasiya edilmiş bir şəkildə, eyni zamanda İran təhlükəsizlik orqanlarının rəsmi icazəsi ilə keçirilir. Xəbərdə bildirilir ki, İran Çaldıranın Qarakilsə kilsəsini məqsədyönlü şəkildə YUNESKO-da qeydiyyata keçirməklə hər il ermənilərin Güney Azərbaycanda toplaşması və nəticə etibarilə daşnakların gizli fəaliyyətinə etibar və legitimlik qazandırıb. Üstəlik bu o halda baş verir ki, İslam Respublikasında çoxluq təşkil edən azərbaycanlılar heç bir tədbir keçirə, öz dilində təhsil ala, hətta danişa bilmədiyi halda ermənilər öz məktəblərində təhsil alır, dini mərasimlərini istədikləri zaman və ən uyğun yerdə həyata keçirə bilir.
Tarixi Azərbaycan torpaqlarında ermənilərin əl-qil açmasına geniş şərait yaradan İran İslam Respublikasının sözçüləri hər dəfə ən yaralı yerimiz olan, ermənilərin işğalı altında üçüncü onilliyini keçirən Qarabağın ədalətli həllinə tərəfdar olduğunu deyərkən görəsən nə dərəcədə səmimi olurla? Olurlarmı?..
Baki-xeber.com
