Azərbaycan Respublikasının Prezidenti İlham Əliyev iyunun 20-də Rusiya Federasiyasına işgüzar səfəri çərçivəsində Sankt-Peterburq şəhərində Prezident Vladimir Putin ilə görüşüb.
Bu barədə baki-xeber.com Prezidentin rəsmi səhifəsinə istinadən xəbər verir.
XXXStatus-kvonun dəyişməsi üçün Azərbaycan ərazilərinin işğalına son qoyulmalıdır. Trend-in məlumatına görə, bunu Sankt-Peterburqda Azərbaycan Prezidenti İlham Əliyev Rusiya Prezidenti Vladimir Putinlə görüşdə bildirib.İlham Əliyev deyib: "Əlbəttə, bu gün əsas müzakirə mövzusu Ermənistan-Azərbaycan, Dağlıq Qarabağ münaqişəsinin nizamlanmasıdır. Mən görüş keçirmək təşəbbüsünə, Rusiyanın nizamlanma işində oynadığı konstruktiv rola görə Sizə təşəkkür edirəm".Azərbaycan Prezidenti qeyd edib ki, Ermənistan-Azərbaycan, Dağlıq Qarabağ münaqişəsi uzanıb: "Rusiya və ATƏT-in Minsk qrupunun digər həmsədlərinin bəyan etdiyi kimi, status-kvo qəbuledilməzdir. Biz bu bəyanatı tam dəstəkləyirik, lakin status-kvonun dəyişməsi üçün 20 ildən artıqdır işğal altından olan Azərbaycan ərazilərinin işğalının dayandırılmasına başlamaq lazımdır”.İlham Əliyev vurğulayıb ki, bu məsələ Rusiya Prezidenti Vladimir Putinlə danışıqlar zamanı müzakirə olunacaq: "Bizdə ümid var ki, son iki ildə praktiki olaraq aparılmayan danışıqlar prosesinə konstruktiv dinamika verə biləcəyik”.
Prezidentlərin Sankt-Peterburq görüşündə ikitərəfli münasibətlər də müzakirə olunub (APA).
"Bu gün müzakirə edəcəyimiz problem bəllidir. Bu, bizə çoxdan qalan Qarabağ problemidir. Lakin mən görüşümüzdən istifadə edib ikitərəfli münasibətlərimiz haqqında danışmaq istəyirəm. Bizə məlum olan səbəblərdən təəssüf ki, ticarət dövriyyəmizin aşağı düşməsini müşahidə edirik",- deyə Putin qeyd edib.
Rusiya prezidenti bildirib ki, hər iki lider bunun səbəbini bilir: "Ticarət dövriyyəsinin aşağı düşməsinə səbəb enerji daşıyıcılarının qiymətinin ucuzlaşması və eləcə də milli valyutaların məzənnəsi arasındakı fərqdir".
Prezidentlər ikitərəfli əməkdaşlığın humanitar perspektivlərini də müzakirə ediblər: "Bilirik ki, Azərbaycanda rus dilinin öyrənilməsinə necə həssas yanaşılır. Bizim ali məktəblərin filiallarının necə uğurla fəaliyyət göstərdiyini bilirik. Bütün bunları yüksək qiymətləndiririk. Ümid edirəm ki, belə işlər bundan sonra da bütün istiqamətlərdə davam etdiriləcək".
Prezident İlham Əliyev rusiyalı həmkarını Peterburq İqtisadi Forumunun uğurlu keçməsi münasibəti ilə təbrik edib. İ. Əliyev Azərbaycanın bu forumda fəal iştirak etdiyini söyləyib. Rusiya-Azərbaycan ticarət dövriyyəsindən danışan İ. Əliyev bunun müvəqqəti xarakter daşıdığını qeyd edib: "Biz ticarət dövriyyəsinin bərpa olunmasının yollarını və möhkəmləndirilməsini axtarırıq. Hesab edirəm ki, bu, baş verəcək. Bundan başqa bizim enerji sahəsində qarşılıqlı aktiv fəaliyyətimiz var. Nəqliyyat əməkdaşlığında da yaxşı perspektivlərimiz var".
İ. Əliyev Vladimir Putini Azərbaycanda görmək arzusunda olduğunu da bildirib.
