Azərbaycan Mərkəzi Seçki Komissiyasının yeni tərkibi təsdiq edilib. Trend-in məlumatına görə, Milli Məclisin bu gün keçirilən plenar iclasında təsdiq edilən yeni tərkibə Məzahir Pənahov, Natiq Məmmədov, Arifə Muxtarova, Mikayıl Rəhimov, Fuad Cavadov, Şaitdin Əliyev, Ramiz İbrahimov, Validə Kazımova, İlham Məmmədov, Nizami Nadirov, Qabil Orucov, Azər Tağıyev, Bəxşeyiş Əsgərov, Etibar Quliyev, Tofiq Həsənov, Almas Qəhrəmanlı, Hüseyn Paşayev və İlkin Şahbazov daxildir.
MSK-nın 2010-cu ildə formalaşdırılan tərkibindən Tamam Cəfərovanın və Akif Qurbanovun adları çıxarılıb, onların əvəzinə siyahıya H.Paşayev (YAP) və İ.Şahbazovun (Sosial Rifah Partiyası) adları daxil edilib.
Bu gün Mərkəzi Seçki Komissiyasının (MSK) yeni tərkibdə ilk iclası da keçirilib. İclasda Məzahir Pənahov yenidən qurumun sədri seçilib.
İclasda Milli Məclisin vitse-spikeri Ziyafət Əsgərov, Aparat rəhbəri Səfa Mirzəyev də iştirak ediblər.
