Ermənilərin girov apardığı 6 min azərbaycanlının taleyi və məruz qaldıqları işgəncələr barədə tükürpədən faktlar...

Tarix: 25.02.2016 / 01:10
Bölmə: Gündəm

"Ermənilər girovları alver predmetinə çevirib"

"Ermənilər azərbaycanlı girovlara insanlığa sığmayan dözülməz işgəncələr veriblər"

Dünən Dövlət Təhlükəsizliyi Xidmətinin (DTX) Mədəniyyət Mərkəzində "Əsir və itkin düşmüş, girov götürülmüş vətəndaşlarla bağlı humanitar fəlakət beynəlxalq hüquq müstəvisində" mövzusunda dəyirmi masa keçirilib.

"Trend"in məlumatına görə, Azərbaycan Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən təşkil olunan dəyirmi masada Dövlət Komissiyasının üzvləri, beynəlxalq təşkilatların nümayəndələri, Azərbaycanın işğal olunmuş ərazilərində ermənilər tərəfindən törədilmiş cinayətlərlə bağlı Baş Prokurorluq, Daxili İşlər Nazirliyi və Dövlət Təhlükəsizlik Xidmətinin birgə İstintaq Qrupunun nümayəndələri, QHT təmsilçiləri və digər nümayəndələr iştirak edib.

Tədbiri giriş sözü ilə açan Dövlət Komissiyasının İşçı Qrupunun rəhbəri İsmayıl Axundov Ermənistan-Azərbaycan, Dağlıq-Qarabağ münaqişəsi zamanı itkin düşən şəxslərin axtarılması, əsir və girovların geri qaytarılması, bu istiqamətdə dövlət orqanlarının fəaliyyətinin əlaqələndirilməsi məqsədilə Dövlət Komissiyasının yaradılması zərurətindən, Prezident İlham Əliyevin Komissiya qarışısında qoyduğu yeni tələb və vəzifələrdən danışıb.

O müharibə qurbanlarının beynəlxaq sənədlərlə təsbit olunmuş hüquqlarının təmin edilməsi, humanitar fəlakətlərə beynəlxalq təcrübəyə uyğun hüquqi qiymət verilməsi prizmasından Xocalı soyqırımı həqiqətlərinin dünya ictimaiyyətinə çatdırılmasının vacibliyi barədə məlumat verib.

İ.Axundov ermənilərin azırbaycanlılara qarşı törətdiyi vəhşiliklərdən danışaraq bildirib ki, erməni vəhşiləri əsir və girov götürülmüş azərbaycanlıları insanlığa sığmayan işgəncələrə məruz qoyub: "Onlar girov və əsirlərin yaşlı, uşaq, qadın, yaralı olmasına heç bir əhəmiyyət qoymayaraq onları vəhşicəsinə qətlə yetiriblər".

Tədbirdə çıxış edən digər iştirakçılar da ermənilərin azərbaycanlılara qarşı törətdiyi cinayətlər haqqında danışıblar və bu cinayətlərin dünya ictimaiyyətin diqqətinə daha geniş çatdırılmasının vacibliyini vurğulayıblar.

Əsir və İtkin düşmüş, girov götürülmüş vətəndaşlarla əlaqədar Dövlət Komissiyasının İçşi qrupunun rəhbərinin müavini Eldar Səmədov isə bildirib ki, ermənilər girovları alver predmetinə çevirib və 68 nəfər Azərbaycan vətəndaşını böyük pul müqabilində əsirlikdən azad edib.

E.Səmədov bildirib ki, aparılan araşdırmalar nəticəsində müəyyən olunub ki, 6000-dən artıq Azərbaycan vətəndaşı Ermənistanda əsir və girov götürülüb.

E.Səmədovun sözlərinə görə, indiyə kimi 1435 nəfər şəxs əsir və girovluqdan azad edilib: "Hazırda 3860 nəfər şəxs əsir və girovluqdadır. Bunlardan 3162-i hərbçi, 698 nəfəri isə mülki şəxslərdir. Mülki şəxslərdən 60 nəfər yetkinlik yaşına çatmayan, 249 nəfər qadın, 303 nəfər isə yaşlı şəxslərdir".

E.Səmədov əlavə edib ki, əsirlikdə saxlanan Azərbaycan vətəndaşlarının hədə-qorxu, şantaj yolu ilə Ermənistan xüsusi xidmət oqranları ilə əməkdaşlığa cəlb edilməsi faktları da mövcuddur.

E.Səmədov vurğulayıb ki, girovluqdan azad olunan insanlar üzərində aparılan tibbi müayinələr nəticəsində onlarda yoluxucu xəstəliklər aşkar olunub.

"Mühasirədən qaçmış Xocalı sakinlərinin ifadələri nəticəsində müəyyən olunub ki, ermənilər azərbaycanlı girovlara insanlığa sığmayan dözülməz işgəncələr veriblər". Bunu Baş Prokurorluq, Daxili İşlər Nazirliyi və Dövlət Təhlükəsizlik Xidmətinin birgə İstintaq Qrupunun üzvü Ələkbər Xəlilov deyib.

Ə.Xəlilov bildirib ki, girovlara o qədər ağır işgəncələr veriblər ki, bu heç bir insanlığa sığmır: "İşgəncələr zamanı yaş həddi qoymayıblar. Uşaqlara da, qocalara da, yaralılara da dözülməz, ağır işgəncələr veriblər. Bu işgəncələrə girovların baş dərisinin soyulması, burun və qulaqların kəsilməsi, gözlərin çıxarılması, azərbaycanlıların başının kəsilməsi, diri-diri yandırılaraq öldürülməsi, bədənin üzərindən tırtıllı-texnikanın keçməsi və başqa dəhşətli işgəncələr daxildir. Bu işgəncələr həddən artıq çoxdur".

Ə.Xəlilov qeyd edib ki, ən ağır işgəncələrdən biri də 5 yaşlı azərbaycanlı qızın silahı dirəyərək 17 güllə ilə qətlə yetirilməsidir: "5 yaşında tamamilə kimsəsiz vəziyyətdə olan, heç bir təhlükə törətməyən məsum bir uşağı şüurlu şəkildə yaxından atəş açaraq qətlə yetirmək yalnız erməni vəhşilərinin əməli ola bilər və heç bir insanlığa sığmır".

Ə.Xəlilov əlavə edib ki, Xocalıda törədilən bu cinayətlərə görə 39 nəfər barəsində cinayət işi qaldırılıb, onlar barəsində həbs-qətimkan tədbiri seçilib və onlar axtarışa verilib.

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...