Türk dünyasında geniş oxucu kütləsinə malik olan "Turan" Strateji Araşdırmalar Mərkəzinin saytı olan "Turan-sam"da yazıçı-publisist, tarixi romanlar müəllifi Yunus Oğuzun "Türk etnoniminə baxış" adlı elmi məqaləsi dərc edilib.
"Olaylar"-ın xəbərinə görə, məqalədə müəllif etnonimin yaranması, onun coğrafi inkişafı və digər keyfiyyətləri barədə oxuculara ətraflı məlumat verir. Yunus Oğuz qeyd edir ki, etnonimlərin etimologiyası türkşünaslıqda ən çətin məsələ olaraq qalır. Məqalədə qeyd olunur ki, etnonimlərin həqiqi etimologiyasını öyrənmədən və bilmədən tarixçilər ictimaiyyəti çaşdırıcı yola apara bilərlər.
