Prezident yanında Apelyasiya Şurası sahibkarlarla bağlı ciddi bir problemi aktuallaşdırdı

Tarix: 17.02.2016 / 01:11
Bölmə: Gündəm

Qulu İsmayılov: "Həmin QHT-lər iş adamlarının hüquqi maarifləndirilməsi istiqamətində ciddi işlər görməlidir"

"İş adamları ilə seminarların keçirilməsi, Apelyasiya Şuralarına edilən şikayətlərin məzmununa aid xüsusi broşürlərin buraxılmasını bu fəaliyyətə aid edə bilərik"

Məlum olduğu kimi, Azərbaycan Prezidentinin 2016-cı il 3 fevral tarixli Fərmanı ilə Apelyasiya Şuraları yaradılıb və onların Əsasnaməsi təsdiq edilib.Azərbaycan Respublikasının Prezidenti yanında Apelyasiya Şurasının sədri, Prezident Administrasiyasının dövlət nəzarəti şöbəsinin müdiri Eldar Nuriyev müsahibəsində yeni qurumların yaradılması və fəaliyyəti ilə bağlı bəzi məqamlara aydınlıq gətirib.

"Apelyasiya şuralarına kimlər müraciət edə bilər və şikayətlər hansı formada olmalıdır" sualına Eldar Nuriyevin cavabı belə olub: "Qanunvericiliyin tələbinə əsasən, sahibkarlıq fəaliyyəti göstərən bütün hüquqi və fiziki şəxslər özlərinin sahibkarlıq fəaliyyəti ilə bağlı mərkəzi və yerli icra hakimiyyəti orqanlarının qəbul etdiyi qərardan, qərarların qəbul edilməsindən imtinadan, habelə hərəkət və ya hərəkətsizliyindən (korrupsiya ilə əlaqədar hüquqpozmalara dair müraciətlər istisna olmaqla) tam və ya qismən narazı olduqları halda müvafiq Apelyasiya şuralarına təkrar şikayət edə bilərlər. Prezident yanında Apelyasiya Şurasına isə mərkəzi və yerli icra hakimiyyəti orqanlarının Apelyasiya şuralarının qəbul etdiyi qərardan, qərarların qəbul edilməsindən imtinadan, habelə hərəkət və ya hərəkətsizliyindən narazı olan sahibkarlar qanunvericiliyin tələblərinə əməl etməklə şikayət verə bilərlər. Bir vacib məsələni təkrar vurğulamaq istəyirəm, şikayətlərin verilməsi və baxılması qanunvericiliyin tələbləri ciddi gözlənilməklə həyata keçirilməlidir. Həqiqətən də Prezident yanında Apelyasiya Şurasına son bir neçə gün ərzində ayrı-ayrı orqanların qəbul etdiyi qərarlardan müxtəlif məzmunda xeyli şikayət daxil olub və onların sayı günbəgün artmaqdadır. Proqnozlara əsasən, artım dinamikası bundan sonra da davam edəcək.

Şikayətlərin sayının azaldılması və lüzumsuz artmasının qarşısının alınması üçün ilk növbədə yerli və mərkəzi icra hakimiyyətləri zəruri tədbirlər görməli, sahibkarların müraciətlərinə məsuliyyətlə yanaşmalı, şikayətlərinə vaxtında və düzgün baxmalı, qanuni tələb və xahişləri təmin etməli, bürokratik amilləri, süründürməçilik hallarını, nöqsan və çatışmazlıqları aradan qaldırmalıdırlar. Sahibkarlar da şikayət verilməsinə məsuliyyətlə yanaşmalı, hüquq və vəzifələrini yaxşı bilməli, qanunvericiliyin müddəalarına ciddi əməl etməli, əsassız iddialar irəli sürməməli, lüzumsuz şikayətlər verməkdən çəkinməlidirlər. Eyni zamanda, Apelyasiya şuraları sahibkarların şikayətlərinə vaxtında, obyektiv baxmalı, qanuni qərarlar qəbul etməlidir.

Hazırda Şuraya daxil olan şikayətlərin təhlili göstərir ki, sahibkarlar qanunvericiliyin müddəalarını kifayət qədər düzgün təfsir etmir, icrası zəruri olan tələbləri, prosedur qaydaları pozurlar. Bu hal son nəticədə şikayətlərə baxılmasından imtinaya, baxılmamış saxlanmasına, mübahisənin həllini tapmamasına, şikayətin aidiyyəti üzrə göndərilməsinə, onların sayının süni artmasına gətirib çıxarır, vaxt itkisinə, əlavə iş yükünə, məsrəflərə səbəb olur.

Əvvəla onu deyim ki, Apelyasiya şuralarına şikayətləri yalnız sahibkarlar, onların qanuni nümayəndələri verə bilər və bu şikayətlər yalnız sahibkarlıq fəaliyyəti ilə, eləcə də onların özlərinə aid sahibkarlıq fəaliyyəti ilə bağlı olmalıdır. Göründüyü kimi, bütün hallarda bu üç şərt gözlənilməlidir. Bundan əlavə, sahibkarlar şikayətin verilməsinin prosedur qaydalarına, şikayətin forma və məzmununa, digər tələblərə əməl etməlidirlər. Əks təqdirdə, qanunvericiliyə müvafiq olaraq, onların şikayətlərini həll etmək imkan xaricində olacaq".

Eldar Nuriyevin toxunduğu vacib məqamlardan biri də sahibkarların edəcəyi şikayətlə bağlı öz hüquqlarını bilmələridir. Bu da sahibkarların hüquqi maarifləndirməsinin zəruriliyini meydana gətirir. Bunun üçün hansı addımlar atılmalıdır?

İqtisadçı Qulu İsmayılov qəzetimizə açıqlamasında bildirdi ki, bu məsələdə sahibkarların hüquqi maariflənməsinə ciddi ehtiyac yaranır: "Bilirsiniz ki, müxtəlif qurumların daxilində artıq Apeliyasiya Şuraları yaradılır. Ölkə başçısı bu mexanizmin yaradılmasına dair göstərişi iş adamlarına bəzi subyektlərin maneə olmaması səbəbindən verib. Əsasən sahibkarların hüquqlarının qorunması istiqamətində yaradılan bu mexanizmin fəaliyyətini çətinləşdirməmək üçün ora edilən şikayətlər mahiyyəti üzrə olmalıdır. Bu məsələdə QHT-lərin üzərinə məsuliyyət düşəcək. Biz QHT-lərin siyahısına baxsaq, çoxlu sayda sahibkarların maarifləndirilməsi adı ilə fəaliyyət göstərənlərə rast gələciyik. Həmin QHT-lər iş adamlarının hüquqi maarifləndirməsi istiqamətində ciddi işlər görməlidir. İş adamları ilə seminarların keçirilməsi, Apelyasiya Şuralarına edilən şikayətlərin məzmununa aid xüsusi broşürlərin buraxılmasını bu fəaliyyətə aid edə bilərik".

Məhəmmədəli QƏRİBLİ

DİGƏR XƏBƏRLƏR

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

Tarix: 02.06.2026 / 09:41

Aİ ölkələri Orta Asiyada qaçqın mərkəzləri yaradır? - Qazaxıstan təkzib etdi

Tarix: 31.05.2026 / 11:50

Atatürkün siyasi övladlarını Anıtkabirə buraxmadılar... Ankarada şok...

Tarix: 30.05.2026 / 17:42

Anna Hakobyan 15 məhkəmə iddiası ilə üzləşəcək - xeyriyyə fəaliyyətinə qoyulan qadağanı pozduğuna görə…

Tarix: 29.05.2026 / 16:27

Lavrov Paşinyanın planlarını "Rusiyasız varlanmaq cəhdi” adlandırdı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır