İlham Əliyev erməni diplomatını peşman etdi

Tarix: 16.02.2016 / 02:32
Bölmə: Gündəm

Zahid Oruc: "Prezidentin orada istər Qarabağ problemi, istərsə də regional və beynəlxalq təhlükəsizliklə bağlı mövqeyi sübut edir ki..."

"Cənab Prezident bütün beynəlxalq əlaqələri yüksək səviyyədə saxlamaqla Azərbaycanın təcrid olunmasının qarşısını alır"

Münhen Təhlükəsizlik Konfransı çərçivəsində "İqlim və enerji təhlükəsizliyi" mövzusunda müzakirələr zamanı Ermənistanın XİN əməkdaşının Azərbaycan tərəfinin Ermənistanı bir sıra məsələlərdə, o cümlədən Arazın suyunun çirkləndirilməsində ittiham etməsinə dair sualına cavabında Prezident İlham Əliyev bu fikirlərin tam yanlış olduğunu bildirib.

O, Azərbaycanın Ermənistanı yalnız işğalda günahlandırdığını vurğulayıb: "Ermənistanı nəinki biz, o cümlədən, dünyanın ən böyük beynəlxalq qurumu olan BMT Təhlükəsizlik Şurası da ittiham edir. Bu qurum Ermənistan qoşunlarının dərhal və qeyd-şərtsiz Azərbaycan torpaqlarından çıxarılmasına dair 4 qətnamə qəbul edib.

Biz erməni xalqını deyil, Ermənistan hökumətini Xocalıda soyqırımı törətməkdə ittiham edirik. Günahsız insanlar yalnız azərbaycanlı olduqları üçün erməni bandaları tərəfindən qətlə yetirilib. Bu soyqırımı dünyanın 10-dan çox ölkəsi tərəfindən qəbul olunub. Biz Ermənistanı bir milyondan çox insanı qaçqın və məcburi köçkünə çevirməkdə günahlandırırıq. Onlar öz torpaqlarında qaçqına çevriliblər. 40 mini Dağlıq Qarabağda, 750 mini Azərbaycanın digər işğal olunmuş ərazilərində, 200 min azərbaycanlı isə Ermənistanda etnik təmizləməyə məruz qalaraq, qaçqın və məcburi köçkün olub. Bütün bunlar işğalın, sizin qonşu ölkəyə qarşı siyasətinizin nəticəsidir. İşğal dayandırılmalıdır. Regionda təhlükəsizlik istəyirsinizsə, işğalı dayandırın".

Göründüyü kimi, Prezident erməni diplomatiyasını tam ifşa edən kəskin bir mövqe ortaya qoyub. Ölkə başçısının bu prinsipial mövqeyinin Dağlıq Qarabağ həqiqətlərinin dünyaya çatdırılmasında nə kimi rolu olacaq?

Millət vəkili Zahid Oruc qəzetimizə bildirdi ki, Azərbaycan Prezidentinin beynəlxalq siyasi hadisələri dərindən təhlil etmək və orada ölkəmizin maraqlarını güclü bir şəkildə qorumaq üçün də həm Davos Forumu, sonra Londonda Suriyaya dəstək konfransı, ardınca isə Münhen Təhlükəsizlik Konfransında iştirak etməsi çox önəmlidir: "Açıq demək lazımdır ki, bu tədbirlərin tribunası kifayət qədər böyükdür. Dünyanın əsas informasiya vasitələri bu tədbirləri hər gün işıqlandırır və onun üzərindən həm ölkəmizin müxtəlif diplomatik maraqlarını təqdim etmək, mövqeyini ortalığa qoymaq imkanları əldə edilir. Bir çoxları düşünə bilərdi ki, Azərbaycanı bu və ya digər səbəblərə görə sanksiya rejimi altına salmaq istəyən dairələrin mövqeyi üstünlük təşkil edəcək, Azərbaycan əsas siyasi qərarları verən beynəlxalq qüvvələrdən kənar düşəcək, Azərbaycanın yolları bloklanacaq, bizim ölkəmizlə tərəfdaşlıq etmək istəyən Qərb dairələrinin əlaqələri kəsiləcək və sair.

Bunlar baş vermədi. Həm Davosda keçirilən görüşlər, həm London və Münhendəki görüşlərin ümumi dairəsi, həmçinin cənab Prezidentin orada istər Qarabağ problemi ilə bağlı, istərsə də regional və beynəlxalq təhlükəsizliklə bağlı mövqeyi sübut edir ki, Azərbaycan bu ailənin tamhüquqlu üzvüdür. Ölkəmiz maksimum dərəcədə çalışır ki, Suriya ətrafındakı problemlər çözülsün, eləcə də Rusiya ilə Türkiyə arasında son dövr daha da intensivləşən soyuq münasibətlərin mənfi istiqamətdə dərinləşməsinin qarşısı alınsın. Yəqin ki, Türkiyə prezidenti Rəcəb Tayyib Ərdoğanın yaxın günlərdə Gəncəyə səfəri zamanı da Azərbaycan Prezidenti təkcə bizim coğrafiyanın problemləri deyil, regionüstü məsələlərdə də bir daha öz rolunu uğurla ifadə edəcək. Hesab edirəm ki, cənab Prezident bütün beynəlxalq əlaqələri yüksək səviyyədə saxlamaqla Azərbaycanın təcrid olunmasının qarşısını alır. Bu istəkdə olan dairələrin mövqeyinə zərbə vurur".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...