Münhendən dünyaya qəti mesaj: Azərbaycan neft asılılığından tam qurtaracaq...

Tarix: 16.02.2016 / 02:58
Bölmə: Gündəm

Qulu İsmayılov: "Həyata keçirilən bütün tədbirlər və Azərbaycanın malik olduğu iqtisadi imkanlar Prezidentdə bu əminliyi yaradır"

"Azərbaycan bundan sonrakı inkişaf tempini saxlamaq üçün mütləq mənada bu amil üzrə hərəkət etməlidir"

"Növbəti illərdə bütün planlarımızı uğurla həyata keçirə bilsək, qəti əminəm ki, Azərbaycan neftdən asılılığı tamamilə aradan götürəcək". "Bakı-xəbər"in məlumatına görə, bunu Azərbaycan Prezidenti İlham Əliyev fevralın 13-də Münhen Təhlükəsizlik Konfransı çərçivəsində "İqlim və enerji təhlükəsizliyi.

İstiləşmə hələ də davam edirmi?" mövzusunda keçirilən panel-müzakirədə çıxışı zamanı bildirib.

"Biz bu məsələnin üzərində işləyirik. Lakin bir məsələni unutmamalıyıq, Azərbaycan müstəqilliyini bərpa edəndə iqtisadiyyat tamamilə məhv edilmişdi, yoxsulluq və durğunluq geniş vüsət almışdı. Odur ki, dünya xəritəsində yerimizi müəyyənləşdirməyin yeganə yolu ölkəmizin inkişafı üçün enerji ehtiyatlarımızdan istifadə etmək idi. Buna görə də müstəqilliyimizi bərpa etdikdən sonra üç ildən daha da az müddətdə - 1994-cü ildə biz dünyanın əsas enerji şirkətlərini Azərbaycana gəlməyə və sərmayə yatırmağa dəvət etdik. O zaman Xəzər dənizi ilk dəfə Amerika və Avropa neft şirkətlərinin birbaşa cəlb edildiyi ərazi olmuşdu. O zaman bizim üçün enerji təhlükəsizliyi və enerji siyasəti müasirləşmək, şaxələnmək və infrastruktura sərmayə yatırmaq yolu idi. Çünki neft satışından əldə etdiyimiz vəsait suveren rifah fondunda saxlanılırdı və eyni zamanda, neftdən asılılığı azaltmaq üçün infrastruktura sərmayə kimi yatırılırdı", - deyə Prezident bildirib.

Onun sözlərinə görə, "bu şaxələndirmə siyasətinin nəticəsində indi ümumdaxili məhsulun 70 faizindən çoxu artıq qeyri-neft sektorunun payına düşür. Əlbəttə ki, biz ixrac əməliyyatlarında neft qiymətlərindən asılıyıq. İxracımızın 90 faizini neft və qaz təşkil edir".

"İndi isə biz, özəlləşdirmə, iqtisadiyyatımızın şaxələndirilməsi və biznes mühitinin yaxşılaşdırılması da daxil olmaqla, neft və qazdan asılılığı azaltmaq üçün irimiqyaslı islahatlar həyata keçiririk. Yeri gəlmişkən, neftin qiymətinin kəskin şəkildə - dörd dəfə ucuzlaşması bizim üçün daha çox texnologiyaya, qeyri-neft iqtisadiyyatına, kənd təsərrüfatına, informasiya-kommunikasiya texnologiyalarına sərmayə yatırmaq baxımından fürsət idi. Növbəti illərdə bütün planlarımızı uğurla həyata keçirə bilsək, qəti əminəm ki, Azərbaycan neftdən asılılığı tamamilə aradan götürəcək.

Qeyd etdiyim kimi, bu yaxınlarda neftin qiymətinin aşağı düşməsi səbəbindən Azərbaycan üçün neftdən sonrakı dövr artıq başlamışdır və biz dünya bazarında təkcə neft və qaz ixrac edən ölkə kimi yox, digər məhsulları ixrac edən ölkə kimi yerimizi tapmalıyıq", - deyə dövlət başçısı vurğulayıb.

Ölkə başçısı tam əminliklə qeyd edir ki, Azərbaycan yaxın vaxtlarda neft amilindən asılılığını tamamilə aradan qaldıracaq. Prezident nəyə əsaslanaraq belə əminliklə proqnoz verir?

İqtisadçı Qulu İsmayılov qəzetimizə açıqlamasında bildirdi ki, ölkə başçısının belə əminliklə proqnoz verməsi üçün tam əsas var: "Bilirsiniz ki, Azərbaycanın neftdən asılılığını aradan qaldırmağa böyük ehtiyac var. Prezident Münhendə bu məsələni tam əhatəli şəkildə qeyd edib. Doğrudan da biz neft amilindən ölkə olaraq lazımi şəkildə bəhrələndik. Ancaq bütün ölkə iqtisadiyyatında aparılan islahatlarda postneft dövrünün amilləri nəzərə alınırdı. Təsadüfi deyil ki, biz qeyri-neft sektorunun inkişafı ilə bağlı genişmiqyaslı layihələr həyata keçirirdik. Artıq Azərbaycan iqtisadiyyatındakı ümumdaxili məhsulun payında qeyri-neft sektorunun önəmli payı hiss edilir. Doğrudur, biz neftin qiymətinin belə kəskin enməsini gözləmirdik. Bu, iqtisadi amillərdən daha çox siyasi səbəblərə bağlıdır. Buna baxmayaraq, ölkə başçısı daxili auditoriya üçün etdiyi çıxışlarda və verdiyi tapşırıqlarda bu amili daim nəzərə alıb. Artıq ölkədə bununla bağlı qanunvericiliyə dəyişiklik edilir, yeni struktur islahatları aparılır. Həyata keçirilən bütün tədbirlər və Azərbaycanın malik olduğu iqtisadi imkanlar Prezidentdə bu əminliyi yaradır. Azərbaycan bundan sonrakı inkişaf tempini saxlamaq üçün mütləq mənada bu amil üzrə hərəkət etməlidir".

Məhəmmədəli QƏRİBLİ

DİGƏR XƏBƏRLƏR

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

Tarix: 02.06.2026 / 09:41

Aİ ölkələri Orta Asiyada qaçqın mərkəzləri yaradır? - Qazaxıstan təkzib etdi

Tarix: 31.05.2026 / 11:50

Atatürkün siyasi övladlarını Anıtkabirə buraxmadılar... Ankarada şok...

Tarix: 30.05.2026 / 17:42

Anna Hakobyan 15 məhkəmə iddiası ilə üzləşəcək - xeyriyyə fəaliyyətinə qoyulan qadağanı pozduğuna görə…

Tarix: 29.05.2026 / 16:27

Lavrov Paşinyanın planlarını "Rusiyasız varlanmaq cəhdi” adlandırdı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır