Rusiyanı tərk edən azərbaycanlıların sayı arta bilər...

Tarix: 13.02.2016 / 02:26
Bölmə: Gündəm

Şimal qonşumuzun üzləşdiyi iqtisadi böhran burada miqrantların da durumuna mənfi təsir edir. Elə bu səbəbdəndir ki, cari ilin ötən dövrü ərzində Rusiyanı tərk edən miqrantların sayında yenidən artım olduğu bildirilir. Yeri gəlmişkən qeyd edək ki, Rusiyanı tərk edənlər sırasında azərbaycanlılar da yer alır və onların sayının daha da artması gözlənir. Çünki miqrantlar daha əvvəlki qədər gəlir əldə edə bilmir.

Digər tərəfdən, son günlər hakimiyyət strukturları tərəfindən miqrantlara qarşı müxtəlif formalarda təzyiqlər də onların durumunu ağırlaşdırır. Xatırladaq ki, bu günlərdə Moskvada MDB-dən olan miqrantlara məxsus metroətrafı ticarət obyektləri sökülür.

Rusiya Daşınmaz Əmlakın İstifadəsinə Nəzarət Dövlət Müfəttişliyinin rəhbəri Sergey Şoqurov sökülən obyektlərin qanunsuz olduğunu bildirir. Onun sözlərinə görə, söküntüyə səbəb qanunsuz tikililərin yeraltı kommunikasiya xətlərinin üzərində yerləşməsidir. Dövlət Müfəttişliyindən bildiriblər ki, qanunsuz tikililərin könüllü şəkildə sökülməsi üçün verilən vaxt bitib. Söküntü işləri "Çistıye prudı", "Taqanskaya", "Şelkovskaya", "Partizanskaya", "Sokol" metro stansiyaları yaxınlığında və Lyusinovskaya, Marksistskaya küçələrində aparılır. Qanunsuz ticarət obyektlərinin yerləşdiyi ərazi 50 min kvadratmetr sahəni əhatə edir. Qeyd edək ki, Moskva rəhbərliyi ümumilikdə 104 qanunsuz obyektin sökülməsi barədə qərar qəbul edib. Proses fevralın sonunadək başa çatacaq. Maraqlıdır ki, paytaxt rəhbərliyi obyektlərin tikintisi və fəaliyyətinin qanunsuz olduğunu bəyan etsə də, obyekt sahibləri bununla razılaşmır. Sahibləri arasında azərbaycanlıların da olduğu bu obyektlərin xəbardarlıq edilmədən gecə saatlarında sökülməsi sahibkarların ciddi etirazlarına səbəb olub. Kiçik ticari işlətmələr və köşklər birliyinin prezidenti Vladlen Maksimov da paytaxt rəhbərliyinin addımlarını yanlış olduğunu bildirib: "Mən belə hesab edirəm ki, obyektlərin bu şəkildə sökülməsi Moskva bələdiyyəsinin kobud səhvidir. Ən azından, kiçik sahibkarlığa dəstək komitəsi bu obeykləri icarəyə götürən insanlara xəbərdarlıq edə bilərdi. Niyə bunu etmədiklərini mən anlaya bilmirəm. Ona görə indi zərər çəkən bütün sahibkarlarımıza məsləhətim budur ki, birlikdə Moskva bələdiyyəsinə öz etirazlarını bildirsinlər. Bu insanlar arasında, təbii ki, ənənəvi olaraq ticarətlə məşğul olan azərbaycanlılar da az deyil". Elə soydaşlarımız özləri də yaranmış durumdan narazılıqlarını bildirir. Amma vəziyyətin dəyişəcəyi də inandırıcı görünmür. Belə vəziyyət isə, öz növbəsində, daha çox azərbaycanlı miqrantın Rusiyanı tərk etməsinə səbəb olacaq.

Bundan başqa, zəifləyən Rusiya rublu da bu məsələdə öz rolunu oynayır. Rublun kursunun aşağı düşməsi üzündən miqrantların qazandığı pullar dəyərini əhəmiyyətli dərəcədə itirir. Bu arada məlum olub ki, Rusiya hökuməti neftin qiymətinin büdcədə nəzərdə tutulan 50 dollarlıq həddən təxminən iki dəfə aşağı olması səbəbindən büdcədə yaranan kəsiri rublun devalvasiyası hesabına örtməyə çalışa bilər. "Reuters" agentliyi bildirir ki, Rusiya hökuməti büdcə kəsirini örtmək üçün rublun devalvasiya həddini qeyri-formal olaraq müəyyənləşdirmək imkanlarını araşdırır. Bu məqsədlə Rusiya Bankının valyuta bazarına müdaxiləsi artırıla bilər.

Hökumət rublun məzənnəsinin hər hansı hədəf səviyyəsini rəsmi açıqlamaq fikrində deyil. Rusiya Bankı hər bəyanatında rublun məzənnəsinin tələb və təklif əsasında formalaşdığını qeyd edir. Lakin rublun devalvasiyası üçün Mərkəzi Bankın əlində hər cür imkan var və əsas məqsəd neftin bir qədər də ucuzlaşması halında rublun möhkəmlənməsinə imkan verməməkdir. Hazırda Rusiyanın mütəşəkkil valyuta bazarında dolların məzənnəsi 80 rubla bərabərdir.

Rusiya Maliyyə Nazirliyinin hesablamalarına görə, dolların məzənnəsinin 1 rubl artması büdcə gəlirlərini 35-40 milyard rubl artırır. Ekspertlər hesab edir ki, rublun yeni devalvasiyası miqrantların qazancını daha da azaldacaq. Rublun ucuzlaşması Rusiyadakı miqrant azərbaycanlıların gündəlik həyatına da təsir edir, gəlirlərin dəyərsizləşməsinə və xərclərin artmasına gətirib çıxarır. Nəticədə yığım və Azərbaycana göndərilən pulların da həcmi azalır, hətta iş ixtisarları ilə üzləşən soydaşlarımız ölkəyə qayıtmağa məcbur olur. Prosesin cari il ərzində daha da genişlənməsi qaçılmaz sayılır. Onu da qeyd edək ki, rublun dəyər itirməsi Rusiyada azərbaycanlı istehsalçının rəqabət qabiliyyətini də aşağı salır və nəticədə yerli məhsullarımız qonşu ölkədə daha baha qiymətə satışa çıxarılmaq məcburiyyəti ilə üzləşir. Bu da Rusiyaya ixracın qarşısında azərbaycanlı biznesmenlərə problemlər yaradır.

Nahid SALAYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...