Zakir Nəsirovun "cinayət və cəzası" yenidən gündəmdə...

Tarix: 10.02.2016 / 02:19
Bölmə: Gündəm

11 il əvvəlki hadisələri yenidən aktuallaşdıran sabiq polis rəisi, "Polisə Dəstək" İB-nin sədri, tanınmış ictimai xadim Şəmsəddin Əliyevdir. Hüquqşünas köhnə hadisəyə qayıtmağa niyə böyük əsas görür? Hər şeyi müəllifin öz məqaləsində oxuyun. Beləliklə, Şəmsəddin Əliyev yazır: "Azərbaycan Xalq Cumhuriyyətinin idarəçilik ömrü qısa zamanda iflasa uğradı.

Lakin, bu qısa zaman ərzində bir neçə orqanın peşə bayramı bizə miras qaldı - Silahlı Qüvvələri Günü - 26 iyun, dövlətin simvolu olan 9 noyabr Bayraq Günü və 2 iyul Polis Günü indi də təntənəli şəkildə qeyd edilir. Peşəkarlıq və şərəfli xidmət yolu keçmiş Azərbaycan polisinin dövlətin cinayətkarlıqla mübarizə siyasətinin həyata keçirilməsində danılmaz xidmətləri var. Dünən də belə idi, bu gün də belədir, sabah da belə olacaq. Polisin həm AXC dövründə və ondan sonra, həm də müasir demokratik Azərbaycan dövlətinin qurulmasında rolunu danmaq qəbahət olardı. Müstəqil Azərbaycanın Milli Ordusunun formalaşmadığı bir ərəfədə polis daxildə cinayətkarlıqla mübarizəni davam etdirməklə paralel, ərazi bütövlüyümüzü işğal etmək niyyətindən geri çəkilməyən məkrli erməni ordusuna qarşı şücaətlə (əslində rusun dəstək verdiyi qoşunlarına qarşı) döyüşməkdən də çəkinmirdi. Polis əməkdaşlarından sağlamlığını itirənlər, cəsarət və mərdliklə canını fəda edib şəhid olanlar da az deyil. Ölənlərin ruhu şad olsun, qalanlara isə can sağlığı arzulayırıq.

Konstitusion quruluşun dayanıqlığını, davamlılığını və toxunulmazlığını təmin edən polis orqanlarını, təssüf ki, nüfuzdan salmaq, cinayətkarlıqla mübarizə lövhəsində öncül yerdə olan polisi şərləmək, onun fəaliyyət istiqamətini yamsılamaq yolunu seçənlər də oldu. Bu, "qara kəmər" ("qisas kəməri" kimi də dəyərləndirmək olar.) əhvalatı həm də qara bir əməliyyat olaraq cəmiyyətin yaddaşında qaldı. Mən bununla heç də həddini aşan, sui-istifadə hallarına yol verən bəzi polis əməkdaşlarını" mühafizə qəlibinə salmağın tərəfdarı kimi çıxış etmirəm.

Nə baş verdi? "Qara kəmər" əməliyyatı "cinayətkarlıqla", "korrupsiya" ilə mübrizədən çox, nüfuzlu bir Mərkəzi İcra hakimiyyəti orqanının müvazinətini laxlatdı. Bu qəsd idi, qatı bir qəsd. Amma ictimai asayişin mühafizə özülünə təsir edə bilmədi, qəddi əyilmədi. "Əməliyyatın" məqsəd və motivi, daha doğrusu leytmotivi də vətəndaş cəmiyyətinin sağlam təbəqəsinə bəlli idi. Həmin vaxt dövlət başçısı İlham Əliyev hadisəni düzgün qiymətləndirdi, kölgəli, bulanıq niyyətlərin üstünə çarpaz xətt çəkdi.

Bəs, sonra nə baş verdi? Tarixi zamanın diqtəsi ilə böyük dahilər yazır. Sıravi vətəndaşlar bu prosesin yalnız şahidləri kimi tarixdə qalırlar. Zamanın dəyirmanının "çax- -çuxu" baş ağrıtsa da, möhür gec vurulur. Möhür zamanın şəhadət barmağının izidir. O zamanın rəmzi və silinməzdir. Ona hörmətsizlik isə qəbul edilməz! Atalar demişkən: "Nə tökərsən aşına, o da çıxar qaşığına"; "Gülmə qonşuna, gələr başına" və s. və i.a. .

"Qara kəmər"dən sonra qara piarlar başlandı. Daxili İşlər Nazirliyinin yüksək rütbəli şəxsləri məsuliyyətə cəlb olundular, bəziləri ömürlük azadlıqdam məhrum etmə cəzasına məhkum edildi. DİN-in Baş Cinayət Axtarış İdarəsinin rəisi, polis general-mayoru Zakir Nəsirov da ömürlük həbs olunanların sırasında qaldı. General Zakir Nəsirov DİN mərkəzi aparatının baş idarəsinin rəisi kimi umummilli lider Heydər Əliyev tərəfindən imzalanan aktla ilk generaldır. Təkrar edirəm, general rütbəsini Zakir Nəsirova Heydər Əliyev vermişdi. Heydər Əliyev çox gözəl bilirdi ki, general rütbəsini kimə və niyə verir. Bəs necə oldu ki, yüksək rütbə sahibi etimadı doğrulda bilmədi, nə mane oldu? İctimai rəydə və Zakir Nəsirovu tanıyan həmkarların yaddaşında həmin vaxt və indi də o, belə xatırlanır: İşini yaxşı bilirdi, yüksək peşəkarlığa malik əməliyyatçı, nəfsinə hakim duran, dövlətinə, vətəninə, göstərilən etimada sədaqət nümayiş etdirən generallardandır. Cinayətkarlıqla mübarizədə prinsipallığa, qanunçuluğa, humanistliyə həmişə önəm vermişdir. Haqqında şər, böhtan söyləyən eşitməmişəm... Belə rəylərdən sonra onun zahiri görünüşü və qiyafəsidə Zakir müəllimin günahsız olduğuna şəhadət verir. Yəni günahı varsa da, tətbiq olunan ömürlük azadlıqdan məhrum etmək cəzasının həddində deyil - desəm yəqin həmkarlarım məni qınamaz!

Yenə ictimaiyyətin müəyyən qismi belə ehtimal edir: "Zakir müəllimə qarşı ədalətsizlik oldu."

General Zakir Nəsirovun ən pis halda günahı baş verənlər barədə tədbir görməməsi ola bilərdi. Buna görə isə cəza çəkmə müddəti artıq bitmişdir. O, əfv edilə, bəraət ala və cəzanın çəkilməmiş hissəsindən azad oluna bilər. Həbsxana şəraitində özünü nümunəvi aparmış, heç bir hüquqpozmalara yol verməmişdir.

Hüquqşünas qənaətimə görə, Zakir Nəsirovun cəzasının qalan hissəsinin çəkilməsinə lüzum qalmır. Zakir Nəsirovun psixi münasibəti və təfəkkürü heç vaxt belə əməllərin iştirakçısı olmağa imkan vermir. KİV-də olan məlumatlardan görünür ki, Zakir Nəsirovun əlavə kassasiya qaydasında verdiyi şikayətin baxılmasına prosesual start verilib. İstintaq zamanı iddia edilən pozulmuş normaların tələblərinə nə dərəcədə riayət edilməsi öyrəniləcək, generalın əməlinə verilmiş cinayət hüquqi qiymətin düzgünlüyünə diqqət yetiriləcək. Eyni zamanda birinci instansiya məhkəməsinin və apelyasiya məhkəməsinin mübahisə edilən məhkəmə aktlarının qanuniliyi də diqqət çəkəcək.

Sonda; Rəvayətə görə, bir adamın qoyunları gecə vaxtı bir əkinçinin tarlasına girib, əkinini zay edir. Əkinçi ziyanın ödənilməsi tələbilə Həzrəti Davudun hüzuruna gedib şikayət edir. Zərərin qiyməti qoyunların qiymətinə bərabər olduğundan, Davud Peyğəmbər qoyunların əkinçiyə verilməsini əmr edir. On bir yaşlı oğlu Süleyman Peyğəmbər isə daha ədalətli qərar verir: Əkin tarlasını əvvəlki halına gəlincəyə qədər qoyun sahibinə verməyi (qoyun sahibi tarlanın əvvəlki vəziyyətini bərpa edənədək) və bu müddət ərzində qoyunların südü və yunundan istifadə etməklə, qoyunların da əkinçiyə verməyi uyğun hesab edir.

Şübhəm yoxdur ki, şikayətə Azərbaycan Respublikası Ali Məhkəməsinin Plenumu tərəfindən obyektiv baxılacaq. Əvvəlki məhkəmə aktlarındakı prosesual çatışmazlıqlara da aydınlıq gətiriləcək. Ədalət zəfər çalacaq.

Zakir Nəsirovun vəkili təcrübəli hüquqşünas Adil İsmayılovun da peşəkarlığı burada, inşaallah, nəticəsini verəcək. Allah hamının qapısını açsın!

Şəmsəddin Əliyev,

Hüquqşünas-publisist

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...