İri məmurların postneft bölgə görüşlərinə iki ziddiyyətli baxış...

Tarix: 06.02.2016 / 02:37
Bölmə: Gündəm

Aqşin Əliyev: "Köklü yeniliklər tələb edən bu siyasətin məğzi xalqa tam aydın olmalıdır"

"Belə məsələlərdə xalqla dövlətin dialoquna böyük zərurət olur"

Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov bu yaxınlarda Quba rayonunda ictimaiyyət nümayəndələri ilə görüşdü.

Görüşdə çıxış edən Ə.Həsənov bildirib ki, ictimaiyyət nümayəndələri ilə keçirilən bu görüş "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının ikinci ilinin yekunlarına həsr olunmuş konfransda Prezident İlham Əliyevin çıxışından irəli gələn məsələlər, verilən tapşırıqlar, 2016-cı ildə görüləcək işlər, nəzərdə tutulan tədbirlər barədə rayon ictimaiyyətini daha yaxından məlumatlandırmaq məqsədi daşıyıb.

Prezident İlham Əliyevin tapşırığına əsasən, digər bir yüksək vəzifəli şəxs, Milli Məclis sədrinin müavini Bahar Muradova Horadiz şəhərində Füzuli rayonunun ictimaiyyəti ilə görüşüb. Horadiz şəhərində keçirilən görüşdə Rayon İcra Hakimiyyətinin başçısı Alı Alıyev dövlət başçısının tapşırıqlarının icrası istiqamətində görülən işlər və qarşıda duran vəzifələrdən danışıb. Bildirib ki, bu il rayon üzrə istehsal olunan sənaye məhsulu və xidmətlərin dəyəri 10.2 milyon manat təşkil edib. Rayon ərazisində sənaye parkının yaradılmasının vacibliyi də vurğulanıb. Milli Məclis sədrinin müavini Bahar Muradova isə diqqətə çatdırıb ki, kənd təsərrüfatı və sahibkarlıq daha da inkişaf etdirilməli, torpaqlardan səmərəli istifadə olunmalı, sahibkarlar regiona cəlb edilməli, iri təsərrüfatlar yaradılmalıdır.

Dövlət başçısının müvafiq tapşırıqlarına əsasən, Füzuli rayonunda abadlıq-quruculuq işləri sürətlə davam edir, yeni sosial obyektlər istifadəyə verilir. Rayon ərazisində yol infrastrukturunun inkişafı diqqət mərkəzində saxlanır. Fin qəsəbəsində yaşayan sakinlər üçün 400 evlik qəsəbə salınır. Tədbirdə çıxış edən sahibkarlar kənd təsərrüfatının inkişafı ilə bağlı təkliflər irəli sürüblər.

Azərbaycan Prezident Administrasiyası rəhbərinin müavini, Regional idarəetmə və yerli özünüidarəetmə orqanları ilə iş şöbəsinin müdiri Zeynal Nağdəliyev isə Sumqayıt sakinləri ilə görüşüb. Tədbirdə çıxış edən Zeynəl Nağdəliyev bildirib ki, fəaliyyətini dayandırmış qurumlardan azad olunan işçilər var, onlar işlə təmin olunmalıdır.

Z.Nağdəliyevin sözlərinə görə, Azərbaycanda 30 minə yaxın iş yeri müəyyənləşib: "Bu məsələ həm mərkəzi, həm də yerli icra orqanları tərəfindən tənzimlənəcək. Təbii ki, məvaciblər də qaydaya uyğun olacaq. Hər bir ailə müəyyən qazancla təmin olunmalıdır".

Prezident Administrasiyası rəhbərinin müavini qeyd edib ki, yerlərdə insanları narahat edən məsələlər olduqda onlar icra orqanlarına müraciət etməlidir: "Bu təbii haldır. Məmurlar xidmətçidirlər. Onların imtiyazı xalqa xidmət etməkdir".

Maraqlıdır ki, bu cür görüşlərə bəzi müxalifət dairələri başqa çalar verməyə çalışır. Həmin iddialarda bildirilir ki, bu, yerlərdə baş qaldıra biləcək etirazların qarşısını almaq üçün atılan qabaqlayıcı addımlardır. Əslində isə yeni postneft dövrü üçün xarakterik olan siyasətin məzmununu yerlərdəki əhaliyə çatdırmaq və bütün cəmiyyəti onun icrasına səfərbər etmək məqsədini daşıyan bu tədbirlərin cəmiyyət üçün zəruri olduğu nəzərə çarpır.

Ekspertlər keçirilən bu tədbirləri necə xarakterizə edir?

Sosioloq Aqşin Əliyev "Bakı-Xəbər"ə açıqlamasında bildirdi ki, yüksək vəzifəli məmurların yerlərə etdikləri səfərlər müsbət qarşılanmalıdır: "Mən həmin təmaslara başqa rəng qatmaq istəyən qüvvələrə təəccüblə yanaşıram. Xüsusilə də müxalif qüvvələr bundan əvvəl vəzifəli şəxslərin xalqla təmasda olmadığına irad bildirirdilər. Əslində bu siyasət elə onların etdiyi tələblərə tam cavab verir. Ancaq "bunu opponent tərəf edirsə, faktı mütləq pisləmək lazımdır" kimi yanaşma bolşevizm əlamətidir. Azərbaycan yeni postneft dövrünə qədəm qoyub. Bunu ölkə başçısı da çıxışında deyib. Köklü yeniliklər tələb edən bu siyasətin məğzi xalqa tam aydın olmalıdır. Bu səbəbdən də məmurların yerlərə ezam olunması zəruri və normaldır. Sosioloji aspektdən yanaşanda da cəmiyyətin buna sifarişi hiss edilir. Çünki köklü dəyişikliyi özündə ehtiva edən iqtisadi siyasətdə xalqın hansı rola malik olacağı, dövlətin üzərinə düşən bütün vəzifələr ətrafında geniş müzakirə aparılmalıdır. Belə məsələlərdə xalqla dövlətin dialoquna böyük zərurət olur".

Məhəmmədəli QƏRİBLİ

DİGƏR XƏBƏRLƏR

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

Tarix: 02.06.2026 / 09:41

Aİ ölkələri Orta Asiyada qaçqın mərkəzləri yaradır? - Qazaxıstan təkzib etdi

Tarix: 31.05.2026 / 11:50

Atatürkün siyasi övladlarını Anıtkabirə buraxmadılar... Ankarada şok...

Tarix: 30.05.2026 / 17:42

Anna Hakobyan 15 məhkəmə iddiası ilə üzləşəcək - xeyriyyə fəaliyyətinə qoyulan qadağanı pozduğuna görə…

Tarix: 29.05.2026 / 16:27

Lavrov Paşinyanın planlarını "Rusiyasız varlanmaq cəhdi” adlandırdı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır