Prezidentin iştirak etdiyi tədbirdə mükafatlandırılan polis-idmançılar o günü necə xatırlayır?

Tarix: 03.02.2016 / 02:04
Bölmə: Gündəm

Bu gün dünya miqyasında idman dövləti kimi tanınan ölkəmizin idmançılarının əldə etdiyi uğurlar hər birimizi sevindirir. Ötən il beynəlxalq yarışlarda qazanılan 823 medaldan 321-nin qızıl olması onu deməyə əsas verir ki, idman siyasəti dövlətin əsas prioritetlərindəndir.

Bir müddət öncə Milli Olimpiya Komitəsində ötən ilin idman yekunlarına həsr olunan mərasimdə iştirak edən dövlətimizin başçısı, Milli Olimpiya Komitəsinin Prezidenti cənab İlham Əliyev qazanılan uğurlarla bağlı idmançılarımızı təbrik etmiş, 2016-cı il də də onlara idman karyeralarında uğurlar arzulamışdır.

Sevindirici haldır ki, Azərbaycanda qeyri-Olimpiya idman növlərinin inkişafında xüsusi xidmətlərinə görə fərqlənən idmançı-həmkarlarımız, Azərbaycan polisləri İlkin Səfərov və Nizami Məmmədov Milli Olimpiya Komitəsinin prezidentinin fəxri fərmanları ilə təltif edildilər. İdman tariximizə adlarını qızıl hərflərlə yazdıran idmançılar arasında onların adlarının boy verməsi, dövlət başçısı tərəfindən mükafatlandırılmaları həm də daxili işlər orqanlarının uğurudur. Bütün bunlar isə həmkarlarımızın yeni-yeni idman nailiyyətlərinə imza atmaları üçün DİN rəhbərliyi tərəfindən lazımi şəraitin yaradılmasından xəbər verir.

Onların əldə etdikləri uğurları DİN-in mətbu orqanı olan "Mübariz keşikdə"nin səhifələrində dəfələrlə işıqlandırmışıq. Elə həmin tarixi görüşlə bağlı təəssüratlarını bölüşmək üçün həmkarlarımızla həmsöhbət olduq.

Hər ikisi o tarixi günün sevincini sanki yenidən yaşayırdı.

"Bizimçün o, tarixi bir görüş idi. Çünki hər kəsə ölkə başçısının əlini sıxıb ondan mükafat almaq nəsib olmur. Sözün düzü, bu bizlər üçün həm də sürpriz oldu. Ancaq inanırdıq. İnanırdıq ki, bu sevinci yaşamaq bizə də qismət olacaq. Çünki ölkə idmanına öz töhfələrimizi verməyə çalışırıq. Həm də biz polis əməkdaşlarıyıq. İdman bizim xidmətimizin ayrılmaz hissəsidir.

O tarixi görüşdən sonra məsuliyyətimizi bir daha hiss etdik. Ölkə başçısı bizlərə əldə olunan nəticələrlə kifayətlənməməyi, daha böyük qələbələrə doğru irəliləməyi tövsiyə etdi. Çalışacağıq ki, bundan sonra da dünyada bayrağımızı ucaldaq, himnimizi səsləndirək. 2017-ci ildə isə İslam Həmrəylik Oyunları keçiriləcək. Bu oyunlara da çox ciddi hazırlaşırıq. Bizə olan inamı və etimadı doğrultmaq ölkə və DİN rəhbərliyi qarşısında vəfa borcumuzdur".

Xatırladaq ki, Yasamal RPİ-nin əməkdaşı, polis kapitanı İlkin Səfərov dəfələrlə dünya və Avropa çempionudur.

Digər həmkarımız - Qaradağ RPİ-nin əməkdaşı, polis Nizami Məmmədov isə DİN-in Polis Akademiyasının 3-cü kurs dinləyicisi, əlbəyaxa döyüş üzrə beşqat dünya çempionu, iki dəfə dünya kubokunun sahibidir.

Hafiz Təmirov,

polis mayoru

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...