"Yeni Müsavat"ın 2010-cu ildəki "Qul bazarı" reportajı 6 il sonra "Azadlıq" qəzetinə niyə və necə çıxıb?

Tarix: 03.02.2016 / 02:37
Bölmə: Gündəm

"Burada pis cəhət həm də ondan ibarətdir ki, bu zaman jurnalistika arasında həmkarlıq münasibətləri gözlənilmir"

Yadigar Məmmədli: "Hesab edirəm ki, bu cür halın baş verməsi plagiatdır"

"Yeni Müsavat" qəzetinin 11 avqust 2010-cu il sayında dərc olunan və qəzetin əməkdaşı Günay Musayevanın müəllifi olduğu "Bakıdakı "Qul bazarı"nda hamilə qadınlar da iş axtarır" başlıqlı yazısı 6 il sonra "Azadlıq" qəzetinin 2 fevral 2016-cı il sayında dərc olunub: eyni başlıq, eyni məzmunla, xural.com saytına istinad edilərək.

"Yeni Müsavat" qəzeti 6 il öncə dərc olunan reportajın indi necə gündəmə gəldiyini və müəlliflik hüququnun niyə tanınmadığını araşdırmaq üçün öncə "Azadlıq" qəzetinin redaktoru Sücəddin Şəriflə əlaqə saxlayıb.

Sücəddin Şərif həmin yazının "Yeni Müsavat" qəzetində dərc olunduğundan və 6 il öncə yazıldığından xəbərsiz olduğunu bildirib: "Bu yazını əməkdaşlarımız xural.com saytından götürüblər. Orada "Yeni Müsavat"a istinad olunmadığı üçün biz yazının "xural.com" saytına aid olduğunu düşünərək onlara istinad verdik. Mən bu məsələni əməkdaşlarımızla araşdıracağam".

"Xural" qəzetinin baş redaktoru Əvəz Zeynallı isə məsələyə facebook statusunda aydınlıq gətirib. O bildirib ki, bu yazı facebook istifadəçiləri tərəfindən onlara göndərilib: "Bu yazını dünən dostlar "facebook"da görüb və dərc olunmaq üçün bizə göndəriblər. Bizim uşaqlar da olduğu kimi dərc edib. Bəzi saytlar da yazını bizə istinadən təkrar tirajlayıblar. Sağ olsun, Azər Ayxanın xatırlatmasından sonra məsələni araşdırdıq və yazının 2010-cu ildə "Yeni Müsavat" qəzetində Günay Musayeva tərəfindən yazıldığı məlum oldu. Saytımızda düzəliş etdik..."

Qeyd edək ki, məsələ aydınlaşdıqdan sonra xural.com saytında düzəliş edilib və yazının 2010-cu ildə "Yeni Müsavat" qəzetində dərc olunduğu qeyd edilib.

Yazının müəllifi, jurnalist Günay Musayeva isə bildirib ki, yazının yenidən gündəmə gəlməsi müsbət hal olsa da, müəllif hüququnun pozulması arzuolunan deyil: "Xural.com saytının mənim 2010-cu ildə dərc olunan yazımı yenidən gündəmə gətirməsi müsbət bir haldır. Çünki bu problem indi də qalmaqdadır".

Maraqlı hadisədir. Jurnalist Günay Musayevanın yazının illər sonra yenidən gündəmə gətirilməsindən məmnun qalması onun peşə haqqı və təbii sevinc hissləridir. Ancaq bir şeyi nəzərə almaq lazımdı və diqqət etmək gərək idi ki, illər öncə, elə konkret 2010-cu ildə mediada başqa maraqlı yazılar da çap olunub. Bu gün niyə digər yazıların yox, məhz indiki şəraitdə "Qul bazarı" reportajının yeni qiyafədə ortaya çıxarıldığı düşündürücüdür. Yəqin, hörmətli müəllif özü də "Azadlıq" qəzetinin rəhbərliyindən imkan düşəndə soruşacaq ki, niyə mənim digər yazılarımı yox, məhz bunu yenidən üzə çıxarmısınız?!

Ortada bir siyasi münasibətin olduğu şübhəsizdir. Çünki tam yeni kimi təqdim olunan "Bakıdakı qul bazarında hamilə qadınlar da iş axtarır" başlıqlı yazını oxuyan oxucu ilk növbədə ölkədə sosial gərginliyin son həddə olduğunu, işsizliyin kütləviləşdiyini, insanların acından öldüyünü, bircə tikə çörəyə hətta özünü də satmağa hazır olduğunu düşünəcək. Təkrar çap da məhz bu mənfi assosiasiyalara hesablanıb. "Reportaj" yenidən çap olunandan sonra sosial şəbəkələrdə ona verilən şərhlər də yazının siyasi məqsədlərlə, sosial narazılıqları qızışdırmaq məqsədilə gündəmə gətirildiyini təsdiqləyir.

Əslində, 6 il əvvəlki mənzərənin təkrar devalvasiyadan sonra Azərbaycanın indiki reallığı kimi təqdim edilməsi işin təşkilatçılarının siyasi maraqları üçün pis düşünülmüş taktika deyil. Həqiqətən də təkrar devalvasiyadan sonra mətbuatda belə reportajı oxuyan oxucuların bir qismi asanlıqla mənzərənin təsiri altına düşə bilər. Axı hər şeyin üstü açılana qədər kim bilirdi ki, həmin "Qul bazarı" söhbətləri indi yox, 6 il əvvəl qələmə alınmış yazıdır? Bütün hallarda isə, illər öncə çap olunmuş bir yazını heç bir əlavə tanıtma mətni olmadan tam yeni kimi çap etmək media peşəkarlığına, jurnalist etikasına və jurnalist həmrəyliyinə qətiyyən uyğun deyil.

Məsələyə münasibət bildirən Demokratik Jurnalistlər Liqasının rəhbəri Yadigar Məmmədlinin sözlərinə görə, jurnalist etikası baxımından belə halların baş verməsi yolverilməzdir: "Hesab edirəm ki, bu cür halın baş verməsi plagiatdır. Hansı zamanda verilməsindən asılı olmayaraq, həmin materialı hazırlayan, zəhmət çəkən insanlar var. Artıq sözügedən material KİV orqanında yayılıb.

Üstündən zaman keçəndən sonra həmin materiala istinad etmək olar. Ancaq bu formada yazını öz adına çıxarmaq doğru deyil. Burada pis cəhət həm də ondan ibarətdir ki, bu zaman jurnalistika arasında həmkarlıq münasibətləri gözlənilmir. Bir də ortada qərəz var. Hər hansı bir olayı daha pis və qərəzli formada təqdim etmək tendensiyası var. Hesab edirəm ki, jurnalist, peşə etikası baxımından bu düzgün deyil".

Ülviyyə NAĞIYEVA

DİGƏR XƏBƏRLƏR

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

Tarix: 02.06.2026 / 09:41

Aİ ölkələri Orta Asiyada qaçqın mərkəzləri yaradır? - Qazaxıstan təkzib etdi

Tarix: 31.05.2026 / 11:50

Atatürkün siyasi övladlarını Anıtkabirə buraxmadılar... Ankarada şok...

Tarix: 30.05.2026 / 17:42

Anna Hakobyan 15 məhkəmə iddiası ilə üzləşəcək - xeyriyyə fəaliyyətinə qoyulan qadağanı pozduğuna görə…

Tarix: 29.05.2026 / 16:27

Lavrov Paşinyanın planlarını "Rusiyasız varlanmaq cəhdi” adlandırdı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır