Azərbaycan məmurları ilə bağlı qruplararası çəkişmədə medianın alətə çevrilməsi problemi...

Tarix: 27.01.2016 / 02:05
Bölmə: Gündəm

Azər Həsrət: "Ola bilər ki, həmin dairələrin ya SOCAR, ya da həmin məmurla problemləri var"

"KİV-lər belə oyunlarda alət olmamaq üçün jurnalistikanın prinsiplərinə tam riayət etməlidir"

Son bir neçə gün ərzində ölkənin gündəminə buraxılan maraqlı bir informasiya geniş rezonans doğurdu. Söhbət SOCAR rəsmilərindən birinin həyat yoldaşının Türkiyədə 20 milyon dəyərində 16 villa almasından gedirdi. İddia edilirdi ki, sözügedən əməliyyatı rəsmiləşdirən Könül Mehdiyeva adlı xanım olub və o, SOCAR rəsmisi Qiymət Mehdiyevin həyat yoldaşıdır.

Türkiyə KİV-lərinə istinadən yayılan bu informasiya dövriyyəyə həftənin 6-cı günü buraxıldığından, təbii ki, SOCAR-ın rəsmi mövqeyi 2 gün gecikməli oldu. Elə bu faktor da qurum və ümumən ölkənin imicinə zərbə vuran, tam təsdiqini tapmayan məlumatın iki gün sosial şəbəkələrdə geniş müzakirələrə yol açmasına rəvac verdi. Nəhayət, həftənin yeni iş günündə SOCAR rəsmisi haqqında yayılan məlumatlara münasibət bildirdi. Onun açıqlamasında bildirilirdi ki, bəzi sayt və media orqanlarında onun həyat yoldaşımın guya Türkiyə Respublikasının Bodrum bölgəsində 20 milyon dollarlıq 16 ədəd villa alması haqqında həqiqətə qətiyyən uyğun olmayan əsassız məlumatlar yayılıb: "Bəyan edirəm ki, bu məlumat yalandır və bunu mənə, ailəmə, işlədiyim təşkilatın işgüzar nüfuzuna zərbə vuran hərəkət kimi qiymətləndirirəm. Mən 30 ildir eyni təşkilatda çalışıram, həyat yoldaşım da interyer dizayn sahəsində mütəxəssisdir və bu sahədə uğurla fəaliyyət göstərir. Heç bir araşdırma aparmadan mənim və ailəmin haqqında yayılmış bu böhtan xarakterli məlumatların bizim konstitusion hüquqlarımızı pozduğunu bəyan edir, bu təhdidlərin məqsədli şəkildə aparıldığını bildirirəm.

Hətta məqalədəki fotoda mənim həyat yoldaşım kimi qələmə verilən xanım həyat yoldaşım deyil. Tamamilə yad, bizə aidiyyəti olmayan şəxsdir. Mənim həyat yoldaşımın aldığı ev qeyd edilən ərazidəki çoxsaylı evlərdən yalnız birinin yarısı qədərdir. Bu həqiqət elə məqalədə göstərilmiş mülkiyyət sənədində də açıq formada qeyd edilib. Ev 1/2 pay olmaqla dəyəri 200 000 Türkiyə lirəsi (təqribən 60 min ABŞ dolları civarında) dəyərindədir.

Eyni zamanda qeyd etməliyəm ki, müxtəlif mətbuat orqanlarında "ətraflı araşdırmanın nəticəsi" kimi qələmə verilmiş saxta məlumat və cizgilər ictimaiyyətdə yanlış təsəvvürlərin yaradılmasına səbəb olub. Bu da məni həmin maraqlı şəxslərə qarşı qanunvericiliyin tam gücü ilə hüquqi tədbirlər görməyə məcbur edir".

O qeyd edib ki, hər hansı formada ictimaiyyətə təqdim olunmuş bu məlumatlar məqsədli şəkildə və cinayətkarcasına saxtalaşdırılıb.

Bu informasiyanın məqsədli şəkildə dövriyyəyə buraxılması və SOCAR-ı gözdən salmaq məqsədinə xidmət etməsi barədə də kifayət qədər məlumat yayılıb. İddia edilir ki, bu təxribatın arxasında Türkiyədə fəaliyyət göstərən və SOCAR-la münasibətləri heç də rəvan olmayan dairələr də dura bilər. Ziddiyyəti olan qruplar arsındakı münasibətlərin aydınlaşmasında mətbuatımız alət kimi istifadə olunmamaq üçün nələri etməlidir?

Media eksperti Azər Həsrət qəzetimizə açıqlamasında bildirdi ki, Azərbaycan jurnalistləri bu mövzu ilə bağlı doğrudan da peşəkar davranmayıb: "Mən barəsində mənfi rəy yaradılan həmin məmurun televiziyadakı çıxışına baxdım. Adam əlindəki sənədlərlə sübut edir ki, onlar dəyəri 60 min dollar olan cəmi bir ev alıblar. Dedi ki, bundan artığını tapan olsa, aldıqları evi ona bağışlamağa hazırdır. Təbiidir ki, bu məsələdə Azərbaycan mətbuatından istifadə ediblər. Türkiyədəki bəzi dairələr öz məqsədlərinə çatmaq üçün belə vasitəyə əl atıb. Ola bilər ki, həmin dairələrin ya SOCAR, ya da həmin məmurla problemləri var. Açıq deyim ki, məlumatı bizim ictimai rəyə təqdim edən mənbələr əvvəl jurnalistikanın qızıl qaydasına riayət etməklə, qarşı tərəfin mövqeyini öyrənməli idi. Təbii ki, məmur da bu gün verdiyi açıqlamanı həmin vaxt verəcəkdi. KİV-lər belə oyunlarda alət olmamaq üçün jurnalistikanın prinsiplərinə tam riayət etməlidir. Onda heç bir problem də yaşanmaz".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...