Bişkekdə 20 Yanvar faciəsinin anım mərasimi keçirildi

Tarix: 19.01.2016 / 01:45
Bölmə: Gündəm

2016-cı ilin yanvar ayının 16-da Azərbaycan Respublikasının Qırğız Respublikasında Səfirliyində Qanlı Yanvar müsibətinin 26-cı ildönümünə həsr olunmuş anım mərasimi keçirilib.

Mərasimdə Qırğız Respublikası Jokorku Keneşinin (Parlamentinin), Hökumətinin təmsilçiləri, bu ölkədə akkreditə olunmuş diplomatik nümayəndəliklərin rəhbərləri və nümayəndələri, ictimai-siyasi xadimlər, Azərbaycan diasporunun üzvləri və ölkənin kütləvi informasiya vasitələrinin təmsilçiləri iştirak edib.

Mərasim başlamazdan öncə 20 Yanvar müsibətini özündə əks etdirən foto sərgiyə baxış keçirilib, iştirakçılara press-relizlər təqdim edilib.

Tədbirin açılışında 20 Yanvar müsibətindən bəhs edən "Qanlı Yanvara aparan yol" adlı sənədli film nümayiş olunub.

Azərbaycan Respublikasının Qırğız Respublikasında Fövqəladə və səlahiyyətli səfiri Hidayət Orucov mərasimi açaraq Qanlı Yanvar hadisələrin şəhidlərinin xatirələrini bir dəqiqəlik sükutla yad edilməsini xahiş edib.

Sonra 20 Yanvar şəhidlərinin və Azərbaycanın ərazi bütövlüyü uğrunda həlak olanların ruhu ehtiramla yad olunub, Bişkekdəki "İmam Əli" məscidinin axundu hacı İlqar Radjev tərəfindən Qurandan ayələr oxunub.

Səfir 20 Yanvar müsibətinin törədilməsi cinayətlərinin yalnız Azərbaycan xalqına qarşı deyil, bütün bəşəriyyətə qarşı vandallıq nümunəsi olduğunu əsaslı dəlillərlə mərasim iştirakçılarının diqqətinə çatdırıb.

Səfir bildirib ki, yanvarın 20-də sovet ordu hissələrinin, daxili qoşunların və xüsusi təyinatlı dəstələrin iri kontingenti Bakıya yeridilərək, xüsusi qəddarlıq və görünməmiş vəhşiliklər törədilib, 134 insan qətlə yetirilib, 744 insan yaralanıb, 5 nəfər itkin düşüb və 841 nəfər əsassız olaraq həbs edilib.

Ulu öndər Heydər Əliyevin 20 Yanvar müsibətindən dərhal sonra Azərbaycanın Moskva şəhərindəki daimi nümayəndəliyinə gəldiyini və cinayət törədənlərin cinayət məsuliyyətinə cəlb olunmalarını tələb etdiyini xatırlayan Hidayət Orucov 20 Yanvar gününün, Azərbaycan xalqının tarixində qanlı fəlakət ilə yanaşı, həm də qəhrəmanlıq salnaməsi kimi iz buraxdığını, hər bir insan ölümünün faciə olduğunu söyləyərək, lakin öz ölkəsinin azadlığı və müstəqilliyi yolunda canından keçən Azərbaycan övladlarının həlak olmaqları ilə qəhrəmanlıq salnaməsinin mühüm bir səhifəsinə tarix yazdıqlarını bildirib.

Diplomat 20 Yanvar 1990-ci ildə Azərbaycan xalqının, hərbi, siyasi və mənəvi təzyiqlərə məruz qalsa da, öz tarixi qəhrəmanlıq ənənələrinə sadiq olduğunu qeyd edərək, Vətənin azadlığı və müstəqilliyi naminə ən ağır sınaqlara sinə gərmək, hətta şəhid vermək əzmini bütün dünyaya nümayiş etdirdiyini vurğulayıb.

Sonra çıxış edən Qırğız Respublikası Parlamentinin deputatı, Qırğızıstan - Azərbaycan Dostluq qrupunun sədri xanım Aşera Xalikova göstərilən filmdən çox təsirləndiyini, Qanlı Yanvar müsibətinin təkcə qardaş Azərbaycan xalqının deyil, həm də qırğız xalqının müsibəti olduğunu qeyd edib.

A.Xalikova Azərbaycanla Qırğızıstan arasında yüksək əməkdaşlıq əlaqələrinin olduğunu, Qırğızstanın Azərbaycanın ərazi bütövlüyünü hər zaman dəstəklədiyini və beynəlxalq təşkilatlarda da qarşılıqlı əməkdaşlığın davam etdiyini vurğulayıb.

Deputatdan sonra söz alan Ukraynanın Qırğız Respublikasında Fövqəladə və Səlahiyyətli səfiri Nikolay Doroşenko Azərbaycanın keçmiş sovet ittifaqı ölkələri arasında müstəqillik üçün mücadilə aparan ilk dövlətlərdən biri olduğunu qeyd edib. Ukraynalı səfir sovet rəhbərliyinin öz əhalisinin qırılmasına rahatlıqla göz yummasının onların qeyri-konstruktiv mövqeyinin, satqın siyasətinin bariz sübutu olduğunu bildirib.

Daha sonra çıxış edən Qırğızstan Xalq Assambleyasının sədri, akademik Bektemir Murzubraimov tarixini unudan xalqın gələcəyinin olmayacağını, amma qardaş Azərbaycan xalqının öz tarixini heç vaxt unutmayacağını qeyd edib. B.Murzubraimov ötən il Azərbaycanda olduğunu və Şəhidlər xiyabanını ziyarət etdiyini qeyd edərək, Azərbaycan xalqının öz tarixinə necə hörmət etdiyinin bir daha şahidi olduğunu vurğulayıb.

Assambleya sədri Qanlı Yanvar müsibətinin də, Xocalı Soyqırımının da qırğız xalqı tərəfindən hüznlə anıldığını, hadisələri törədənlərin gec-tez öz layiqli cəzalarını alacaqlarına ümid etdiyini bildirib.

Sonra çıxış edənlər "Sebat" Tədris Mərkəzinin Baş direktoru Nurlan Kudayberdiyev, Rusiya Federasiyasının Qırğız Respublikasında Səfirliyinin müşaviri Vadim Çekmazov, Qırğızıstanda yaşayan uyğur diasporasının sədri Artık Xadjiyev, "Azəri" ictimai Birliyinin sədri Əziz Əliyev, Qırğız Respublikasının əməkdar həkimi Akif Rəfibəyov, Qırğızıstanın Sokuluk rayonunda yerləşən 2 saylı orta məktəbin rus dili və ədəbiyyat müəlliməsi Alla Kurbanova, Qırğızstanın Milli Strateji Araşdırmalar İnstitutunun müəllimi Anar Qasımov, Qırğız Respublikası Xarici İşlər Nazirliyinin Diplomatik Akademiyasının prorektoru Kayrat Osmanaliyev, Qırğız-Türk "Manas" Universitetinin prorektoru Asılbek Kulmırzayev, Türkiyə Respublikasının Qırğız Respublikasında Səfirliyinin müvəqqəti işlər vəkili Çağatay Yıldırım və başqaları sovet ordusu tərəfindən Bakıda və ölkəmizin bir sıra digər ərazilərində törədilmiş vəhşiliklərdən, bu qanlı müsibətdə, başda Mixail Qorbaçov olmaqla, çökməkdə olan imperiya rejiminin bütün beynəlxalq hüquq normalarına zidd hərəkət etməsi barədə danışıb.

Səfir Hidayət Orucov tədbiri yekunlaşdıraraq qeyd edib ki, bu ağır cinayət həm də ona görə dərindən öyrənilməli və həmişə xatırlanmalıdır ki, bundan sonra dünyanın heç bir güşəsində bir daha baş verməsin.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...