Rayonlarda "devalvasiya həyəcanları" və müvafiq deputatların fəaliyyət(sizliy)i...

Tarix: 15.01.2016 / 02:18
Bölmə: Gündəm

Zahid Oruc: "Kimsə Alp dağlarının ətəyində istirahət edə bilər, amma oradan döndükdən sonra əhaliyə baş çəkməlidir"

Ramiz Tağıyev: "Elə rayonlar var ki, orada qiymətləri qaldıran məhz deputatların monopoliyasında olan şirkətlərdir"

Son bir neçə gündə Azərbaycanın bəzi rayonlarında bahalaşma əleyhinə etiraz aksiyaları keçirilib. Dinc aksiyaya çıxan insanlar yerli icra qurumlarından əsasən süni qiymət artımları ilə bağlı izahat istəyir. Parlament seçkilərindən əvvəl xalqı yanında görmək istəyən bəzi deputatlar belə bir zamanda nədənsə gözə dəymir.

Xüsusilə də etiraz aksiyalarının keçirildiyi rayonlardan seçilən deputatların passivliyi nəzərə çarpdı. Çünki belə hallarda adətən həmin bölgəni təmsil edən millət vəkilləri xalqı sakitləşdirməyə təşəbbüs göstərir. Belə vəziyyətdə bölgələri təmsil edən deputatlar hansı istiqamətdə fəaliyyət göstərməlidir?

Mili Məclisin üzvü Zahid Oruc hazırda təmsil etdiyi regionda etirazlar olan, buna baxmayaraq, xaricdə istirahətini davam etdirən həmkarlarına da səslənib. Onlara mandatı xalqa görə daşıdıqlarını xatırladıb: "İndi hökumət efirə çıxmadan, məsələləri mediada fəal şəkildə izah etmədən, prosesi yalnız bir neçə ekspertin sərəncamına verərək, hətta alınan qərarların effektivliyini təmin edə bilməyəcək. Hökumət bu gün ekranda, məmurlar bölgələrdə olmalıdır. O cümlədən, bilavasitə sahəvi nazirliklərin təmsilçiləri məsələni daim müzakirədə saxlamalıdır. İnsanlara o inamı vermək lazımdır ki, ortada şayiə şəbəkələrindən, böhrandan qazanmaq istəyənlərdən xilas ola bilək. Parlamentin üzərinə düşən vəzifə heç də hökumətdən az deyil. Parlament üzvü kimi həmkarlarımın fəaliyyətini təftiş etməkdən çox uzağam. Etiraz olan bölgələrdə, o rayonun təmsilçiləri haqda da mənfi fikir söyləmək istəmirəm. Onların da hər birinin səlahiyyət çərçivələri var. Amma indi xalqın yanında deyillərsə, niyə o mandatı daşıyırlar?! Bu gün başlıca vəzifə ölkə rəhbərinin kursuna uyğun olaraq prosesi insanlara izah etmək, problemin hansısa formada həllinə inandırmaqdır. Bu gün kimsə Alp dağlarının ətəyində istirahət edə bilər, amma oradan döndükdən sonra əhaliyə baş çəkməlidir. Nəzərə alsınlar ki, mandat da, vəzifə də o insanların hesabınadır".

Tanınmış siyasətçi Ramiz Tağıyev də qəzetimizə açıqlamasında bildirdi ki, belə vəziyyətdə deputatlar və məmurlar xalqın qarşısına çıxmalıdır: "Mənim özüm Naxçıvan MR Ali Məclisinin deputatı olmuşam.

O vaxt vəziyyət çox gərgin idi. Biz öz xoşumuzla ən qaynar nöqtələrə gedirdik. İndiki bəzi deputatlar isə sanki kresloya yapışıb. Xüsusilə də bu gün etiraz edən rayonlardan seçilən deputatların hərəkəti başadüşülən deyil. Əhali süni artıma etiraz edir, ancaq elə rayonlar var ki, orada qiymətləri qaldıran məhz deputatların monopoliyasında olan şirkətlərdir. Xalqı belə təmsil etmək olar?"

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...