Rayon başçılarının büdcə vəsaitlərini asanca "fırlatmaq" şanslarına son qoyulur

Tarix: 14.01.2016 / 02:58
Bölmə: Gündəm

Vüqar Bayramov: "İndiki məqamda rayonlara verilən dotasiyanın azaldılmasının yeganə yolu..."

"İnvestisiyanın cəlb edilməsi də imkan verir ki, rayonların gəlirləri artırılsın"

Prezident İlham Əliyev Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında Azərbaycanın əksər rayonlarının dotasiya ilə yaşadığını qeyd edib. Onun fikrincə, rayonlar öz imkanları hesabına yaşamalıdır:

"Əvvəlki illərdə biz buna, necə deyərlər, göz yuma bilərdik. Böyük gəlirlərimiz var idi və bu dotasiyaları biz verirdik. Ancaq nə üçün bizim rayonlarımız dotasiya ilə işləməlidir? Bizim rayonlarımızın orta hesabla əhalisi o qədər də böyük deyil. Onlar özləri iqtisadi cəhətdən daha səmərəli işləsələr, bütün xərclərini bağlaya bilərlər. Amma gözləyirlər ki, bunlara nə qədər vəsait ayrılacaq. Onsuz da vəsait ayrılır. Bax, dövlət hesabına yollar, qaz xətləri, su xətləri çəkilir, hətta sayğaclar da qoyulur. Hansı ölkədə dövlət hesabına sayğaclar qoyulur?".

Prezident qeyd edib ki, ölkədə bütün infrastruktur layihələri icra edilir, böyük sərmayə qoyulur, turizm infrastrukturu yaradılır: "Kim bunu yaradır? Dövlət və özəl şirkətlər. Amma yerlərdə onlar daha fəal işləməlidirlər. Onların qarşısında vəzifə qoyuram ki, hər rübdə bir dəfə görülən işlərlə, açılan yeni iş yerləri ilə, açılan müəssisələrlə bağlı məlumat versinlər. Yəni onlar da nəticə çıxarsınlar. Dövlət onsuz da öz siyasətini aparacaq və lazımi sərmayəni qoyacaq. Ancaq mən əminəm ki, bizim bütün rayonlarımız daha səmərəli işləyə bilərlər və daha da yaxşı nəticələr olacaqdır".

Həqiqətən rayonların dotasiyasız yaşamaq potensialı var. Sadəcə bu potensialdan səmərəli şəkildə istifadə etmək lazımdır. Belə olsa, o zaman dövlət büdcəsinə yük düşməz.

Maraqlıdır, sözügedən məsələyə ekspertlər necə yanaşır?

Məsələyə münasibət bildirən iqtisadçı-ekspert Vüqar Bayramovun fikrincə, dotasiya ilə yaşayan rayonların sayının çox olmasının konkret səbəbi var: "Bu gün dotasiya ilə yaşayan rayonların sayının çox olması onların xərclərinin gəlirlərdən çox olması ilə bağlıdır. Ona görə də balansın qorunub saxlanmasına ehtiyac var. Təbii ki, gəlirlərin çoxalması artıq həmin rayona dotasiyanın verilməsinin qarşısını alır. Dotasiyanın azaldılması üçün, birmənalı şəkildə, həmin rayonlarda istehsal sektorunun yaradılması və dəstəklənməsinə ehtiyac var. Rayonların investisiya cəlb etmək imkanları var. Rayonlarda Bakı ilə müqayisədə işçi qüvvəsi ucuz olduğundan və infrastruktur inkişaf etdiyindən, bölgələrə investisiyanın cəlb edilməsi mümkündür. İnvestisiyanın cəlb edilməsi də imkan verir ki, rayonların gəlirləri artırılsın. Rayonların bütövlükdə təşviq edilməsi, həm də bu istiqamətdə dotasiyanın azaldılması və rayonlar üçün xüsusi öhdəliklərin müəyyənləşdirilməsinə ehtiyac yaranıb. Çünki dotasiya rayonları həm də müəyyən qədər arxayın salır. Bu mənada dotasiyanın verilməməsi ona görə əhəmiyyətlidir ki, rayonlar arxayın şəkildə dövlət büdcəsindən vəsait almaqda maraqlı olmasın. O baxımdan indiki məqamda rayonlara verilən dotasiyanın azaldılmasının, birmənalı şəkildə, yeganə yolu rayonların bu istiqamətdə dəstəklənməsi və yeni iş yerlərinin yaradılmasına hesablanan investisiyaların cəlb edilməsindən keçir. Azərbaycanda mövcud olan bütün iqtisadi rayonların dotasiyadan azad olmaq imkanı var".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...