Tanınmış Hollivud aktyoru Leonardo di Kaprio Mərkəzi Amerika dövləti Beliz yaxınlığında özünə məxsus adada ekoloji cəhətdən təmiz kurort yaratmaq qərarına gəlib. Baki-xeber.com-un vesti.ru-ya istinadən xəbərinə görə, bu barədə aktyorun özü "The New York Times2a bildirib.
İlk dəfə di Kaprio Belizi 2005-ci ildə ziyarət edib. Xəbərə görə, burada o, dalğıcliqla məşğul olub və elə o zaman buranın özü də, sualtı aləmi də aktyorun o qədər xoşuna gəlib ki, 1,75 milyon dollara Blekador Ki adasını satın alıb. 42 hektar ərazisi olan ada Belizdən 45 dəqiqəlik məsafədə yerləşir. Eko-kurortun 2018-ci ildə hazır olması planlaşdırılır. Burada icarəyə verilmək üçün 68 villa, 48 şəxsi evin tikilməsi nəzərdə tutulub. Di kaprio onu da deyib ki, adanın ərazisi qoruq elan olunacaq, fauna və florası qorunacaq. Eyni zamanda istirahətə gələnlərə adaya nəyin gətirilməsinin yasaq olduğu bildiriləcək. Ən əvvəl bu sıraya plastik butulkalar daxil ediləcək. Bundan əlavə, dincəlməyə gələnlər xüsusi "ekoloji treninq”dən keçəcək.
Qeyd edək ki, di Kaprio artıq uzun illərdir ekoloji problemlərlə məşğul olur. 2013-cü ildə onun Ümumdünya vəhşi təbiət fonduna 3 milyon hədiyyə etməsilə Nepalda pələnglərin sayı artıb. 2014-cü ildə isə eyni məbləğlə okeanların qorunması fonduna yardım edib.
