Erməni saytları ABŞ-da yaşayan Anna Terkott-Astvasaturyanın "erməni həqiqətləri”nin təbliğindən ötrü dünya turnesinə çıxmasından yazıb.
Bildirildiyinə görə, Anna Terkott-Astvasaturyan 1978-ci ildə Bakıda döğulub və 90-cı il hadisələri zamanı buradan qaçaraq ABŞ-da qaçqın statusu alıb. Azərbaycanda gördüyü vəhşiliklər (!) barədə bir neçə kitab yazan bu zərərdidə xanım yazdıqları ilə kifayətlənməyib, dünyanı gəzməklə anti-Azərbaycan təbliğatı aparmağa qərar verib. Onun fikrincə, auditoriya qarşısında diskussiya formasında danışmaqla aparılan təbliğat daha effektli olur.
Ermənilərin öz təbliğat metodlarında qadınlardan istifadə etmələrinin onların ən sınanmış üsulu olduğunu və və bu xüsusiyyəti genetik olaraq daşıdıqlarını biz də bilirik. Onu da bilirik ki, belə təbliğatın effektli olduğu barədə dediklərində həqiqət payı var. Belə olmasaydı, bəzi ermənipərəst siyasətçiləri də "qatığa qara deməyə” təhrik edə bilməzdilər. Sözümüz bunda deyil.
Başlayaq ondan ki, 90-cı illərdə Bakıda baş verən talanlardan canını zor qurtararaq qaçan bu xanım niyə Qarabağa və ya Ermənistana deyil, ABŞ-a üz tutub? Baxmayaraq o özü yazır ki, Qarabağ da Ermənistan kimi bütün ermənilərin vətənidir. O halda maraqlıdır, niyə dünyaya səpələnmisiz? Səbəb sadədir: Ermənistan burdan qaçan ermənilərə satqın kimi baxdığından onları qəbul etmirdi. Ona görə də onların imkanlıları xaricə, imkansızları isə MDB ölkələrinə üz tutdu. Anna Terkott-Astvasaturyan deyir ki, dünyanı gəzib, erməni doğulmağın və azərbaycanlılar arasında yaşamağın nə qədər dəhşətlı bir şey olduğunu (!) dünyaya bəyan edəcək. Bildirir ki, azərbaycanlıların kiçik yaşlarından öz uşaqlarına təlqin etdiyi "quduz ermənifobiya” haqqında hər kəsi məlumatlandırmaqda qərarlıdır. Bu sətirləri yazarkən artıq oxucunun üzündəki heyrəti, eyni zamanda əsəbi gülüşü hiss edirəm. Amma təəccüblü deyil, budur əsl erməni xisləti! Adımı sənə qoyum, səni də yana-yana!
Amma təbii ki, bütün bunlar səbəbsiz deyil. Çünki bu erməni qızı əsas məqsədinin Qarabağın erməni yurdu olması ilə bağlı təbliğaq aparmaq olduğunu gizlətmir. Qarabağın Stalinin iradəsilə Azərbaycana verilməsini yanlış qərar adlandıran bu gözəlçə deyir ki, hətta o zaman da ermənilər burada əhalinin əksəriyyətini təşkil edib və bu da Qarabağın "qədim erməni yurdu” olmasının bir sübutudur. 20 ildən çoxdur burada insanların blokada şəraitində yaşadığını, hər cür əzab-əziyyətə dözdüyünü deyən Anna Terkott-Astvasaturyan məhz bu yerdə "mətləb üstə” gələrək deyir ki, bütün bunlardan sonra "Artsax”dan imtina yolverilməzdir. Söhbət hansı imtinadan gedir? Məsələ burasındadır ki, Qarabağ münaqişəsinin çözümü ilə bağlı zaman-zaman gündəmə gələn fikirlər onların xeyrinə olmadığından artıq erməniləri qorxutmağa başlayıb. Hər zaman belə situasiyalarda qadınlarından ustalıqla istifadə edən ermənilərin bu priyoma bir daha müraciət etməsi isə onların "Artsaxdan imtina” barədə məlumat əldə etməsinin göstəricisi də ola bilər. Hər halda, ermənilərin "gözəlçə priyomu” tezliklə Qarabağ çözümündə hansısa irəliləyişin olacağının göstəricisi sayıla bilər. Gözləyək...
Baki-xeber.com
