Qənaət rejiminin zəruriliyini hələ də anlamayan dövlət orqanları Prezidentin siyasətinə qarşı...

Tarix: 08.01.2016 / 02:38
Bölmə: Gündəm

İlqar Hüseynli: "Belə qurum və məmurlar barəsində ciddi ölçü götürülməlidir"

"Hazırda ən çox narahatlıq doğuran məqamlardan biri məhz ixtisarlarla bağlıdır"

2015-ci ildə neftin kəskin dəyərdən düşməsi ilə Azərbaycanda iqtisadi artım tempi azaldı. Son illər ərzində ilk dəfə ölkədə iş yerləri bağlandı, manat devalvasiyaya uğradı.

Ölkənin neft gəlirlərinin azalması və qlobal iqtisadi böhranın hələ ötən ilin ortalarında ciddi hiss olunması hökuməti dövlət xərclərini azaltmaqla bağlı müəyyən addımlar atmağa sövq etdi. Görülən tədbirlər çərçivəsində Nəqliyyat Nazirliyinin strukturunda ciddi dəyişikliklər edildi, biznesi, sahibkarları təhdid altında saxlayan qurumlarda ciddi struktur islahatları aparıldı.

Bundan əvvəl Prezident İlham Əliyev Nazirlər Kabinetinin 2015-ci ilin 9 ayının sosial-iqtisadi inkişafının yekunlarına həsr olunan iclasında ölkədə maliyyə intizamının gücləndirilməsinin, izafi xərclərə yol verilməməsinin vacibliyini qeyd edərək qənaətlə bağlı çağırışlar etdi: "Prioritet təşkil etməyən layihələrə vəsaitin ayrılması dayandırılmalı, büdcə xərclərinin strukturuna yenidən baxılmalı və büdcə vəsaiti qənaətlə işlədilməlidir. Bundan əlavə, sahibkarlar vergiləri vaxtında ödəməli, onların qarşısında əsassız ödəmələrlə bağlı tələb qoyulmamalıdır".

Ancaq maraqlıdır ki, bəzi qurumlar Prezidentin qənaətlə bağlı tövsiyələrini daha çox işçiləri ixtisar etməklə həyata keçirir. Halbuki, xərclərə qənaət olunmasının yolu təkcə ixtisardan keçmir. Bununla bağlı bir sıra izafi xərclər var ki, onları ixtisar etməklə bu işə töhfə vermək olar. Məsələn, xidməti maşınların sayının azaldılması, avtomobillərin tez-tez dəyişdirilməsinə son vermək, bahalı xidməti maşınlardan imtina etmək, ezamiyyə xərclərini azaltmaq və s. Müəyyən qurumlar bunu hər vəchlə etmək istəmir və daha çox işçi ixtisalına önəm verir. Bu da ölkədə işsizlərin sayının artmasına və sosial gərginliyə rəvac verir.

Sözügedən məsələni dəyərləndirən ekspert İlqar Hüseynlinin fikrincə, təəssüflər olsun ki, belə xoşagəlməz hallar var: "Bəzi dövlət qurumlarında çalışan məmurlar özlərinə əziyyət vermək istəmirlər. İllərdir alışdıqları dəbdəbəli həyatdan ayrılmaq istəmirlər. Buna görə də çıxış yolunun ən asan variantına üstünlük verirlər. Bu da cəmiyyətdə narazılıqla qarşılanır. Hesab edirəm ki, bu cür hallara yol verən qurumlar işsizliyi, sssial gərginliyi körükləyirlər. Hazırda ən çox narahatlıq doğuran məqamlardan biri məhz ixtisarlarla bağlıdır.

Özəl qurumlarda aparılan ixtisarlara birbaşa müdaxilə etmək mümkün deyil. Ancaq dövlət qurumlarında hansısa tədbirlər görmək olar. Ən azından, xərcləri başqa vasitələrlə azaltmaq olar. Məsələn, maaşları azaltmaqla problemdən qismən az itki ilə çıxmaq olar. Lakin görünən odur ki, müəyyən qurumlar bunda maraqlı deyil. Belə qurum və məmurlar barəsində ciddi ölçü götürülməlidir".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...