Əfv fərmanındakı bir nüansı ABŞ-ın son təzyiqlərilə bağlayanların yanlışı...

Tarix: 30.12.2015 / 02:52
Bölmə: Gündəm

İlham Əliyev bunu başqa səbəblərdən etdi...

Sahib Məmmədov: "Bayram ərəfəsində əfv sərəncamının verilməsi ölkə başçısının humanistliyindən irəli gəlir"

Əliməmməd Nuriyev: "Gələcəkdə bu cür addımlar ərəfəsində beynəlxalq hay-küy olmasına ehtiyac yoxdur"

Prezident İlham Əliyev gözlənilən əfv sərəncamını imzaladı və 210 nəfər cəzanın qalan hissəsindən azad edildi. Bu əfv sərəncamında diqqətçəkən məqamlardan biri problemli məhbus kimi hallandırılan heç bir nəfərin də adının olmamasıdır. Amma gözləntilər çox idi. Çünki əfvqabağı hətta iqtidara yaxın olan siyasilər, hüquq müdafiəçiləri belə əfvin geniş miqyası əhatə edəcəyini deyirdilər.

Siyahıda heç bir problemli məhkumun adının olmaması bir çox mülahizələrə yol açıb. Əsasən də ABŞ-lı konqresmen Smitin Azərbaycana tətbiq edilməsi nəzərdə tutulan sanksiya layihəsi ilə bağlı fikirlər səsləndirilir. Bildirilir ki, əfvqabağı bu anonsu verməklə ABŞ özünə yaxın olan daha çox şəxsin əfvə salınmasına nail olmaq istəyirmiş. İmzalanan əfv sərəncamında problemli məhbuslardan heç birinin adının olmaması nə ilə bağlıdır?

Hüquq müdafiəçisi Sahib Məmmədovun sözlərinə görə, müxalifət təmsilçiləri iddia edirlər ki, əfv sərəncamı narkomanlara, cinayətkarlara, tüfeylilərə şamil olunub: "Bu yanaşma həqarətlidir. Çünki məhkum olunan hər bir kəsin vaxtından öncə azad olunma hüququ var. Müxalifət təmsilçilərinin əfvlə bağlı səsləndirdiyi iddialar yersizdir. Bayram ərəfəsində əfv sərəncamının verilməsi ölkə başçısının humanistliyindən irəli gəlir.

Əfv sərəncamından öncə ictimai sektorda olan bəzi şəxslərin azadlığa çıxacağı ilə bağlı gözləntilər var idi. Leyla və Arif Yunuslar barədə məhkəminin humanist qərarından sonra bu şəxslərə əfv sərəncamının tətbiq olunması gözlənilən idi. Eyni zamanda bu hadisələrin fonunda beynəlxalq təzyiq artmışdı. Yəni vahid şəbəkə - ABŞ-dakı bədnam konqresmen Kris Smit, Avropa Şurasının baş katibi Tyorborn Yaqland, xaricdən maliyyələşən ölkədəki bəzi qruplar vahid siqnal əsasında fəaliyyət göstərir və müxtəlif hesabatlar hazırlayırlar. Bu yaxınlarda 93 nəfərlik siyahı və 38 səhifəlik hesabat ortaya çıxdı. Bunların hər biri hökumətə təzyiq, meydan oxuma, ultimatum vermək xarakteri daşıyırdı. Azərbaycan dövləti nümayiş etdirdi ki, kiminsə təzyiqi ilə qərar qəbul etmir. Dövlət öz gücünü göstərdi. Ümumilikdə isə 210 nəfərə əfv sərəncamının tətbiq olunması humanist addımdır".

İnsan Hüquqları üzrə Birgə İşçi Qrupun üzvü Əliməmməd Nuriyev isə bildirdi ki, adı hüquq müdafiəçilərinin siyahısında olan şəxslərin azadlığa çıxmaması beynəlxalq hay-küylə bağlıdır: "Bu məsələ ətrafında bir belə hay-küy, tələblər olmasaydı, onları da azadlıqda görərdik. Çox təəssüf ki, bəzən əfv sərəncamı ərəfəsində istər burada, istərsə də beynəlxalq qurumlar tərəfindən belə tələblər qoyulur. Mən düşünürəm ki, biz hər şeydən əvvəl həmin şəxslərin azadlığa çıxması üçün mümkün stimullaşdırıcı fikirlər söyləməli idik. Çox təəssüf edirəm ki, belə hay-küylər bizim məqsədimizə çatmağımıza mane olur. Ona görə gələcəkdə bu cür addımlar ərəfəsində beynəlxalq hay-küy olmasına ehtiyac yoxdur. Bizim Azərbaycanda bu məsələni həll etmək imkanımız var. Prezident səviyyəsində bəzi addımlar atılmışdı. Ancaq hay-küy salındı. Yəqin yaxın gələcəkdə yeni addımlar atılacaq. Ancaq 210 adama əfv sərəncamının şamil edilməsi yaxşı məsələdir".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...