Həmrəyliyə gedən yollar

Tarix: 29.12.2015 / 01:23
Bölmə: Gündəm

Azərbaycan xalqı böyük xalqdır. Biz 50 milyonuq. Bizim hamımızın bir Vətəni var - Azərbaycan. Çalışmalıyıq ki, doğma Vətənimizi möhkəmləndirək, zənginləşdirək, qüdrətli dövlətə çevirək.

Azərbaycanlılar daha da möhkəm təşkilatlanacaq, yaşadıqları ölkələrdə daha möhkəm mövqelərə sahib olacaqlar və beləliklə, dünyadakı 50 milyonluq Azərbaycan xalqı daha da yaxşı yaşayacaq, öz məqsədlərinə nail olacaq.

İlham Əliyev,

Azərbaycan Respublikasının Prezidenti

Bizə nə lazımdır - ağız birliyi,

Ağ bəxtə yol açan ağ üz birliyi.

Qıpçaq qıvraqlığı, Oğuz birliyi!

Olsaydı Xətai, Yavuz birliyi -

Axmazdı ildırım, çaxmazdı şimşək,

Əgər yumruq kimi birləşə bilsək...

Zəlimxan Yaqub

Ömür adlı nərdivanın pillərini qalxdıqca çevrəmdə baş verənlərə münasibətimin dəyişməsində, özümə uzaqdan baxmaq istəyimdə, qarşıya çıxan problemə, çətinliyə ölçülü-biçili yanaşmağımda, hərdən səbrli, hərdən də ütələk hərəkətlərimdə, əslində qəribə heç nə yoxdur. Bəzən insanın öz qəlibinə sığmaması onun yaşantılarından qaynaqlanır. Bir az obrazlı desək, sevincin də, dərdin də çəkisi yoxdur, ancaq bu da həqiqətdir ki, onlar ürəkdə elə bir iz qoyur ki, onu hardan baxsan görmək olar.

Bir fərdin xoşbəxt və ya bədbəxt olması insan cəmiyyətinin, toplumun diqqətini cəlb etməyə bilər. Bu başadüşüləndir, çünki çayın axınında boy vermək elə də asan deyil.

Ancaq məni düşündürən bir məsələ var, həm də çox qəribədir. Bəlkə də çoxları deyir bunu: Həmişə dərd bizi birləşdirir. Dərd başımızın üstünü alanda bir-birimizi elə qucaqlayırıq ki, sanki o taydakı Vətən torpaqları bu taya qovuşmaq üçün Arazı bir damla su kimi içində əridib yox edəcək. Başqa vaxt özümüzü eşitməzliyə vurub bir-birimizin səsini eşitmərik, ancaq dərd gələndə qulağımıza tıxadığımız pambıqları çıxarıb bir tərəfə atırıq.

Dərddən deyingən olanlara dodaq büzmürük, dərdini dinləyirik, dərmanı varsa, tapıb veririk. Ölüm-itim olanda illərlə danışmayan qardaşdan tutmuş uzaq qohumadək hamı əl-ayağa düşür, çarə axtarır. Niyə beləyik, bilmirəm. Və həmişə bunu düşünürəm: gərək bizi dərdmi birləşdirsin? Niyə sağa-sola çəkirik, niyə gücümüzü parçalayırıq, niyə düşmən dəyirmanına su tökmək üçün Vətənimizin adına qara yaxmağa qolumuzu çırmayırıq. Niyə?

Qəribə gələn həm də budur ki, biz sevinəndə öz içimizə çəkilirik. Öz içimizə çəkildikcə də daralırıq, sıxılırıq. Bizi sevinc, şadlıq niyə birləşdirmir görəsən? Məgər sevinməyə, şadlanmağa haqqımız yoxdumu?

Uşaq vaxtı "Güc birlikdədir" fikri ilə bizi dostluğa, həmrəyliyə çağıran məsəllərə, atalar sözlərinə qulaq asıb qarğı atlarımızı da az qala birlikdə çapardıq ki, daha sürətli olaq.

Yaşa dolduqca isə "Güc məndədir", "Mən güclüyəm" eqosu içimizi didib-parçalayır.

Bu gün tarixi torpaqlarının səksən faizini itirən bir Vətənin oğullarının birliyə, həmrəyliyə ehtiyacı var. Axı müharibə adlı dərd hələ bitməyib. Demək, yumruq kimi birləşə, külüngü bir yerə vura bilərik.

Tarixə nəzər saldıqca bizi birliyə, həmrəyliyə aparan kişilərin işıqlı əməlləri qarşısında sayğı duruşu ilə dayanmağın həm də məsuliyyətini dərk etməliyik. Özümüzün deyil, millətimizin gəldiyi yola baxmalıyıq. Keçmişdən ibrət götürməliyik. Qanımız bahasına qazandığımız müstəqilliyi, özgürlüyü qanımız bahasına qorumalıyıq.

Sərhədlərimizdə və sərhədlərimizdən kənarda qalanmış odlardan və qaldığımız odlar arasından sıyrılmağı bacarmalıyıq. Çünki əlinə girəvə düşən kimi bu böyük yurdu məhv etməyə hazır olan güclərə qarşı millət olaraq gücümüzü böyüklüyümüzü ən əsası, birliyimizi göstərməliyik.

Siyasətdə, iqtisadiyyatda baş verənlər, daha doğrusu, bu dəyişikliklərə rəvac verənlərin məqsədi, məramı gün işığı kimi bəllidir. Dünyanın sərhədlərini bölmək istəyənlərin arzusunu gözündə qoymaq naminə torpaqlarımız uğrunda şəhid olan oğul və qızlarımızın qisasını almalı, babalarımızın arzusunda olduğu böyük Azərbaycanı qurmaq və qorumaq üçün möhtərəm Prezidentimiz cənab İlham Əliyevin, Ali Baş Komandanın ətrafında daha sıx birləşib, qarşıya çıxan bütün çətinliklərə birlikdə sinə gərib, elə bu birliyimizlə, həmrəyliyimizlə də dünyaya meydan oxumalıyıq.

Hafiz Təmirov,

polis kapitanı

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...