Azərbaycanın dövlətçilik tarixinin, milli adət-ənənələrinin, elm və mədəniyyətinin təbliği

Tarix: 17.02.2016 / 01:12
Bölmə: Sosial

Məlumdur ki, Azərbaycan tarixi sirli məqamlarla zəngindir. Bu günün özündə Azərbaycanın keçmişi, tarixi məkanları, abidələri, folkloru, ədəbiyyatı, musiqisi, xalçaları, qədim inancları və sair məsələlər tam olaraq açılmayıb. Qobustan, Gəmiqaya, Azıx, Qız qalası, İçərişəhər, Gülüstan, Əlincə qalaları və s. barədə aparılan araşdırmalar kifayət etmir ki, biz qədim tariximiz haqqında ətraflı məlumat əldə edək.

Azərbaycan ərazisindəki xalqların tarixinə uzun illər İran və Rusiya təsirinin olması səhv məlumatların yayılmasına şərait yaradıb. Azərbaycan Xalq Cumhuriyyətinin süqutundan sonra sovetlər Azərbaycan ərazisində, fars rejimi də İran ərazisində xalqımıza məxsus qədim əlyazmaları məhv etməyə çalışıblar. Onlar bacardıqca bütün sənədləri öz arxivlərində gizlədiblər. Eyni zamanda, əsrlər boyu Azərbaycanda mövcud olan qədim kitablar, əlyazmalar, sənədlər xarici ölkələrə daşınıb. Bu gün Vatikan, Fransa, Rusiya, Türkiyə, İran, Almaniya, Gürcüstan və s. ölkələrin arxivlərində minlərlə sənəd saxlanır. Xalçalarımız, ölkəmiz ərazisindəki qədim əşyalar, silahlar, sənət əsərlərimiz və milli mədəni sərvətlərimiz dünya muzeylərində və şəxsi kolleksiyalarda saxlanır. Təkcə Azərbaycanda mövcud olan 70-dən çox qədim tarixi abidəmiz və məkanlarımızın orijinal fotolarının olmaması tariximizə olan biganəlikdən irəli gəlir.

Ermənilərin ölkəmizə köçürülməsi, Azərbaycan ərazisində qədim xalqlar, sərkərdələr, döyüşlər, dinlərin tarixi, məkanların əsl həqiqətləri və digər məsələlər cəmiyyətdən uzun illər gizlin saxlanıb.

Məlumat üçün bildirək ki, bu gün gizli saxlanan tariximizin aşkar olunması və Azərbaycan mədəniyyətinin dünyaya tanıdılmasında Heydər Əliyev Fondunun rolu əvəzolunmazdır.

Azərbaycan dövlətçilik ənənələrinin təbliği və Heydər Əliyev Fondunun fəaliyyəti

İctimai əsaslarla fəaliyyət göstərən Heydər Əliyev Fondunun yaradılması ideyası rəsmi səviyyədə ilk dəfə Azərbaycan Prezidentinin 2004-cü il 10 mart tarixli "Azərbaycan xalqının ümummilli lideri Heydər Əlirza oğlu Əliyevin xatirəsinin əbədiləşdirilməsi haqqında" Fərmanında əksini tapıb, qarşıya qoyulan məqsədlər kifayət qədər aydın və konkret şəkildə göstərilib. Heydər Əliyev Fondu özünü Azərbaycan cəmiyyətinə fəaliyyətinin başlanğıc mərhələləri üzrə müəyyən etdiyi tədbirlərin real nəticələri ilə təqdim edib. Azərbaycan cəmiyyəti təşkilatın məqsədi, məramı barədə məlumatı hər hansı yazılı proqramlardan, mətbu materiallardan deyil, Fondun real fəaliyyət istiqamətlərindən, gördüyü işlərin mahiyyətindən öyrənib. Bütün bunlar isə ölkə vətəndaşlarının, bir qədər geniş çevrədə götürsək, dünyada Azərbaycana bağlı hər kəsin Heydər Əliyev Fonduna, təşkilatın rəhbəri, UNESCO və İSESCO-nun xoşməramlı səfiri, millət vəkili Mehriban Əliyevaya dərin rəğbətini, dəstəyini qazandırıb. Beləliklə, Azərbaycanın sabahı naminə addım-addım reallaşdırılan strateji əhəmiyyətli layihələr Heydər Əliyev Fondunu Azərbaycanın milli dövlətçilik tarixinə ən parlaq örnəklərdən biri kimi daxil edib.

Azərbaycan haqqında həqiqətləri beynəlxalq ictimaiyyətə çatdırmağa önəm verən Heydər Əliyev Fondu tərəfindən həyata keçirilən layihələr sırasında "Qarabağ həqiqətləri" bukletlər toplusunun nəşri xüsusi əhəmiyyətə malikdir. Qarabağın tarixi, Ermənistan-Azərbaycan, Dağlıq Qarabağ münaqişəsinin başlanması, onun nəticəsində ölkəmizə dəyən ziyan, Xocalı faciəsi, ermənilərin dünyanın müxtəlif ölkələrində törətdiyi terror aktları haqqında faktları əks etdirən və ingilis, fransız, alman, rus, macar dillərində nəşr olunmuş bukletlər indiyədək bir çox xarici ölkələrdə yayılıb.

"Müharibə və tarixi-mədəniyyət abidələrimiz" kitabında Azərbaycanın işğal olunan ərazilərindəki ziyarətgahlar və digər tarixi-mədəniyyət abidələri haqqında ətraflı məlumat verilir. M.Əliyeva azərbaycançılıq ideyalarının carçısı olaraq Azərbaycandan kənarda da amalını gerçəkləşdirmək yönümündə irimiqyaslı layihələri ilə çıxış edir. Onun təşəbbüsü ilə müasir dövrümüzdə Fondun ABŞ, Rusiya Federasiyası, Rumıniya və Türkiyədə nümayəndəlikləri fəaliyyət göstərir. Sözsüz ki, belə bir dövlətlərdə nümayəndəliklərin yaranması Azərbaycan həqiqətlərinin dünyaya çatdırılmasında əhəmiyyətlidir. Xüsusən, Ermənistan-Azərbaycan, Dağlıq Qarabağ münaqişəsinin əsl mahiyyətinin beynəlxalq ictimaiyyətə çatdırılmasında fəaliyyətini davam etdirir. Bildiyimiz kimi, hər il dünyanın bir sıra böyük şəhərlərində - Moskva, Berlin, Strasburq, Brüssel, Buxarest, Cenevrə, Ankara, İstanbul, Paris, Praqa, Vaşinqton, Nyu-York, Varşava, London, Haaqa, Dubay, Kiyev və Tiflisdə Xocalı soyqırımının ildönümünə həsr olunan aksiyalar həyata keçirilir ki, bunların hər birində təşəbbüskar Heydər Əliyev Fondudur.

Geostrateji mövqeyinə görə Azərbaycan iki dünyagörüşünün, iki həyat tərzinin, iki mədəniyyətin qovuşduğu məkanda yerləşir. Bizlər Qərblə Şərqin dialoqunu öz gündəlik həyatımızda hiss edirik. Maraqlıdır ki, kifayət qədər sərt ziddiyyətlərlə davam edən belə bir dialoq Azərbaycan mədəniyyətində hər hansı çatışmazlıqlara gətirməyib, əksinə, bu, məmləkətdə bənzərsiz bir mədəni mühit formalaşdırıb. Çünki əsrlərdən üzü bəri yol gələn, zaman-zaman saf seçmə kimi daha da durulan, cilalanan zəngin Azərbaycan mədəniyyəti bütün kənar müdaxilələrə sinə gərmək gücündədir.

Azərbaycan da malik olduğu mədəni potensialla bu dialoqda öz sözünü deyir və mövqeyini möhkəmləndirir. Azərbaycan mədəniyyəti dünya mədəniyyəti nümunələrinə qarşı deyil. M.Əliyevanın dediyi kimi, bizlər öz mədəniyyətimizin, adət- ənənələrimizin, tarixi irsimizin təkrarolunmaz incilərini qoruyub saxlayaraq dünya mədəniyyəti nümunələrini qəbul edə bilmişik.

Mədəniyyətin təbliği sahəsində görülən işlər...

Milli-mənəvi dəyərlərin qorunması və Azərbaycan mədəniyyətinin təbliği sahəsində həyata keçirilən layihələr arasında Azərbaycan muğamının dünyada geniş təbliği məqsədilə Bakı şəhərində Beynəlxalq Muğam Mərkəzinin yaradılması önəmli yer tutur. Regionlarda da muğam mərkəzlərinin yaradılmasına dəstək verən Heydər Əliyev Fondunun təşəbbüsü ilə keçən il Ağcabədi şəhərində Qarabağ Muğam Mərkəzi inşa olunub. 2008-ci ildə isə Fondun təşəbbüsü ilə Bakıda Müasir İncəsənət Muzeyi açılıb. Hazırda Heydər Əliyev Fondunun təşəbbüsü, Mədəniyyət və Turizm Nazirliyi və UNESCO-nun dəstəyi ilə Bakıda Lətif Kərimov adına Azərbaycan xalçası və xalq tətbiqi sənəti Dövlət Muzeyi inşa olunub.

Heydər Əliyev Fondu tərəfindən Azərbaycan mədəniyyətinin inkişafı və dünyada tanıdılması məqsədilə müxtəlif müsabiqələr və beynəlxalq festivallar təşkil edilərək həyata keçirilib. İlk olaraq Fondun birbaşa dəstəyi ilə keçirilən və Azərbaycan muğam sənətinin inkişafına və təbliğinə böyük töhfələr verən muğam müsabiqələrini və beynəlxalq festivalları qeyd etmək lazımdır. 2005-ci ildə görkəmli Azərbaycan bəstəkarı Üzeyir Hacıbəyovun anadan olmasının 120 illik yubileyi münasibətilə Heydər Əliyev Fondu tərəfindən keçirilən muğam müsabiqəsi Azərbaycan tamaşaçıları ilə yanaşı, xaricdə yaşayan soydaşlarımız tərəfindən də razılıqla qarşılanıb. Qədim muğam sənətinin qorunub saxlanması, zəngin tarixə malik ifaçılıq sənətinin gələcək nəsillərə çatdırılması, yeni ifaçılar nəslinin yetişdirilməsi məqsədilə Fond 2007-ci ildə də muğam müsabiqəsi keçirib.

Heydər Əliyev Fondunun dəstəyi ilə 2009 və 2010-cu illərdə avqustun 13-dən 23-dək Qəbələdə Beynəlxalq Musiqi Festivalı və pianoçuların müsabiqəsi keçirilib. On gün davam edən festival çərçivəsində gənc pianoçuların beynəlxalq müsabiqəsi, klassik musiqi axşamları, muğam konserti təşkil edilib. Musiqi festivalında dünyanın 15 ölkəsindən nümayəndələrin iştirak etməsi tədbirin çox mühüm əhəmiyyət kəsb etdiyini sübuta yetirib.

Heydər Əliyev Fondu öz fəaliyyətini Azərbaycandan kənarda da genişləndirməkdədir. Fondun Rusiya Federasiyasındakı nümayəndəliyi 2007-ci ilin may ayında Moskvada açılıb. Bu, Heydər Əliyev Fondunun ölkə hüdudlarından kənarda ilk nümayəndəliyidir. Leyla Əliyevanın rəhbərlik etdiyi bu qurum mədəni və sosialyönümlü layihələr həyata keçirir. Nümayəndəlik fəaliyyətinin ilkin dövründə Moskva şəhərindəki 157 saylı etnomədəni komponentli məktəblə sıx əlaqə yaradıb, təhsil ocağına hərtərəfli dəstək və qayğı göstərib. Bundan başqa, nümayəndəlik Rusiya paytaxtındakı Azərbaycan-gürcü orta məktəbləri və uşaq evləri ilə də əlaqə saxlayır.

Heydər Əliyev Fondu mərhum prezident Heydər Əliyevin ideyalarına sadiq qalaraq ardıcıl və məqsədyönlü fəaliyyətini uğurla davam etdirir, onun xeyirxah və müqəddəs əməllərini yaşatmaq üçün ictimai həyatın ən müxtəlif sahələrində fundamental layihələr həyata keçirir, hər bir vətəndaşın zəruri istək və arzularının gerçəkləşməsinə, problemlərinin operativ həllinə maddi-mənəvi dəstək verir.

Azərbaycanda təhsil sahəsində həyata keçirilən dövlət siyasətinə Heydər Əliyev Fondu da özünün dəyərli töhfələrini verməkdədir. Heydər Əliyev Fondunun milli təhsilimizin inkişafı ilə bağlı həyata keçirdiyi layihələr nəinki təhsil işçilərinin və şagirdlərin, bütün ölkə ictimaiyyətinin dərin rəğbətinə səbəb olub.

Günel CƏLİLOVA

Yazı Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi müsabiqəyə təqdim edilir.

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...