Bananlarda qan rəngli təhlükəyə ekspert baxışları şübhələri bir az da artırdı

Tarix: 17.02.2016 / 01:50
Bölmə: Sosial

Adil Qeybulla: "Meyvənin içərisində kənar cismin olması yalnız yeridilmə yolu ilə mümkündür"

Camal Quliyev: "Ekspertiza zamanı yalnız pərakəndə satış məntəqələrində əlverişsiz şəraitdə saxlanan iki nümunədə qanabənzər ləkələr aşkar edilib"

Neçə vaxtdır sosial şəbəkələrdə bananla bağlı yayılan və müzakirələrə səbəb olan fotolar insanlar arasında təşvişə səbəb olub. Fotolardan da görünür ki, bananın içərisində qan laxtaları var. Əhali arasında bananın içərisində qan laxtalarının olması barədə gəzən söz-söhbətlər ürəkaçan deyil.

Deyilənlərə görə, bu, yoluxucu xəstəliyə tutulan insanlar tərəfindən törədilir. Məqsəd isə xəstəlik tutmuş insanın digər insanları da bu xəstəliyə yoluxdurmaq istəyidir.

Sosial şəbəkə istifadəçisi olan Aysel Zeynalova bildirir ki, internetdə banana iynə ilə xəstəlik, qan yeridilməsi barədə məlumatları görüb: "Öncə buna o qədər də inanmırdım. Lakin özüm şahidi olduqdan sonra qorxuya düşdüm. Sınaq üçün banan aldım və onun arasını kəsdim. O zaman gördüyüm mənzərəyə inanmadım. Yaxşı ki, yeməmişdən öncə meyvəni kəsmişəm".

Artıq insanlar adıçəkilən meyvəni almaqdan çəkinir.

Kənd Təsərrüfatı Nazirliyi yanında Dövlət Fitosanitar Nəzarəti Xidmətinin rəisi Camal Quliyev bildirdi ki, Dövlət Xidmətinin müfəttişləri tərəfindən idxal olunan banan meyvələrinə karantin baxışı keçirilən zaman bu tip meyvələrə rast gəlinməyib. Onun sözlərinə görə, məsələnin aktuallığını nəzərə alaraq, Dövlət Xidməti tərəfindən kənd təsərrüfatı məhsullarının topdan və pərakəndə satış məntəqələrində fitosanitar monitorinqlər həyata keçirilib və bitki mənşəli xəstəliklərlə yoluxma ehtimalı olan banan meyvələrindən laboratoriya analizləri məqsədilə nümunələr götürülüb: "Məsələ ilə bağlı Dövlət Xidmətinin "üzərində qan ləkəsi olması ehtimal edilən banan meyvələrinin xidmətə təqdim edilməsi" barədə açıqlamasından sonra quruma vətəndaşlar tərəfindən də ekspertiza üçün bir neçə banan nümunələri təqdim edilib. Dövlət Xidmətinin Respublika Bitkilərin Karantin Ekspertiza Mərkəzində banan nümunələrinin müvafiq ekspertizası keçirilib. Ekspertiza zamanı yalnız pərakəndə satış məntəqələrində uzun müddət əlverişsiz şəraitdə saxlanan banan meyvələrində və vətəndaşlar tərəfindən təqdim edilən iki nümunədə qanabənzər ləkələr aşkar edilib. Müvafiq ekspertizalar nəticəsində banan meyvələri daxilində müşahidə edilən qanabənzər ləkələrin bakterial mənşəli olduğu, "bananın qan xəstəliyi" bakteriyası tərəfindən törədildiyi, lakin bitki mənşəli bu xəstəliklə bağlı çoxsaylı xarici elmi ədəbiyyatların təhlil edilməsi nəticəsində xəstəliyin insana və digər bitkilərə keçmədiyi, insan orqanizmi və respublikanın bitki örtüyü üçün təhlükəli olmadığı müəyyən edilib".

Tibb sahəsi üzrə ekspert, professor Adil Qeybulla isə bildirdi ki, bu, cəmiyyətdə yaranmış ilk hal deyil: "Yoluxucu xəstəlik daşıyıcılarında belə bir psixologiya var ki, o, hər hansı bir xəstəliyə tutulubsa, digərləri də tutulmalıdır. Ona görə vərəm xəstələri qəpikləri ağızlarına vurub hara gəldi atırlar ki, onu götürənlər də bu xəstəliyə tutulsun. Ağız yolu ilə keçən xəstəliklər yalnız bu şəkildə yayıla bilər. Buraya bağırsaq çöpləri də aiddir".

Həmsöhbətimizin sözlərinə görə, banan kimi meyvəyə bu laxtalar gövdəsindən, zoğundan daxil ola bilməz. "Meyvənin içərisində kənar cismin olması yalnız yeridilmə yolu ilə mümkündür. Yəni bu kənardan müdaxilə ola bilər.

Həmin yad cismin yoluxucu xəstəlik olub-olmaması və ya bananı yeyərkən xəstəliyin insana keçib-keçməməsini onu araşdırdıqdan sonra demək olar. O qan laxtasında hepatit, QİÇS varsa, bunun ağız vasitəsilə keçməsi mümkün deyil. Amma başqa tip yoluxucu xəstəliklər var ki, onlar ağız vasitəsilə rahatlıqla yayıla bilər".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...