Cinayət işləri də erkən nikahların qarşısını ala bilmir

Tarix: 17.02.2016 / 02:08
Bölmə: Sosial

Mehriban Zeynalova: "Erkən nikahların qarşısının alınması istiqamətində əsasən 2 növ tədbirlər həyata keçirilir"

"Erkən nikaha görə cinayət məsuliyyətinə cəlb olunanların sayı çox olarsa, bu, digər valideynlərə də dərs olar"

Son 14 ilin statistikası göstərir ki, Azərbaycanda nikaha daxil olan xanımların, bir qayda olaraq, 10 faizə qədəri erkən yaşlı qızların payına düşür. Dövlət Statistika Komitəsinin məlumatına əsasən, ötən il erkən nikaha daxil olan qızların sayı əvvəlki ilə nisbətən 10,4 faiz artaraq 6,9 faizə çatıb.

Ağsu, Şamaxı, Şirvan, Qəbələ, Göyçay, Hacıqabul, Siyəzən, Quba, Zərdab, Masallı, Lerik rayonlarında erkən nikaha daxil olan qadınların sayı digər rayonlara nisbətən daha çoxdur. 2005-2006-cı illərdə erkən nikaha girənlərin yaşı 15-16 həddində idisə, hazırda 13-14 yaşlarında qızları da valideynləri ailə qurmağa məcbur edir. Məlumat üçün qeyd edim ki, Azərbaycanda nikah yaşı 18-dir. Yalnız istisna hallarda, üzürlü səbəblər olduqda 17 yaşda da nikaha icazə verilə bilər. Günümüzün reallığı belədir ki, erkən nikahların böyük əksəriyyəti xoşbəxt sonluqla bitmir, nəticədə körpə və ana ölümü hallarının, boşanmaların sayı artır, qadınların təhsil imkanları azalır. Rəsmi statistikaya görə, Azərbaycanda il ərzində təxminən 4000 erkən nikah baş tutur, belə nikahlardan 3500-ə yaxın körpə dünyaya gəlir.

Artıq erkən nikahların qarşısının alınması istiqamətində aidiyyəti qurumlar tərəfindən müvafiq işlər görülür. Övladını erkən yaşda ərə verən valideyn məsuliyyətə cəlb olunur.

Açıqlanan statistik rəqəmlərə əsasən, ötən il ərzində erkən nikah hallarına görə 52 cinayət işi açılıb. Bunu Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov mediaya açıqlamasında deyib. Məcburi erkən nikahların baş verməsi halları ilə bağlı komitəyə Azərbaycanın regionlarından ərizələrin daxil olduğunu deyən E.Səfərov qeyd edib ki, son bir neçə il ərzində komitənin regional mərkəzləri tərəfindən 30-dan çox erkən nikah faktının qarşısı alınıb. Hər fakt üzrə zorakılığın qarşısının alınması üçün tədbirlər görülüb.

Erkən nikahların qarşısının alınması istiqamətində işlərin görülməsi sevindiricidir. Valideynlərin məsuliyyətə cəlb olunması və ya onlara erkən nikahın zərərləri barədə məlumatların verilməsi artıq öz müsbət nəticəsini verir. Qızını erkən yaşda ərə vermək istəyən valideynlərin bir qismi artıq bu fikrindən daşınıb.

"Təmiz Dünya" İctimai Birliyinin rəhbəri Mehriban Zeynalova bizimlə söhbətində qeyd etdi ki, erkən nikahların qarşısının alınması istiqamətində əsasən 2 növ tədbirlər həyata keçirilir: "Valideynlərin məlumatlanması və ya onların cinayət məsuliyyətinə cəlb olunması. Hər bir bölgədə erkən nikahlarla bağlı maarifləndirmə xarakterli tədbirlər keçirilməlidir. O tədbirlərdə erkən nikahın fəsadları detallarına qədər izah olunmalıdır. Valideyn bilməlidir ki, onun qızı erkən yaşda ərə verilsə, ilk növbədə, onun sağlamlığında fəsadlar yarana bilər. Valideyn öz qızını erkən yaşda ərə vermək istəyirsə, o zaman işə hüquq-mühafizə orqanları qarışmalıdır. Valideyn cinayət məsuliyyətinə cəlb olunmalıdır. Erkən nikaha görə cinayət məsuliyyətinə cəlb olunanların sayı çox olarsa, bu, digər valideynlərə də dərs olar ki, analoji addım atmasınlar".

Həmsöhbətimiz hesab edir ki, erkən nikahlara qarşı təkcə dövlət deyil, hər birimiz mübarizə aparmalıyıq. Xüsusilə KİV-lərin bu istiqamətdə aparacağı işlər önəmlidir. Mətbuatda, radio və televiziya verilişlərində bu mövzu davamlı işıqlandırılmalı, müzakirə olunmalı, qarşısını almaq üçün yollar axtarılmalıdır.

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...