Universitetlərdə struktur islahatları maraqlı reaksiyalar doğurub

Tarix: 11.02.2016 / 01:52
Bölmə: Sosial

Etibar Əliyev: "Bir çox ali mətkəblərdə kafedraların birləşməsi müsbət haldır"

"Bu birləşməni rasional addım kimi qiymətləndirirəm"

Artıq neçə vaxtdır ali məktəblərdə kafedra və laboratoriyaların birləşdirilməsi prosesi gedir. Ümumən bu işə ötən ildən start verilib, amma cari il bu istiqamətdə daha sistemli və geniş islahatlar həyata keçirilir. Azərbaycan Dövlət Neft və Sənaye Universitetində struktur dəyişikliyi aparılacaq və 19 kafedra bağlanacaq.

Hazırda universitetdə 47 kafedra var. Kafedraların sayı birləşdirilərək 28-ə endiriləcək.

O cümlədən, ötən il Azərbaycan Texniki Universitetində 14 kafedra ləğv edilib. Sözügedən proses bu il ərzində də davam etdiriləcək. Həmçinin, Bakı Slavyan Universitetində mövcud strukturun optimallaşdırılması, kadr potensialından daha səmərəli istifadə məqsədilə 7 kafedra, 5 şöbə və 2 elmi-tədqiqat laboratoriyası ləğv edilib. Ləğv edilmiş strukturların bir sıra funksiyaları digər uyğun qurumlarda cəmlənib, tədris strukturları isə təhsil sahəsində yeni tələblərə və beynəlxalq təcrübəyə uyğun şəkildə birləşdirilərək yenidən formalaşdırılıb.

Hazırda BSU üzrə yaradılmış islahat-attestasiya komissiyası mərhələli şəkildə digər strukturların da optimallaşdırılması istiqamətində fəaliyyəti davam etdirir.

Azərbaycan Dövlət İqtisad Universitetində də mövcud kafedraların sayı azaldılıb. Görünən odur ki, bu islahatlar digər ali məktəblərdə də davam etdiriləcək. Ümumən ekspertlər bunu necə dəyərləndirir?

Təhsil eksperti Etibar Əliyev buna müsbət prizmadan yanaşır. Onun fikrincə, oxşar kafedraların birləşməsi təhsilin keyfiyyətinə təkan verəcək: "Bu təcrübə uzun illərdir Qərbdə, inkişaf etmiş ölkələrin tanınmış universitetlərində həyata keçirilir və kifayət qədər effekt verir.

Bu birləşməni rasional addım kimi qiymətləndirirəm. Yaxın gələcəkdə bir neçə universitetin, eyni zamanda yaxşı mütəxəssis hazırlayan ali mətkəblərdə fakültələrin, kafedraların birləşdirilməsi həyata keçirilməlidir.

Aydın məsələdir ki, bir çox rektorlar öz səlahiyyətlərindən istifadə edib çoxsaylı kafedralar yaratmışdı, ancaq idarəetmə zəif həyata keçirilirdi. Eyni zamanda, başqa ali məktəblərdə mütəxəssis hazırlığı həyata keçirilən ixtisasların eynisi yaradılmışdı. Amma bütün proseslər göstərdi ki, yaradılmış ixtisaslar üzrə kafedralara tələbə axınının nisbətən zəif olması professor-müəllim heyətinin mütəxəssis hazırlamasına imkan vermirdi.

O baxımdan bir çox ali mətkəblərdə kafedraların birləşməsi müsbət haldır. Əslində kafedraların birləşdirilməsi rasional idarəetməni daha da təkmilləşdirir. Kafedraların çoxluğu isə idarəetmənin şaxələnməsinə gətirib çıxarırdı. Hazırda ali məktəblərdə ixtisarın baş verməsi halına rast gəlmirik.

Konkret olaraq ixtisarlar aparılmır. Kafedraları birləşən müəllimlər fəaliyyətini davam etdirir. Bir neçə ali məktəbdə müəllimlərin əməkhaqlarının yüksəldilməsi tendensiyası ilə rastlaşırıq, bunlar müsbət haldır".

Vidadi ORDAHALLI

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...