Yerli əmək yarmarkası Nardaranda böyük ictimai coşqu yaradıb

Tarix: 05.02.2016 / 02:02
Bölmə: Sosial

Musa Quliyev: "Qəsəbədə əmək yarmarkasının keçirilməsi bir daha sübut edir ki, Nardaranın inkişafı dövlət üçün olduqca əhəmiyyətlidir"

Aytəkin Kamranqızı: "Nardaran sakinləri üçün əmək yarmarkasının keçirilməsi olduqca vacib məsələdir"

Nardaran qəsəbəsinin sakini Nasir Kərimov: "Hər kəs öz peşəsinə və bacarığına uyğun işdə çalışmaq üçün qeydiyyata götürüldü"

Əmək və Əhalinin Sosial Müdafiəsi Nazirliyi: "İşaxtaran vətəndaşlara boş iş yerlərinə göndərişlər verildi"

Hazırda Bakının Nardaran qəsəbəsinin infrastrukturunun yenilənməsi istiqamətində mühüm işlər görülür. Artıq qəsəbənin bir sıra sosial problemləri, demək olar ki, həll olunub. Qəsəbədə işıqlandırma sistemləri yenilənir, bardür və asfalt örtüyü də təzələnərək küçələr yenidən qurulur.

Eyni zamanda evlərdə smart-sayğaclar quraşdırılır, elektrik cihazları yenilənir. Bir sözlə, bütün infrastrukturda yenilənmə işləri aparılır.

Xatırladaq ki, ölkə başçısı İlham Əliyevin imzaladığı sərəncama əsasən, Bakının Nardaran qəsəbəsinin abadlaşdırılması, qəsəbədəki sosial-mədəni infrastrukturun yenilənməsi, burada sosial problemlərin həlli məqsədilə 12 milyon manat məbləğində vəsait ayrılıb.

Qəsəbənin sosial problemlərinin həll olunması istiqamətində bu günlərdə yeni bir addım atılıb. Belə ki, Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən işsiz və işaxtaran vətəndaşların münasib işlərlə təmin olunması məqsədilə qəsəbədə əmək yarmarkası təşkil edilib. Yarmarkanın açılışında iştirak edən əmək və əhalinin sosial müdafiəsi naziri Səlim Müslümov tədbirin təşkilati vəziyyəti ilə yaxından tanış olub, müvafiq tapşırıqlarını verib. Nazir bildirib ki, Prezident İlham Əliyevin yeni islahatlar kursunda ölkədə məşğulluq imkanlarının artırılması, işsiz vətəndaşların iş yerləri ilə təmin olunması xüsusi yer tutur: "Bakının Nardaran qəsəbəsində sosial infrastrukturun müasir tələblərə uyğun səviyyədə yeniləşdirilməsi, qəsəbənin abadlaşdırılması, habelə qəsəbə sakinlərinin sosial problemlərinin həlli istiqamətində mühüm işlər aparılır. Nardaran qəsəbəsində yaşayan aztəminatlı ailələrə də ünvanlı dövlət sosial yardımı ödənilir. Eyni zamanda qəsəbənin işsiz və işaxtaran sakinlərinin məşğulluğunun təmin olunması bizim diqqətimizdədir. Bu il üzrə ilk əmək yarmarkası da burada keçirilir. Yarmarkada boş (vakant) iş yerləri təklif olunmaqla yanaşı, eyni zamanda müvafiq hallarda qəsəbə sakinlərinin əmək bazarının tələblərinə uyğun peşələr üzrə peşə hazırlığı kurslarına, vətəndaşların ödənişli ictimai işlərə cəlb olunması da təmin ediləcək".

Adıçəkilən qəsəbənin sakinlərinin işlə təmin olunması istiqamətində həmin ərazidə əmək yarmarkasının təşkil olunması müsbət addımdır. Qəsəbə sakinləri də bunu müsbət dəyərləndirir.

Nardaran sakini Nasir Kərimov adlı gənc də yanvarın 3-də qəsəbədə keçirilən əmək yarmarkasında iştirak edib. Nasir "Bakı-Xəbər"ə açıqlamasında bunları dedi: "Əmək yarmarkasında çoxlu insan var idi. Hər kəs iş yerləri ilə maraqlanırdı, o cümlədən mən də. Sözün düzü, ora ilk olaraq maraq üçün getdim. Sonra öyrəndim ki, burada işaxtaranlar üçün iş təklif olunur. Hər kəs öz peşəsinə və bacarığına uyğun işdə çalışmaq üçün qeydiyyata götürüldü".

Əmək və Əhalinin Sosial Müdafiəsi Nazirliyindən redaksiyamıza verilən məlumata görə, tədbirdə işsiz və işaxtaran vətəndaşlara Bakı şəhəri üzrə 17-si dövlət, 65-i qeyri-dövlət sektoruna aid, 5-i isə xarici şirkət olan ümumilikdə 87 müəssisə tərəfindən 215 boş iş yeri təklif olunub: "Əmək yarmarkasında boş iş yeri təqdim edən əksər işəgötürənlərin nümayəndələri də iştirak edib. İşaxtaran vətəndaşlara boş iş yerlərinə göndərişlər verilməklə yanaşı, ayrı-ayrı sakinlər əmək bazarının tələblərinə uyğun peşələr üzrə peşə hazırlığı kurslarına, haqqı ödənilən ictimai işlərə cəlb edilməsi üçün qeydiyyata alınıb".

Millət vəkili Musa Quliyev qəzetimizə açıqlamasında bildirdi ki, dövlətin Nardaranda sosial problemlərin həll olunması ilə bağlı xüsusi qayğısı var: "Qəsəbə sakinlərinin istər məşğulluğunun və sağlamlığının təmin olunması, istərsə də təhsilin yüksək səviyyədə keçirilməsi dövlətin nəzarətindədir. Eyni zamanda, qəsəbənin kommunal və kommunikasiya imkanları ilə təmin olunması dövlətin diqqət mərkəzindədir. Qəsəbədə əmək yarmarkasının keçirilməsi bir daha sübut edir ki, Nardaranın inkişafı dövlət üçün olduqca əhəmiyyətlidir. Həmçinin, adıçəkilən qəsəbədə yeni obyektlər tikilib istifadəyə verilir".

Millət vəkilinin sözlərinə görə, insanların məşğulluğunun təmin olunması onların həyatında vacib olan amillərdən biridir: "Azərbaycan Prezidentinin tapşırığına əsasən, məşğulluq proqramı hazırlanır. Yaxın günlərdə işsizlərin sığorta olunması ilə bağlı qanun qəbul olunacaq. Həmçinin, onu da deyim ki, yaxın günlərdə çoxlu sayda yeni iş yerlərinin insanlara təklif olunmasının şahidi olacağıq. Artıq bu prosesin ilkin mərhələsi Nardaranda baş verdi. Ölkə başçısı İlham Əliyev öz çıxışında deyib ki, "çalışmaq lazımdır ki, ölkədə işsiz insan qalmasın". Dünyada yaşanan gərgin maliyyə böhranını nəzərə alıb hər bir vətəndaş işlə təmin olunmalıdır ki, o çətinlik çəkmədən həyatını yaşaya bilsin".

M.Quliyev hesab edir ki, Nardaran əhalisi dövlətin dəstəyini gördükcə, hökumətə inamı daha da artacaq.

Sosioloq Aytəkin Kamranqızı bizimlə söhbətində bildirdi ki, əhalinin əmək məşğuliyyətinin təmin olunması istiqamətində atılan hər bir addım təqdirəlayiqdir: "Xüsusilə də Nardaran sakinləri üçün əmək yarmarkasının keçirilməsi olduqca vacib məsələdir. Buranın sakinlərinin rahat yaşayışı üçün dövlət tərəfindən hər bir addım atılır. Onların kommunal şəraiti müasir dövrün tələblərinə uyğunlaşdırılır. Qəsəbədə bərpa və quruculuq işlərinin sürətləndirilməsi, mədəni-sosial həyatın canlandırılması, sakinlərin sosial rifahının yaxşılaşdırılması istiqamətində də addımlar atılmaqdadır".

Günel CƏLİLOVA

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...