Müəllim ömrü

Tarix: 04.02.2016 / 01:03
Bölmə: Sosial

(Əziz müəllimim Xuraman Vəliyevaya)

Ən parlaq ulduzdu, nur saçan aydı

Dalğalı dənizdi, ləpəli çaydı,

Ömrü ömürlərə paylanan paydı,

Safdı, müqəddəsdi müəllim ömrü.

Həlimlik gözünün qarasındadı,

Əzizlik qəlbinin parasındadı.

Hər an şagirdlərin arasındadı,

Kövrəlmiş bir səsdi müəllim ömrü.

Günəş hərarətli, dağ vüqarlıdı

Saçları dalğındı, bəyaz qarlıdı.

Övladlı, nəvəli, gözəl yarlıdı,

Mehriban bir kəsdi müəllim ömrü.

Həyatda hər zaman gözləri toxdu.

Ürək ovsunlayan sözləri çoxdu.

Dünyanın varında istəyi yoxdu,

Odlu bir nəfəsdi müəllim ömrü.

Bu könül yazısında şair İbrahim Yusifoğlunun şeirinin hər misrasını epiqraf olaraq vermək istədim. Şeir müəllim kimdi sualına verilmiş ən yaddaqalan cavabdır.

"Boyumuz partaya çatmayanda boylarından boy veriblər boyumuza. Əlimiz qələm tutmaq istəyəndə ürəklərindən güc, hərarət veriblər əllərimizə. Dünyanın ən zəngin lüğət fondunu köçürüblər dilimizə, hafizəmizə. Bəlkə ona görə də həyatda ən çox həsəd apardığımız peşə sahibləri müəllimlərdir". Şairin səmimiyyətə köklənmiş misraları, sanki bu peşəni sevənlərin adından yazılıb.

Şərəfli müəllim peşəsi haqqında yazmaq məsuliyyətli olduğu qədər də həyəcanvericidir. Mövhumata, cahilliyə, nadanlığa qarşı ilk haqq səsini ucaldan, bağlı qapıları açmaq üçün elmin gücünə arxalanmağı yeganə çıxış yolu kimi göstərən, "Qüvvət elmdədir, başqa cür heç kəs Heç kəsə üstünlük eyləyə bilməz" deyən böyük Nizaminin fikirlərinə söykənib millətin taleyini düşünənlərin ön sırasında olub müəllimlər. Bax, elə əsl fədakarlıq, vətəndaşlıq yanğısı da budur.

Seyyid Əzimin, Cəlil Məmmədquluzadənin, Sabirin yaradıcılığında müəllim ömrünün keşməkeşləri, onun düşdüyü çətinliklər dövrün, zamanın tələbi deyildi. Sadəcə olaraq, müsəlman dünyasının bir parçası olan Azərbaycanda elm, kitab adlı ziyanı gözümçıxdıya salnlarla mübarizədə onlar daha böyük qətiyyət nümayiş etdirirdilər. Cəmiyyətdə mövqeyini möhkəmləndirən, əsrlərlə davam edən, hətta mental dəyərlərə daban-dabana zidd olan bəzi uydurmalar zamanının bayraqdarı kimi maariflənmək adlı təbili həyəcanla çalan müəllimlərin ömrünə balta çalsa da, onlar mübarizəyə davam deməklə, xalqın və gələcək hədəflərin naminə özlərini oda atdılar.

Əslində, dünənlə bu günü, dünənin və bugünün müəllimini müqayisə etmək fikrindən çox uzağam. Çünki o möhtəşəm sözün hər bir hərfində əbədilik var.

Adətən deyirlər ki, "Müəllim təzə ruhları işləyən ustadır, nəsillər yaradır, ölkələr deyil, könüllər fəth edir". Necə xoşbəxt insanlarıq ki, qucağımızı açanda bizlərə qaçaraq gələn şagirdlərimiz var. Necə bəxtəvər insanlarıq ki, bütün peşə sahiblərini bu cəmiyyət üçün biz müəllimlər yetişdiririk. Necə deyərlər, "Balıq tutmaq istəyənə balıq vermirik, balıq tutmağın ən usta yollarını öyrədirik". Xalqımızın, millətimizin, cəmiyyətimizin gələcəyini həvalə edəcək gənclər yetişdiririk. Bunun sevinci ömürləri uzadan ən əvəzolunmaz iksirə bərabərdir. Bu yerdə böyük Atatürkün yaşadığı bir hadisəni sizlərlə paylaşmaq lap yerinə düşər. "Bir gün xarici dövlətlərin birindən Atatürkün qonağı gəlir. Atatürk həmin qonağı gecikmədən qarşılasın deyə sürücüsü hava limanına gedən ən qısa yollardan istifadə edir. Yolun müəyyən hissəsində görürlər ki, xalq kütləsi Atatürkü görmək üçün yollara çıxıb. Sürücüsü getmək istərkən Atatürk bildirir ki, "Yox, mən xalqımla görüşməliyəm". Maşınından enən Atatürk görür ki, gənc bir qadının qucağında 3-4 yaşlı körpə ağlayır. Səbəbini soruşanda, anası bildirir ki, "Çoçuq sizin maşınınızda gəzmək istədiyi üçün ağlayır".

Atatürk göstəriş verir ki, körpəni onun maşınında gəzdirsinlər. Sürücüsü qarşılayacağı qonaqların olduğunu xatırladanda böyük öndər deyir:

"Həmin qonaqlar bugünkü Türkiyə üçün önəmlidir. Bu çoçuq isə Türkiyənin gələcəyidir. Gələcək Türkiyəm üçün bu çocuğu gəzdirməliyik". Böyük şəxsiyyətin müəllimlər haqqında söylədiyi dərin bir kəlamı diqqətinizə çatdırmaq istəyirəm: "Milləti qoruyanlar yalnız və ancaq müəllimlərdir. Müəllimdən və tərbiyəçidən məhrum olmuş bir millət hələ bir millət adını almamışdır". Dahi şəxsiyyətlərin hər biri öz müəllimlərinə dərin hörmət bəsləmiş, onların adını fəxarət hissi ilə anmışlar. Dahi Aristotel deyib: "Valideynlərim məni göydən yerə gətirib, müəllimlərim isə məni yerdən göyə qaldırıb". M.T.Sidqi isə belə bir müqayisə verirdi ki, "Məktəb də bir cismə bənzər ki, onun da ruhu müəllimlərdir".

Dahilərin fikrinə əlavəm olmasa da, könlümdən bu yerdə keçənləri yazmaq istəyirəm: "Müəllimlərin də ruhu onların şagirdləridir. Bir məktəb müəllimləri və şagirdləri ilə mövcuddur".

Sinfə valideyn kimi daxil olmağı bacarmayan birisi müəllim kimi heç vaxt daxil ola bilməz. Fərqli tərbiyə alan şagirdləri anlamaq üçün müəllim ilk növbədə onlara valideyn qayğısı ilə yanaşmalı, psixoloq kimi anlamağa çalışmalıdır. Əks halda, müəllim-şagird münasibətini formalaşdırmaq kimi baryerlə üzləşmək sonda gözlədiyimiz nəticənin tam əksi ola bilər.

Müəllim şagirdlərini doğma övladlarından qətiyyən ayırmamalıdır, onlara sirdaş, dərddaş olmalı, aralarında dostluq münasibətləri qurmalıdır. Ancaq bu halda vətənini, millətini, dövlətini sevən vətəndaş, valideynlərinə namuslu, qeyrətli övlad, təhsilimiz üçün savadlı elm nümayəndəsi yetişdirə bilərik.

Görkəmli pedaqoq Uşinski deyirdi: "Müəllim özündə müəllimliyi yaşatmaq istəyirsə, müntəzəm olaraq öz üzərində işləməlidir".

Fikrimcə, bir müəllimin öz üzərində işləməsi şagirdləri üçün çəkdiyi zəhmətidir. Öyrətmək önəmlidir. Öyrətməyən şəxs müəllimliyi yaşada bilməz. Ən önəmlisi isə budur ki, yetişdirdiyimiz şagirdlərimizə elm və təhsil, təlim-tərbiyə ilə yanaşı, həyat dərslərini də öyrətməliyik. Şagirdlərimizin tərbiyəsində göstərdiyimiz tələskənlik ən böyük səhvimiz olar. Ona görə səbr, təmkin, həvəs əsas şərtdir.

Müəllim əməyi şagird məhəbbəti, valideyn alqışı, dövlət nəzarəti ilə qiymətləndirilir. Onlarla müəllim dövlət mükafatına layiq görülmüş, fəxri ad almışdır. Bu gün dövlətimizdə müəllim adı iftixarla çəkilir, dövlət qayğısı ilə əhatə olunur. Etiraf edək ki, müəllimin qayğıya, xüsusən də dövlətin qayğısına çox ehtiyacı var.

Azərbaycan müəlliminin fədakarlığını, Vətənə və dövlətə sevgisini yüksək qiymətləndirən ulu öndərimizin bu fikirləri müəllim adına verilən ən böyük dəyərdir: "Müəllim vəzifəsi ona görə şərəflidir ki, o, cəmiyyət üçün ən dəyərli, ən bilikli, zəkalı, tərbiyəli, vətənpərvər vətəndaşlar yetişdirir".

Aynur Səfərli,

Azərbaycan Dövlət Bədən

Tərbiyəsi və İdman Akademiyasının əməkdaşı

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...