MTRŞ-nin qadağan etdiyi zorakı multfilmlər...

Tarix: 03.02.2016 / 01:43
Bölmə: Sosial

"Hazırda uşaqların sevə-sevə izlədiyi "Maşa və ayı" cizgi filmində tərbiyəvi xarakterli bir süjet yoxdur"

Sevinc Nuruqızı: "Telekanallarda yayımlanan cizgi filmlərində aqressiya müşahidə olunur"

Müasir dövrün uşaqlarını cizgi filmlərsiz təsəvvür etmək mümkün deyil. Uşaqlar, demək olar ki, əksər saatlarını televiziya qarşısında cizgi filmlərini izləməklə keçirir. Amma təəssüfləndirici məqam ondadır ki, həmin cizgi filmlərinin əksəriyyəti əcnəbi multiplikasiya şirkətlərinin istehsalı olduğundan, onların bir çoxunda şiddət, işgəncə, qorxu və etikadan kənar səhnələrə yer verilir, obrazların dilindən bayağı ifadələr işlədilir.

Uşaqların hafizəsi daha iti olduğu üçün bu ifadələr onların yaddaşında qalır və dostları arasında da işlətməyə başlayırlar. Bu da onların çevrəsinə təsir göstərir. Hətta bəzi epizodlar da var ki, valideynlər ona çox diqqət etmir, amma uşaqların diqqətini çəkir. Bu da zamanla şüur altına yerləşir və gələcəkdə onun həyat haqqında fikirlərinin formalaşmasına təsir edir.

Danılmaz faktdır ki, cizgi filmləri uşaqların özünü dərk etməsi, ətraf aləmi kəşf etməsi üçün önəmli rola malikdir. Amma bu hər cizgi filmə aid edilə bilməz. Bu gün telekanalları zəbt edən qanlı, döyüşlü, davalı multiplikasiyalar uşaq psixologiyasına olduqca böyük zərər verir. Yenicə ətraf aləmlə tanışlığa başlayan uşaq cizgi filmlərindəki münasibəti həyatında da görmək istəyəcək.

Bu günlərdə Milli Televiziya və Radio Şurasının (MTRŞ) Ekspertiza, proqramlaşdırma və analitika şöbəsinin müdiri Təvəkkül Dadaşov mediaya açıqlamasında deyib ki, Şura telekanallara zorakılıq hallarını təbliğ etməyən cizgi filmləri yayımlamağı tövsiyə edib: "Bəzi cizgi filmlərində zorakılıq halları müşahidə olunur. Əslində bu hallar əyləncə xarakteri daşıyır, amma bu filmlər onları seyr edən uşaqlarda aqressiya yarada və ya həmin hərəkətləri təkrar etmək kimi vərdişlər yarada bilər. Bəzi psixoloqlardan, ekspertlərdən bu məsələ ilə bağlı müraciətlər alırıq. Biz də telekanallara tövsiyə edirik, çalışıb elə cizgi filmləri yayımlasınlar ki, orada uşaqların aqressiyasına səbəb olan zorakılıq halları az olsun. Onu da qeyd edim ki, bu gün efirdə aqressiya doğuran çizgi filmləri çox az yayımlanır".

T.Dadaşov bildirib ki, yerli cizgi filmlərinin qıtlığı var və bu səbəbdən də telekanalların başqa variantı qalmır: "Yerli cizgi filmləri az olduğu üçün televiziyalar əcnəbi filmləri efirə verir. Bu filmlər çox zaman çəkilən ölkələrin öz psixologiyasına uyğun olur və ya efirdə müəyyən bir saatlar üçün nəzərdə tutulur. Bizim kanallar isə bəzən həmin cizgi filmlərini günün istənilən saatında yayımlayır".

Tanınmış uşaq yazıçısı Sevinc Nuruqızı "Bakı-Xəbər"ə açıqlamasında qeyd etdi ki, telekanallarda yayımlanan cizgi filmlərində aqressiya müşahidə olunur: "Məsələn, "Tom və Cerri" cizgi filmində Cerrinin Tom tərəfindən davamlı izlənilməsi aqressiyadır. Xarici cizgi filmləri bu tip zorakılıqlarla uşaqları cəlb edir. Əcnəbi cizgi filmləri yayımlamasaq, uşaqlarımız nəyə baxacaq? Milli cizgi filmlərinin sayı o qədər azdır ki, uşaqların marağını təmin edə bilmərik".

Həmsöhbətimiz hesab edir ki, hazırda uşaqların, demək olar ki, əksəriyyəti "Maşa və ayı" cizgi filminə baxır: "Uşaqlar Maşanın etdiyi hərəkətləri təkrar etməklə müxtəlif növ yaramızlıqlar törədir. "Quzucuq" cizgi filmində də aqressiya hiss olunur. İstehsalçılar animasiyalarda aqressiya səhnələrinə ona görə üstünlük verir ki, baxımlı olsun. Uşaqların həmin filmlərə baxıb davakar, sözə baxmayan böyüməməsi üçün onların mütaliə ilə məşğul olması daha məqsədəuyğundur".

S.Nuruqızı onu da əlavə etdi ki, hazırda uşaqların sevə-sevə izlədiyi "Maşa və ayı" cizgi filmində tərbiyəvi xarakterli bir süjet yoxdur: "Bu cizgi filminə baxan uşaq tərbiyəvi heç nə öyrənmir. Ancaq Maşanın yaramazlıqlarını öyrənir. Xarici cizgi filmləri arasında mərhəməti, sevgini aşılayan animasiyalar da mövcuddur".

Günel CƏLİLOVA

.

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...