Prezident məmurları çox bahalı BMW-lərdən milli "NAZ-Lifan"a qaytarır

Tarix: 27.01.2016 / 02:23
Bölmə: Sosial

"Dövlət sifarişləri hesabına yerli istehsalın stimullaşdırılması xüsusi əhəmiyyət kəsb edir"

Abil Bayramov: "İndiki dövrdə yerli istehsala əsaslanan avtomobillərə önəm vermək daha məqsədəuyğundur"

Prezident İlham Əliyev dövlət məmurlarına Naxçıvan Avtomobil Zavodunun istehsalı olan "NAZ-Lifan" avtomobillərini almağı tövsiyə edib: "Naxçıvanda avtomobil zavodu var. Dövlət məmurlarının bu avtomobilləri daha çox almalarını tövsiyə edirəm".

O bunu "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının ikinci ilinin yekunlarına həsr olunmuş konfransda çıxışı zamanı deyib.

Məlumat üçün qeyd edək ki, Naxçıvan Avtomobil Zavodu 2010-cu ilin yanvar ayının 11-də istismara verilib. Zavodda Almaniya, Belçika və İtaliyada hazırlanan son model avadanlıqlardan istifadə olunur. Zavod ildə 5000 ədəd avtomobil istehsal etmək gücünə malikdir. Zavodda 50 nəfər yerli işçi çalışır.

2006-cı il iyun ayının 12-də Gəncə Avtomobil Zavodunda istehsal olunan nəqliyyat vasitələrinin satışını təşkil etmək məqsədilə Naxçıvan şəhərində nümayəndəlik yaradıldı. 2008-ci ilin avqust ayından Naxçıvan Avtomobil Zavodunun tikintisinə başlanıb. İki il sonra zavod fəaliyyətə başlayıb. Müşahidələr göstərir ki, zavodun istehsal etdiyi avtomobillər keyfiyyətlidir, o cümlədən, müasirliyinə və funksionallığına görə heç də xarici analoqlarından geri qalmır. Ümumən bir sıra ölkələrdə dövlət qurumlarının xidmət personalı məhz yerli istehsala əsaslanan avtomobil və digər avadanlıqlara üstünlük verir. Fransa iş adamları xarici ölkələrdə fəaliyyət göstərərkən "Reno" və "Pejo" markalı avtomobillərdən istifadə etməyə üstünlük verir. Azərbaycanda dövlət qurumları "Naz-Lifan" avtomobillərindən istifadə etsə, həm buna görə dövlət büdcəsindən ayrılan vəsaitlərə ciddi qənaət olunacaq, həm də ölkənin sözügedən sənaye sahəsi inkişaf edəcək.

Sözügedən məsələ ilə bağlı fikirlərini "Bakı-Xəbər"lə bölüşən ekspert Abil Bayramov Prezidentin bununla bağlı tövsiyəsini dəstəklədiyini bildirdi: "Bu, valyuta gəlirlərinin xaricə axmasının qarşısını alacaq. Eyni zamanda, bu məqsədlə ayrılan vəsaitin dəfələrlə azalmasına gətirib çıxaracaq. Hansısa nazirlik, digər dövlət qurumu üçün xidməti avtomobillər almaqdan ötrü on milyonlarla vəsait ayrılmasına ehtiyac yoxdur. Nəzərə alsaq ki, neft gəlirləri xeyli azalıb, o zaman indiki dövrdə yerli istehsala əsaslanan avtomobillərə önəm vermək daha məqsədəuyğundur. Ancaq məsələ ondadır ki, yerli istehsalda ilk növbədə keyfiyyət təmin olunmalıdır. Ona görə ki, yerli istehsalın rəqabət qabiliyyəti olsun. Yerli istehsala əsaslanan avtomobillər rəqabət qabiliyyətinə malik deyilsə, o zaman ondan istifadə səmərəli olmayacaq. Yəni gözlənilən effekti verməyəcək. O baxımdan həm yerli istehsalın keyfiyyətinin artırılması, həm də rəqabət qabiliyyətinin təmin edilməsi zəruridir. Bir sözlə, dövlət sifarişləri hesabına yerli istehsalın stimullaşdırılması xüsusi əhəmiyyət kəsb edir. Ona görə də buna kompleks yanaşmaq lazımdır".

Vidadi ORDAHALLI

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...