Azərbaycanda çox dəbdəbəli toyların dövranı bitir

Tarix: 16.01.2016 / 02:07
Bölmə: Sosial

Musa Quliyev: "Dəbdəbəli toylar yığışdırılmalıdır"

Aytəkin Kamranqızı: "Dəbdəbəli toy mərasimlərinin yığışdırılmasının zamanı çatıb"

Manatın "üzən məzənnə"yə keçməsindən sonra dolların kursu yüksəldi. Xarici valyutanın məzənnəsinin yüksəlməsi bir sıra sahələrdə qiymət artımına səbəb oldu. Qiymət artımı şadlıq evləri və restoranlarda da müşahidə olunur.

Artıq şadlıq evlərində qiymətlər 20-30 faiz yüksəlib.

Şadlıq evlərində qiymətlərin bahalaşmasından sonra toy mərasimlərinin təşkili cəmiyyətin aktual müzakirə mövzusuna çevrilib. Toy mərasimi üçün 10 minlərlə pulun xərcləndiyi dəbdəbəli mərasimlər, toydan sonra yaranan acınacaqlı vəziyyət insanları ailə həyatı qurarkən ciddi düşünməyə vadar edir. Bəzi şəxslər artıq dəbdəbəli toy mərasimləri keçirmək fikrindən daşınıb.

Ancaq bir çoxları "qonşudan geri qalma" prinsipini əldə rəhbər tutsa da, xoşbəxtliyin toyda olmadığını düşünənlər də var.

Artıq sosial şəbəkələrdə dəbdəbəli toy mərasimləri yığışdırılmalıdır kimi təkliflər səsləndirilir. Bu təklifi müsbət dəyərləndirənlərin sayı yetərincədir.

Millət vəkili Musa Quliyev dəbdəbəli toyların yığışdırılmasının tərəfdarıdır. Onun fikrincə, Azərbaycanda dövlət tərəfindən toyların təşkili tənzimlənməlidir: "Vergilər Nazirliyi, İqtisadiyyat və Sənaye Nazirliyi, Standartlaşdırma, Metrologiya və Patent üzrə Dövlət Komitəsi bu işdə çox ciddi mövqe ortaya qoymalıdır.

Millət vəkilləri, adlı-sanlı ziyalılar, nazirlər, icra başçıları sadə toy mərasimləri keçirməklə sadə insanlara nümunə olmalıdır. Tanınmış insanlar cəmiyyət üçün nümunə olmalıdır. Onlar bunu etməyənə kimi, insanlardan tələb etmək olmaz ki, sadə toy mərasimi keçirin, israfçılığa yol verməyin. İnsanlar dəbdəbəli toyla xoşbəxt olmur. Mətbuat, televiziyalar da israfçılığın qarşısının alınmasına görə təbliğatı gücləndirməlidir".

Sosioloq Aytəkin Kamranqızı bizimlə söhbətində bildirdi ki, dəbdəbəli toy mərasimlərinin yığışdırılmasının zamanı çatıb: "İnsanlar artıq bu cür mərasimləri görməkdən yorulub. Artıq insanların çoxu restoran toylarında iştirak etməkdən bezib. Şadlıq evlərində keçirilən mərasimlər insanların büdcəsinə ziyan vurur. Hər kəs bilir ki, restoranlarda bir nəfərlik menyunun qiyməti 40-dan başlayaraq 100 manata qədər dəyişir. Hər kəs də öz imkanına görə menyu seçir. Lakin bu gün orta aylıq maaşı nəzərə alsaq, restoranların qiyməti həddindən artıq bahadır. Təsəvvür edin, orta aylıq əməkhaqqı 500 AZN olan ailəyə 5-6 toy dəvətnaməsi eyni anda gəlir. Belə olan halda, ailə çətin duruma düşür. Sözsüz ki, çağırılan yerə getməmək olmur. Bu zaman da bir aylıq maaş gedir toylara".

Sosioloqun sözlərinə görə, son devalvasiyadan sonra insanların çoxu subay qalmağı üstün tutur: "Çünki toyda menyudan başqa, plov gətirənə, tort kəsənə mütləq şirinlik verilir. Bunların da hamısı əməlli-başlı maliyyə tələb edir.

Borca girib dəbdəbəli toy etməkdənsə, sadə palatka toyu etmək daha məqsədəuyğundur. Bu gün rayonların ucqar kəndlərində, eləcə də Bakıətrafı qəsəbələrdə həyət toyu keçirilir.

O cür toylarda israfçılığa yol verilmir. Restorana artıq pul ödənilmir. Qonaqlar da bir neçə gün öncədən hazırlanmış yeməklərdən uzaq olur.

Təəssüf ki, restoranlar çoxaldığından, həyət toylarını nadir hallarda keçirirlər. Lakin yenidən "palatka" toyları dəbə düşsə, məncə, hər şey yaxşı olar".

Günel CƏLİLOVA

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...