Nikahsız doğulan uşaqların soyad problemi çıxdı

Tarix: 15.01.2016 / 01:37
Bölmə: Sosial

Nazir Quliyev: "Narahatlıq doğuran məqam müasir qadınların ailə qurmadan ana olmaq istəməsidir"

"Ata soyadından, nəvazişindən məhrum olan uşaqlar yaşıdları arasında ayrıseçkiliyə məruz qalır və bu olay onların psixologiyasına mənfi təsir göstərir"

Rəsmi statistikaya görə, son 10 il ərzində Azərbaycanda rəsmi nikahdan kənar doğulan uşaqların sayı ötən illərə nisbətən artıb. Nikahdan kənar dünyaya gələn uşaqların yaşadığı problemlərdən biri də soyaddır.

Ailə, Qadın və Uşaq Problemləri üzrə Dövlət Komitəsinin Hüquq şöbəsinin müdiri Taliyə İbrahimova media nümayəndələrinə açıqlamasında deyib ki, Azərbaycanda qanunvericilik qeyri-rəsmi nikahdan doğulan uşağa anasının soyadının verilməsinə imkan verir. Amma bir çox analar bu cür uşaqların daha çox öz doğma atalarının soyadında qeydiyyata alınmasını istəyir. Bu da ciddi problemlər yaradır: "Komitəyə bu məsələ ilə bağlı çox müraciətlər daxil olur. Biz görürük ki, qadınlar bu cür uşaqlarla bağlı müəyyən çətinliklərlə rastlaşır. Təbii ki, qanunvericilik yol verir ki, həmin uşaq anasının soyadında qeydiyyata alınsın və ona doğum haqqında şəhadətnamə verilərkən uşağın soyadı ananın soyadı kimi müəyyən olunsun. Ata qrafasında isə ananın göstərişi ilə atanın adı yazılsın. Ancaq bir çox analar uşaqlarına öz soyadlarını deyil, uşağın atasının soyadını vermək istəyir. Bəzən atalar qeyri-rəsmi nikahdan doğulan uşaqlarına öz soyadlarını vermək istəmir. Kişilərin öz uşaqlarına soyad verməkdən imtina etməsinin əsas səbəbi alimentlə bağlı olur. Bəzi atalar məhkəmə vasitəsilə öz uşaqlarından imtina edir. Belə hallar çoxdur. İmtinanın səbəbi kimi də göstərirlər ki, uşaqlarına görə alimentin təyin olunmasını istəmirlər. Digər tərəfdən, sabahkı gündə varislik məsələsi də ortaya çıxa bilər. Uşaq atasının soyadında deyilsə, o artıq atasının varisi hesab edilməyəcək".

Qeyd edək ki, Azərbaycanda 1990-cı ildə ölkə üzrə rəsmi qeydə alınmamış nikahda olan qadınlar tərəfindən doğulan uşaqların sayı həmin il ərzində doğulan bütün uşaqların 2,6 faizini (4800 uşaq) təşkil etdiyi halda, 2012-ci ildə belə uşaqların sayı ölkədə doğulan bütün uşaqların 15,5 faizini təşkil edərək 27 031-ə çatıb. Bu göstərici isə 1990-cı illə müqayisədə 5,6 dəfə çoxdur. Sonrakı iki ildə rəsmi qeydə alınmamış nikahda olan qadınlar tərəfindən doğulan uşaqların sayı bir qədər azalaraq 2013-cü ildə 25 069, 2014-cü ildə isə 25 486 olub.

Ekspert Nazir Quliyev məsələ barəsində bildirdi ki,

müstəqillik dövründə milli adət-ənənələrimizin xeyli zəifləməsi nəticəsində rəsmi qeydə alınmayan nikahda olan qadınlar tərəfindən doğulan uşaqların sayı ən böyük problemə çevrilib: "Çoxlu sayda azərbaycanlı Rusiya qeydiyyatındadır. Onlar orada ailəli ola-ola gəlib burada azərbaycanlı qızlarla ailə qurur, amma rəsmi nikah bağlamırlar. Bu da uşaqların qeydiyyatında ciddi problemlər yaradır. Digər bir səbəb də nikaha yaşlarının tam uyğun gəlməməsidir. Ailə qururlar, nikaha yaşları düşmür, sonra isə qeydiyyata düşmürlər".

Həmsöhbətimiz onu da əlavə etdi ki, daha çox narahatlıq doğuran məqam müasir qadınların ailə qurmadan öncə ana olmaq istəməsidir: "Qadınlar ailə qurmaq yox, karyera barədə düşünür. Pul qazanmaq istəyirlər və hesab edirlər ki, ailə qursalar, daha çox problem ola bilər. Məsələn, həyat yoldaşı hansısa qadağa qoya bilər. Bəzi qadınlar hesab edir ki, özü üçün uşaq dünyaya gətirsə daha yaxşı olar.

Belə hallarda ən böyük zərbə isə bu tənha anaların övladlarına dəyir. Ata soyadından, ən əsası isə nəvazişindən məhrum olan bu uşaqların məktəbdə, yaşıdları arasında ayrıseçkiliyə məruz qalması onların psixologiyasına mənfi təsir göstərir".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...