Klinikalar ən müxtəlif məbləğlərdə sünnət qiyməti ilə işləyir

Tarix: 13.01.2016 / 01:51
Bölmə: Sosial

"Medikal Hospital" klinikası: "Anastezi üsulu ilə olan əməliyyat üçün sünnət edilən uşağın ailəsi klinikaya 120 manat ödəməlidir"

"Lanşet" klinikası: "Sünnət əməliyyatının qiyməti 120 manatdır"

"Evromed" klinikası: "Sünnət əməliyyatının qiyməti 420 manatdır"

"Situ Hospital" klinikası: "Sünnət əməliyyatının qiyməti 120-170 manat arasında dəyişir"

Fuad Nəzərov: "İstənilən əməliyyat üçün standart qiymət müəyyən etmək düzgün deyil"

Qədim zamanlarda sünnət insanların həyatını ölümdən qurtarmaq məqsədilə ayin zamanı həyata keçirilirdi. İnsanların düşüncəsinə görə, insanın ölməməsi üçün onun kiçik bir hissəsi kəsilib atılaraq qurban edilirdi. Hələ qədim dövrlərdə kolxlar, finikiyalılar, misirlilər, hammonlar, edomilər və moavilərdə sünnət tətbiq edilirdi.

O zamanlar sünnət həyata keçirildikdən sonra oğlanlara evlənmək haqqının verildiyi hesab olunurdu. Çox maraqlıdır ki, ərəb dilində "hitan" sözü (sünnət) yəhudilərin "xatan" (nişanlı, kürəkən) sözü ilə eyni köklüdür. Bibliyada da sünnətin dini xarakter daşıdığı qeyd edilir. Bəzi xalqlarda sünnət 10-17 yaşlarında tətbiq olunur ki, bu da yeniyetməlik dövrünə təsadüf edir.

Məlum olduğu kimi, sünnət zamanı uşaq bir başqasının qucağında oturdulur. Bizdə bu şəxsə "kirvə" deyirlər.

Deyilənə görə, sünnət "kişilik" rəmzi sayılır, hətta vaxt var idi ki, sünnət olunmayan kişiyə qız verilmirdi. Bəzi türk və Azərbaycan filmlərində də bu dönə-dönə qeyd olunur.

Qeyd edək ki, əvvəllər sünnət edən xüsusi adamlar olurdu. El arasında onlara "dəllək" deyirdilər. Bu dəlləklərin işini hamı bəyənir, onlara böyük hörmət olurdu. Heç kəs onların bu əməliyyatı necə və hansı alətlərlə həyata keçirməsi ilə maraqlanmırdı. Zaman keçdikcə, yoluxucu xəstəliklərin artması insanlarda narahatlıq doğururdu. Beləliklə də dəlləklərin bazarı ölməyə başladı...

İndi paytaxtın bütün küçələrində "ağrısız, lazerlə, qısa zamanda sünnət" başlıqlı elanlara rast gəlmək mümkündür. Elm inkişaf etdikcə, sünnət "texnologiyası" da dəyişir. Hazırda insanların böyük əksəriyyəti bu əməliyyatı həkimlərin keçirməsinə üstünlük verir.

Fəaliyyət göstərən bütün klinikalarda sünnət əməliyyatı keçirilir. Həmin əməliyyatın qiyməti isə hər tibb müəssisəsində fərqlidir.

Biz klinikalarda sünnət əməliyyatının hansı qiymətə aparıldığını araşdırdıq.

"Medikal Hospital" klinikasının baş həkiminin müavini Malik Əliyev "Bakı-Xəbər"ə açıqlamasında qeyd etdi ki, çalışdığı xəstəxanada sünnət əməliyyatı peşəkar həkimlər tərəfindən aparılır: "Sünnət əməliyyatı bizdə iki cür olur. Anastezi üsulu ilə olan əməliyyat üçün sünnət edilən uşağın ailəsi klinikaya 120 manat ödəməlidir. Narkozsuz sünnət əməliyyatının qiyməti isə 100 manatdır. Ailələr daha çox narkozlu əməliyyat növünə üstünlük verir ki, uşağı heç nə hiss etməsin".

"Xətai" klinikasının qeydiyyat şöbəsinin nümayəndəsi bizimlə söhbətində bildirdi ki, onlarda sünnət əməliyyatı ənənəvi qaydada keçirilir və həmin əməliyyatın qiyməti isə 50 manatdır.

"Evromed" klinikasından bizə bildirdilər ki, sünnət əməliyyatının qiyməti 420 manatdır.

"Situ Hospital" klinikasının nümayəndəsi bizimlə söhbətində qeyd etdi ki, narkozsuz sünnət əməliyyatının qiyməti 120, narkoznan isə 170 manatdır. Eyni zamanda, klinikada aztəminatlı ailələrin uşaqlarına yardım olunur. Maddi durumu zəif olan ailələrin uşaqları sünnət olunarkən onlara güzəşt olunur.

"İstanbul" klinikasının mühasibi Aygün xanım qəzetimizə açıqlamasında dedi ki, mütəmadi olaraq klinikada sünnət aksiyaları keçirilir: "Aksiya keçirilməzdən öncə KİV vasitəsilə ictimaiyyətə məlumat verilir ki, hansı ailə övladını pulsuz sünnət etdirmək istəyirsə, bizim klinikaya müraciət etsin. Əməliyyatın qiyməti isə sünnət olunan şəxsin seçimindən asılı olaraq dəyişir. Yəni ənənəvi və anestezi yolla aparılan əməliyyatın qiyməti fərqli olur".

"Lanşet" klinikasında isə sünnət əməliyyatının qiyməti 120 manatdır.

Cərrah Fuad Nəzərov qəzetimizə açıqlamasında bildirdi ki, əməliyyatı lazerlə və yaxud da lazersiz aparmaq mümkündür: "Lazerlə baş verən əməliyyatlar zamanı da qan və ağrıların olma ehtimalı mövcuddur. Təəssüf ki, bəzi klinikalar reklam olunsun deyə yayırlar ki, bəs onlar lazer yolu ilə sünnət əməliyyatı edən zaman qan və ağrılar qeydə alınmır. Qiymətə gəlincə, deyə bilərəm ki, istənilən əməliyyat üçün standart qiymət müəyyən etmək düzgün deyil. Çünki heç bir həkim deyə bilməz ki, əməliyyat zamanı xəstəyə əlavə hər hansı bir dərman preparatı lazım olacaq, ya yox.

Elə şəxs ola bilər ki, onun narkoza, başqa birisinin isə keyidiciyə ehtiyacı olsun".

Günel CƏLİLOVA

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...