Məktəb direktorlarının müsabiqəli təyinatı Bakı sərhədlərini aşır...

Tarix: 07.01.2016 / 01:56
Bölmə: Sosial

Məlahət Mürşüdlü: "Ölkənin bütün tədris müəssisələrinin rəhbərləri imtahan yolu ilə seçilməlidir"

"Bizim məktəblərdə qabaqcıl innovativ texnologiyaya yiyələnən və yeniliyi qəbul edib təbliğ edən pedaqoqlar rəhbər kadr kimi çalışır"

Məlum olduğu kimi, məktəb direktorları yeni qayda ilə seçilir. Təhsil Nazirliyi tərəfindən ümumtəhsil sistemində idarəetmənin təkmilləşdirilməsi istiqamətində 2013-2014-cü dərs ilindən etibarən Bakı şəhərində məktəb direktorlarının seçimi üzrə yeni mexanizmin tətbiqinə başlanıb.

Bu vəzifədə işləmək arzusunda olan pedaqoji kadrlar üçün mərhələli müsabiqə təşkil edilib, sənədlərin qəbulu, ilkin seçimin aparılması, təlimlərin keçirilməsi, yekun imtahan və müsahibə ilə nəticələnən prosedurlar tətbiq edilib.

Artıq bölgələrdə məktəb rəhbərliyi vəzifəsində çalışmaq istəyənlər də imtahan verməli olacaq.

Sumqayıt və Gəncə şəhərləri, Abşeron, Xızı, Göygöl, Samux, Goranboy və Daşkəsən rayonlarında ümumtəhsil müəssisələrinin direktoru vəzifəsinin tutulması müsabiqə yolu ilə həyata keçiriləcək.

Təhsil Nazirliyinin yaydığı məlumata görə, bu, Azərbaycan Respublikası təhsil nazirinin "Ümumtəhsil müəssisələri rəhbərlərinin hazırlanması və seçimi üzrə müsabiqənin keçirilməsi barədə" əmri ilə icra edilir.

Yeni müsabiqə mexanizminin tətbiqinə bu il yanvar ayından start verilir. Məktəb rəhbərlərinin hazırlanması üzrə təlimlər, adları qeyd edilən rayonlar da əhatə edilməklə, Sumqayıt və Gəncə şəhərlərində təşkil ediləcək.

Nazirin yeni əmrinə əsasən, Sumqayıt Şəhər Təhsil Şöbəsi, Gəncə Şəhər Təhsil İdarəsi, Abşeron, Xızı, Göygöl, Samux, Goranboy, Daşkəsən rayon təhsil şöbələrinə ümumtəhsil məktəblərində vakant direktor vəzifəsi ilə əlaqədar vəziyyəti təhlil etmək, vakant vəzifənin icrası müvəqqəti həvalə edilərkən həmin yerlərin yalnız Təhsil Nazirliyi tərəfindən təşkil edilən müsabiqə nəticəsində tutulacağını nəzərə almaq tapşırılıb. Vakant yerlərin tutulması üçün yeni qayda tətbiq edilənədək Təhsil Nazirliyinə təqdim edilən namizədlərin, eləcə də bu sahədə potensialı olan müəllimlərin və direktor müavinlərinin müsabiqədə iştirakı ilə bağlı maarifləndirmə tədbirləri həyata keçiriləcək.

Azad Müəllimlər Birliyinin rəhbəri Məlahət Mürşüdlü bizimlə söhbətində qeyd etdi ki, məktəb rəhbərliyinin seçilməsində yeni bir forma tətbiq olunub.

Bu formada təyinatlar öz müsbət nəticəsini verəcək: "Təyinat alan kadrlar müəyyən hazırlıq kursları keçəndən, sınaq imtahanlarını verdikdən sonra müsabiqə yolu ilə bu vəzifəni əldə edirlər. Nəticədə yaxşıların yaxşısı seçilir".

Ekspertin sözlərinə görə, bu gün bizim məktəblərdə qabaqcıl innovativ texnologiyaya yiyələnən və yeniliyi qəbul edib təbliğ edən pedaqoqlar rəhbər kadr kimi çalışır: "O rəhbər kadrlar idarəetmədə yeni formanı tətbiq edir. Zənnimcə, belə kadrlara ehtiyac var. Ölkənin bütün tədris müəssisələrinin rəhbərləri imtahan yolu ilə seçilməlidir".

Günel CƏLİLOVA

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...