Avtomobil "apteçka"larına qoyulan tələblərin icrası qeyri-mümkün həddə çıxır

Tarix: 06.01.2016 / 01:42
Bölmə: Sosial

Ərşad Hüseynov: "İşbazlar media vasitəsilə ajiotaj yaradıb külli miqdarda satış həyata keçirdilər"

"Dərman qutusunun avtomobildə olmamasına görə 3 manatdan 5 manatadək cərimə nəzərdə tutulur"

Son günlər mediada və sosial şəbəkələrdə avtomobillərdə dərman qutularının olmasının yoxlanmasına görə xüsusi reyd keçiriləcəyi və "apteçka"sı olmayanların kütləvi şəkildə cəzalandırılacağı barədə məlumatlar yayılıb. Tələb olunan dərman vasitələrinin də siyahısı yayımlanıb.

Belə ki, 2016-cı il yanvarın 1-dən avtomobilində qəza işarəsi, yanğınsöndürmə balonu və tibbi yardım çantası olmayan sürücülərə qarşı ciddi tədbir görüləcəyi ilə bağlı qərar qəbul edilib. Səhiyyə Nazirliyi tərəfindən tibbi yardım çantasının içindəki dərmanlar da təsdiq edilib. Amma nazirlik müxtəlif adda olan 844 seriya nömrəli dərmanların dövriyyəsini qadağan edib. Məsələ burasındadır ki, çantanın içində validolun olmasını vacib hesab edən nazirlik eyni zamanda bu adda dərmanın dövriyyəsini də qadağan edib. Deyilənlərə görə, yeni "apteçka"lar alınmalıdır. Onların da qiyməti 70 manat təşkil edir. Ən maraqlısı isə odur ki, tibbi çanta üçün süni nəfəs aparatı və digər vasitələr tələb olunur ki, bu da sürücülərin narahatlığına səbəb olub.

Baş Dövlət Yol Polisi İdarəsindən sözügedən məsələ ilə bağlı mətbuata bildirilib ki, son günlər mediada yayılan məlumatlar süni formada yaradılan ajiotajdır: "Dərman qutusu, qəza dayanma nişanı və yanğınsöndürən balonun avtomobildə olması mütləqdir. Bunların olmaması nəqliyyat vasitəsinin istismarının qadağan olunmasına səbəb olan çatışmazlıqlardır. Bu vasitələr sürücünün özünə lazımdır. Qeyd olunan ləvazimatlar da nəqliyyat vasitəsinin texniki baxışdan keçirilməsi zamanı yoxlanır. Son bir neçə gündə bu məsələnin gündəmə gətirilməsi, yol polisi tərəfindən xüsusi reyd keçirilməsi barədə yayılan məlumatlar isə anlaşılmazdır. Yol polisi bununla bağlı heç bir xüsusi reyd keçirməyəcək. Saxlanan sürücü dərman qutusunun olmadığına görə cərimə oluna bilər. Amma bu qanun 1998-ci ildən qəbul olunub və bu il də qanuna uyğun olaraq icra ediləcək. Ötən il necə idisə, bu il də elə olacaq. Heç bir yenilik yoxdur. Bu ajiotajın məqsədli şəkildə kimlər tərəfindən yaradılması məlum deyil".

Maraqlıdır, ekspertlərin məsələyə münasibəti necədir?

Sözügedən məsələni dəyərləndirən ekspert Ərşad Hüseynovun fikrincə, bu, dərman qutularının satışı ilə məşğul olan işbazlar tərəfindən süni şəkildə gündəmə gətirilib: "Bu məsələdə mediadan çox məharətlə istifadə etdilər. Əslində dərman qutusunun avtomobillərdə olması qaydaları, onun tərkibi, onun olmamasına görə cərimə ilə bağlı heç bir yenilik yoxdur. İşbazlar media vasitəsilə ajiotaj yaradıb külli miqdarda satış həyata keçirdilər. Məndə olan məlumata görə, 20 gün öncə 5 manata olan və heç kimin almadığı dərman qutusu 40 manata satılıb. Bu, sadəcə, çox yaxşı hazırlanmış piar kampaniyası idi və mediadan da məharətlə istifadə etdilər. İlk məlumatın hardan çıxdığı da bəllidir. Məqsədli şəkildə sosial şəbəkəyə atıb orada yaydılar. Siyahıya da şübhəm var. Çünki o siyahı Səhiyyə Nazirliyinə aid rəsmi mənbəyə istinadən yayımlanmayıb. 2016-cı il başlayandan sonra yol polisi tərəfindən heç bir xüsusi reyd keçirilməyib. Tam məsuliyyətlə deyirəm ki, heç bir reyd keçirilməyib. Xüsusi reyddən söhbət gedə bilməz.

Dərman qutusunun avtomobildə olmamasına görə 3 manatdan 5 manatadək cərimə nəzərdə tutulur. "Apteçka"da nəzərdə tutulan dərmanlardan biri belə olmasa, yenə də cərimə düşür. Təklif olunub ki, bu cərimə 10 manat olsun. O da qəbul olunarsa, may ayının 1-dən qüvvəyə minəcək. Hələ bu təklif qəbul edilməyib".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...