Şou-müğənnilərin vergi müqabilində "göz yaşlarına baxmayın"...

Tarix: 25.12.2015 / 02:06
Bölmə: Sosial

Müzəffər Baxışov: "Vergidən yayınan şəxs qanunvericiliyin tələbinə uyğun olaraq 3 ildən 7 ilə qədər həbs oluna bilər"

"Vergi Məcəlləsinin təsdiq etdiyi qaydaya əsasən hesablanan vergiləri gəlir əldə edən hər bir şəxs ödəməyə borcludur"

Məlum olduğu kimi, son aylar vergi orqanları tərəfindən vergidən yayınan şou-biznes nümayəndələri ilə bağlı araşdırma aparılır. Araşdırmalar nəticəsində hansı müğənnilərin vergidən yayınması qeydə alınıb.

Həmçinin, vergi orqanları tərəfindən görülən tədbirlər nəticəsində şou-biznes sahəsində fəaliyyət göstərən xeyli fiziki şəxs vergi uçotuna alınıb, uçotda olanlar isə vergi borcunun bir hissəsini ləğv edib.

Vergilər Nazirliyinin yaydığı məlumatda qeyd olunur ki, şou-biznesdə çalışan və kifayət qədər gəlir əldə edənlərin bəziləri hələ də qanunla müəyyən edilən vergilərin ödənilməsinin vacibliyini sözdə qəbul etsələr də, işdə qanunun tələblərinə əməl etmək nümunəsi göstərmirlər. Onlarla keçirilən görüşlər zamanı vergilərin vaxtında və tam həcmdə ödənilməməsinin səbəbləri ilə bağlı gətirilən əsas arqumentlər aşağıdakılardır: "Mənim vergi ödəməyə imkanım yoxdur", "Mən vergiləri ödəsəm, onda gərək köməkçilərimə, birgə çalışdığım şəxslərə əməkhaqqı verməyim", "Mən sənət adamıyam, geyimimə çox pul xərcləməyə məcburam", "Mən özümdən başqa ailə üzvlərimə, qohumlarıma da kömək etdiyim üçün vergiləri ödəyə bilmirəm", "Mən vergiləri ödəsəm, gərək klip çəkdirməyim" və sair və ilaxır...

Nazirliyin məlumatında bildirilir: "Bu kimi fikirlərə şərh vermək istəməsək də, qeyd etməliyik ki, belə şəxslərin keçirdiyi həyat tərzi onların söylədiklərinin tam əksini göstərir və bunu sübut etmək o qədər də çətin deyil. Təəssüf doğuran cəhətlərdən biri də odur ki, Vətənə, dövlətə sədaqətlərindən ağız dolusu dəm vuran bu insanlar dövlətin vergisini bütün şəxsi istəklərini həyata keçirdikdən sonra, əgər vəsaiti qalarsa, ödəməyi düşünürlər".

Qeyd edək ki, çalışdığı sahədən asılı olmayaraq, hər bir vətəndaşın konstitusion borcudur ki, vergiləri ödəsin.

Onu da bildirək ki, xarici ölkələrdə çalışan sənət adamları mütləq vergi ödəyir. Əks halda onlar qanunla məsuliyyətə cəlb olunur. Necə ki, bu yaxınlarda dünyaca məşhur ispaniyalı opera müğənnisi Monserrat Kobalye 6 aylıq həbs cəzasına məhkum edilib. Müğənninin həbs olunmasına səbəb isə onun vergidən yayınması olub. Kobalye qonorarının məbləğini vergi orqanlarından gizlədirmiş. Andorrada yaşayan müğənni vergi ödəməsin deyə, konsertlərindən əldə olunacaq gəlir barədə müqavilələri xarici şirkətlərlə bağlayıb. Amma İspaniya hökuməti müğənninin hüquqazidd əməllərini üzə çıxarıb və 82 yaşlı qadına 6 aylıq həbs cəzası kəsilib.

Adıçəkilən ölkənin məhkəmə sistemi müğənni xanımın həbsinə qərar verməklə qanun qarşısında hər kəsin bərabər olduğu prinsipindən çıxış etdiyini təsdiqlədi. Milyonların sevimlisi olan müğənni və sənət adamlarına bu məsələdə güzəşt olunmur.

Təəssüf ki, bizim şou-biznes nümayəndələri toylardan və konsertlərdən əldə etdiyi gəlirin vergisini ödəməkdən yayınır. Səbəb kimi də ailələrinə və ya geyimlərinə xeyli miqdarda pul xərclədiklərini bildirirlər. Amma onlar unudur ki, vergi ödəmədiyinə görə Kobalyenin taleyini yaşaya bilər.

Məsələ ilə bağlı fikir bildirən hüquqşünas Müzəffər Baxışov qəzetimizə açıqlamasında qeyd etdi ki, Azərbaycan Respublikasının Vergi Məcəlləsinin təsdiq etdiyi qaydaya əsasən hesablanan vergiləri gəlir əldə edən hər bir şəxs ödəməyə borcludur: "Sahibkarlar əldə etdiyi gəlirin məbləğini vergi orqanlarından gizlədirsə, onlar qanunla məsuliyyət daşıyır. 2000 manatdan 50000 manata qədər olan məbləğ vergidən gizlədilərsə, onda həmin sahibkar cinayət məsuliyyətinə cəlb oluna bilər. 50000 manatdan yuxarı məbləğ vergidən yayındırılarsa, o zaman sahibkar 213.2 maddəsi ilə məsuliyyətə cəlb edilə bilər və həmin şəxs 3 ildən 7 ilə qədər həbs oluna bilər".

Həmsöhbətimizin sözlərinə görə, müğənnilər mütləq vergiyə cəlb edilməlidir. Vergilər Nazirliyinin bunun üçün müstəsna hüquq və səlahiyyətləri var. Bunun müxtəlif üsulları da mövcuddur: "Müğənnilərin qazancını, gəlirini-çıxarını hesablamaq çətin deyil. Hesablasınlar, hər kəs də qazancı müqabilində buyursun vergi ödəsin. Əks halda, məsuliyyətə cəlb edilsinlər. Bəzi müğənnilər vergi ödəməmək üçün səbəb gətirir ki, bəs onların qrimi və ya geyimləri bahalıdır və vergi ödəməyə pulları qalmır. Brend geyinməsinlər, amma vaxtlı-vaxtında dövlətin vergisini ödəsinlər. Bizim müğənnilər Kobalyedən heç də artıq deyil. Unutmasınlar ki, vergini ödəməməkdə israr etsələr, onları da eyni tale gözləyə bilər".

Günel CƏLİLOVA

DİGƏR XƏBƏRLƏR

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...