Xətai Rayon Polis İdarəsi ölkədə "Polis veteranları" hərəkatına daha bir töhfə verdi

Tarix: 25.12.2015 / 01:35
Bölmə: Sosial

Muradəli Babayev: "...veteranların təcrübəsi, ictimai nüfuzu..."

Xətai Rayon Polis İdarəsinin akt zalında veteran əməkdaşlarla keçirilən görüşdə diqqətimi bəzi nüanslar çəkdi. Hiss etdim ki, bu görüşü təkcə veteranlar deyil, elə gənc həmkarlarımız da səbrsizliklə gözləyirlər. Düzdür, RPİ-də müxtəlif mövzularda keçirilən görüşlərə veteranlar dəvət olunur, ancaq bu görüş, sözün əsl mənasında, səmimiyyət üzərində qurulub.

Veteranları və gənc əməkdaşları hərarətlə salamlayan idarənin rəisi, polis polkovniki Muradəli Babayev çıxışına ulu öndər Heydər Əliyevin "Veteranlara qayğı göstərmək, hörmət etmək, onların bütün problemlərini həll etmək bizim dövlətin və hər bir dövlət orqanının, hər bir namuslu Azərbaycan vətəndaşının borcudur" fikri ilə başladı.

Qeyd olundu ki, respublikada polis veteranı hərəkatını gücləndirmək, ölkədə əminamanlığın qorunmasını, cinayətkarlığa qarşı qətiyyətli mübarizəni təmin etmək, cəmiyyətdə polis haqqında müsbət rəyin formalaşmasında iştirak etmək, onların təcrübəsindən yararlanmaq, eləcə də onların öz problemlərinin həllinə kömək göstərmək məqsədilə görülən tədbirlər öz nəticələrini göstərməkdədir. Bu gün diqqətəlayiq haldır ki, veteranlarımız diqqət və qayğını yüksək qiymətləndirir, öz uğurlu işləri ilə bizləri sevindirirlər.

Bildirildi ki, bu gün cəmiyyətimizdə peşəkar polis veteranlarına, onların təcrübəsinə böyük ehtiyac var. Bir sıra xarici qüvvələrin pozuculuq fəaliyyətinə, xüsusilə müxtəlif dini cərəyanlar vasitəsilə yeniyetmə və gənclər arasında aparılan fitnəkar təbliğata, narkomaniyaya qarşı mübarizədə onların yardımı əvəzolunmazdır. Rayonda 1200 nəfərdən çox veteranla, bir zamanlar polis orqanlarında çalışan insanlar arasında daha sıx əlaqənin yaradılmasının vacibliyindən söhbət açıldı.

Bakı Şəhər Baş Polis İdarəsi Veteranlar Şurasının sədri Emin Məmmədov belə tədbirlərin keçirilməsində xüsusi həssaslıq göstərən, həm peşə borcuna sadiq olan, həm də vətəndaş mövqeyi nümayiş etdirərək cəmiyyətdə baş verən bəzi neqativ halların qarşısının alınmasında, xüsusilə də DİN rəhbərliyinin diqqət yetirdiyi əsas prioritetlərdən biri kimi gənclərlə işin qurulmasında polis veteranlarının təcrübəsindən yararlanan, mütəmadi olaraq məktəblərdə, müxtəlif əmək kollektivlərində belə vacib görüşlər təşkil edən şəxslərə öz təşəkkürünü bildirdi.

Dedi ki, ölkəmizdə gənclərin sağlam, intellektual səviyyəli inkişafı həmişə dövlətin diqqət və qayğısı ilə əhatə olunub. Ölkə gənclərinin vətənpərvərlik ruhunda tərbiyə edilməsi və dövlətçiliyə sədaqət ruhunda yetişməsi üçün biz polis veteranlarının da üzərinə böyük məsuliyyət düşür.

Qonaq qismində dəvət olunmuş Nərimanov RPİ-nin Veteranlar Şurasının sədri 83 yaşlı Paşa Kərimov polis orqanlarının rəhbərlərinin veteranlarla işə verdikləri önəmin faydasından söz açdı və xidmətdə olan həmkarlarımıza cinayətkarlıqla mübarizə işində, asayişin qorunmasında, ölkəmizdə gedən inkişaf prosesinə yenidən öz töhfələrini verməsi üçün yaradılmış şəraitdən, ali diqqət və qayğıdan məmnunluğunu bildirdi.

Xətai RPİ Veteranlar Şurasının sədri Nazim Xıdırov bir zamanlar daxili işlər orqanlarında üzləşdikləri çətinliklərdən danışdı. Qeyd etdi ki, bu gün polisin işləməsi üçün dövlətimiz tərəfindən hər cür şərait yaradılıb. DİN hər cür texniki vasitə, avadanlıqla təchiz olunub.

Tədbirə yekun vuran rəis, polis polkovniki Muradəli Babayev daxili işlər orqanlarının qarşısında duran vəzifələrin yerinə yetirilməsində, hüquqi biliklərin təbliğində, cinayətlərin açılmasında, profilaktikasında, təhlükəsizliyin təmin olunmasında veteranların təcrübəsindən, ictimai nüfuzundan, bilik və bacarıqlarından bundan sonra da yararlanacaqlarını vurğuladı.

Sonda veteranlarla birlikdə xatirə şəkli çəkdirildi.

Hafiz Təmirov,

polis kapitanı

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...