"Elektriçkaların" bərpası Bakıda nəqliyyat tıxaclarını yüngülləşdirən üsul kimi...

Tarix: 19.12.2015 / 01:32
Bölmə: Sosial

Şahin Camalov: "Elektrik qatarları tam bərpa olunduqdan sonra istər tıxaclar, istərsə də sərnişin sıxlığı xeyli azalacaq"

"Bu istiqamətdə işləri daha da sürətləndirmək lazımdır"

Vaxtilə Bakıətrafı qəsəbələrin əhalisinin sevimli nəqliyyat vasitəsi olan elektrik qatarı ölkənin müxtəlif istiqamətinə - Xaçmaz, Gəncə, Hacıqabula da işləyirdi. Tıxacı aradan qaldıran, əhalini ünvana tez və sərfəli qiymətə çatdıran "elektriçka"lar əlverişli nəqliyyat sayılırdı.

Sonralar mərhələ-mərhələ həmin elektrik qatarları xətdən çıxarıldı. Bakı kəndlərinə gedən elektrik qatarları 2009-cu ilə qədər işləyib. Abşeron yarımadasında dəmir yolu xətlərinin sökülməsinə 2009-cu ilin sonlarından start verilib və Maştağa qəsəbəsindən başlayaraq Buzovna və Mərdəkandan keçən və Qala qəsəbəsinə qədər uzanan birxətli dəmir yolu sökülüb. Statistikaya əsasən, gün ərzində elektrik qatarları Abşeron yarımadasında 4 minə yaxın sərnişin daşıyırdı.

Məlum olduğu kimi, bu ilin sentyabrında Bakı-Sumqayıt xətti üzrə elektrik qatarları işləməyə başladı. "Azərbaycan Dəmir Yolları" Qapalı Səhmdar Cəmiyyətinin mətbuat katibi Nadir Əzməmmədov bu günlərdə mətbuata açıqlamasında hazırda Abşeron yarımadasında Böyükşor-Zabrat-Sumqayıt və Böyükşor-Suraxanı-Qala-Dübəndi istiqamətində qatarların hərəkət etdiyini deyib. Onun sözlərinə görə, hazırda köhnə elektrik qatarlarının yeniləri ilə əvəzlənməsi işləri həyata keçirilir: "Riqadan ikimərtəbəli yeni elektrik qatarları alırıq. Bu yöndə iş gedir".

Qeyd edək ki, Bakıdan Sumqayıta gedən elektrik qatarının paytaxtdan başlanğıc istiqaməti Bakı vağzalıdır. Yeni istifadəyə verilən elektrik qatarı Keşlə, Biləcəriyə, oradan da Sumqayıta yola düşür. Əhali bu qatarların Fatmayı, Goradil bağları istiqamətində nə zaman hərəkət edəcəyi ilə maraqlanır. N.Əzməmmədov bildirib ki, hazırda Bakı-Sumqayıt elektrik qatarı yarımdairə üzrə hərəkət etdiyinə görə bağlara gedib çıxmır. Dairəvi hərəkət bərpa olunduqdan sonra qatar həmin istiqamətə də gedəcək: "Gələcəkdə qatar təkcə Bakı-Sumqayıt üzrə yox, dairəvi hərəkət edəcək, o zaman bağlarda yaşayan sərnişinlərin də elektrik qatarlarına tələbatı təmin olunacaq".

Bütövlükdə, Bakıətrafı kənd və qəsəbələrə elektrik qatarlarının hərəkəti tam bərpa olunsa, bu, paytaxtda tıxacların azalmasında nə kimi rol oynayacaq?

Məsələyə münasibət bildirən "Təhlükəsiz Yol" Alyansının koordinatoru Şahin Camalovun fikrincə, elektrik qatarları tam bərpa olunduqdan sonra istər tıxaclar, istərsə də sərnişin sıxlığı xeyli azalacaq: "Ümumən elektrik qatarları bir sıra parametrlərə görə üstün xüsusiyyətə malikdir. Təhlükəsizlik, rahat xidmət, iqtisadi və ekoloji baxımdan elektrik qatarları çox əlverişlidir. Elektrik qatarlarından istifadə ona görə təhlükəsizdir ki, yol qəzalarına düşmə risqi aşağıdır, yollarda tıxac olmadığına görə sərnişin getdiyi ünvana vaxtında çatır. Sərnişinlər istər işə gedəndə, istərsə də işdən qayıdanda vaxt itkisi ilə üzləşmir. Halbuki, sərnişinlər avtomobil nəqliyyatından istifadə edərkən məhz həmin saatlarda daha çox vaxt itkisi ilə üzləşir. Digər tərəfdən, bu nəqliyyat vasitəsi iqtisadi baxımdan rentabellidir. Bir çox inkişaf etmiş ölkələr elektrik qatarlarının xidmətindən geniş səviyyədə istifadə edir. O baxımdan bu xidmətdən sərnişinlər niyə də istifadə etməsin?! Başqa bir tərəfdən, aztəminatlı ailələr üçün də bu, sərfəli nəqliyyat vasitəsidir. Hesab edirəm ki, bu istiqamətdə işləri daha da sürətləndirmək lazımdır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...