İdris Mehdiyevin bizləri tərk edib getdiyindən qırx gün keçdi...

Tarix: 19.12.2015 / 02:06
Bölmə: Sosial

Milli estradamızın önəmli isimlərindən biri idi... Onun haqqında danışmaq müqəddəs, əziz mövzudan danışmaq qədər məsuliyyətlidir. Söhbət respublikanın əməkdar artisti İdris Mehdiyevdən gedir. Onu yaxından tanımağım Tanrının mənə bəxş etdiyi böyük lütfü idi. Və bu gözəl insanı, təpədən dırnağa ziyalı olan İdrisi (rəsmiyyəti sevməzdi, hamımız ona belə müraciət edərdik) sevməmək mümküm deyildi.

Nə yalan deyim, qohumluq əlaqəmiz də var. Sənət, sənətkarlıq, mədəniyyətimiz, mənəvi dəyərlərimiz haqda, çoxlarından fərqli olaraq, az danışar, lakin yüksək mənəvi keyfiyyətlərin bütün atributlarını özündə cəmləşdirmişdi, həm yaşam tərzində, həm də sevib-seçdiyi sənətində. Yalan, özünüreklam, təkəbbürlük xəstəliyinə tutulmadı. Heç yerdə musiqimizi uğurla təmsil etdiyi xarici səfərlərindən, xarici ölkə mətbuatında haqqında yazılan dəyərli yazılardan danışmağı xoşlamazdı. Ona xoşbəxt ulduz altında doğulan insan deyirdi hamı. Yaraşıqlı siması, gözəl səsi, iki qız övladı (Gülşən və Günay), sevimli nəvələri, ömrünün son dəqiqələrinə qədər, məhz son dəqiqələrinə qədər sevdiyi gözəl xanımı, Məhəbbət xanımı var idi...

Xatirələr çox, lap çoxdur. Ancaq İdrisin adı çəkiləndə ilk ağlıma gələn uzun illər öncə Naxçıvanda bir dostunun toy məclisində (O heç vaxt pulla toylara getmədi. Hətta ən çətin maddi durumda olan vaxtlarda belə.) iştirakından sonra ildırım sürətilə "Rəşid Behbudov Naxçıvandadır" xəbərinin hər yana yayılması oldu. Bu hadisədən nəinki yarınmadı, əksinə, daxilindəki təvazökarlıq hissi o qədər güc gəldi ki, heç vaxt bu haqda danışmadı.

Onu sevdiyim, sənətinə, səsinə vurğunluğum qədər içimi ağrıdan məqamlar da az deyil. Uzun illər dövlət xor orkestrində əsl sənət fədaisi kimi ömrünü musiqiyə həsr edən İdris Mehdiyev özü haqda hər zaman sussa da, ən azından, bu il ömrünün 75-ci baharında lazımi qiymətini almalı idi... "Sənə də qalmaz", "Ay gilavar","Sevgilim","Kəndimiz" kimi milli estradımızın seçmə mahnılarını tək bircə dəfə dinləmək kifayətdir, tək bircə dəfə... O səs sizin əbədi yol yoldaşınız olacaq.

Bu dünyadan bir İdris keçdi...

Bir dəfə də çox çətinliklə müsahibə hazırlamışdım. O kiçik müsahibəsində bir kəlmə də özünəvurğunluq ifadə edən fikir söyləmədi. Əksinə, bir neçə dəfə "Sizin sənətiniz göz qabağında, bəlkə bir qədər zəmanəyə uyğun hərəkət etmək lazımdır" sualıma qısa və konkret cavab vermişdi: "Sənət üçün, həqiqi sənət üçün heç kəsə boyun əyilməz. Rəşid Behbudov məktəbi keçən sənətçi fəxri ad üçün kimsəyə əyilməz". Əksinə, qətiyyətlə bu gün musiqi mədəniyyətimizdə baş alıb gedən bir çox neqativ halları dilə gətirərək, "deyəsən dəmir senzuraya keçmək lazım gələcək" deyə problemlərdən danışdı.

10.11.2015-ci il tarixində ayrıldı bizdən. Hamı kimi mən də özümə yer tapa bilmirdim. Axşam Məhəbbət xanım aylardır hazırladığı tədbirdən evə dönərkən, ayrılıq həsrətini duyurmuş kimi, son dəfə baxdı və baxışları ilə sanki beləcə bu dəfə öz bəstəsi kimi oxudu...

Əlimdən qopan əllərin

Bir də gəlməz əlimə.

Haçan keçdi bu ömrümüz,

Nə qaldı ki ölümə...

Jalə Cəfərova,

Milli Mədəniyyətin Təbliği İctimai Birliyinin rəhbəri

PS. Hər səhər onun lent yazılarını dinləməmiş evdən çıxmır Məhəbbət xanım. Bu sevginin adı nədir, özü bilir...

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...