İctimai yerlərdə ucadan danışmaq vərdişinin sonu çatır

Tarix: 16.12.2015 / 01:34
Bölmə: Sosial

Aytəkin Kamranqızı: "Məişət səs-küyünə qarşı mübarizə qaydalarının pozulmasına görə cərimələrin artırılması düzgün qərardır"

"Küçələrdə, istirahət yerlərində, ictimai məkanlarda və yaşayış evlərinin yanında səs-küy salanlar mütləq cəzalandırılmalıdır"

Azərbaycanda küçələrdə, istirahət yerlərində, ictimai yerlərdə və yaşayış evlərinin yanında gecə vaxtı səs-küy salanlara, vətəndaşların istirahətinə mane olanlara qarşı cəzalar sərtləşdirilir. Bu, İnzibati Xətalar Məcəlləsinə dəyişikliklər layihəsində öz əksini tapıb.

Yeni layihənin 520-ci maddəsinə görə, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə saat 00.00-dan səhər saat 07.00-dək səs-küy salmağa, ucadan mahnı oxumağa, musiqi alətlərini ucadan çalmağa, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə fiziki şəxslər 300 manatdan 400 manata qədər, vəzifəli şəxslər 2500 manatdan 3500 manata qədər cərimə olunacaq.

Hazırda qüvvədə olan maddəyə görə isə, belə hallarda xəbərdarlıq olunur və ya 30 manatdan 50 manata qədər miqdarda cərimə tətbiq edilir.

Azərbaycan Prezidenti tərəfindən təqdim olunan İnzibati Xətalar Məcəlləsinə dəyişikliklər layihəsi Milli Məclisin plenar iclasına tövsiyə olunub və növbəti iclasda müzakirəyə çıxarılacaq. Yeni layihə qəbul olunacağı halda 2016-cı il mayın 1-dən qüvvəyə minəcək.

Qeyd edək ki, xarici ölkələrdə ictimai yerlərdə yüksək səs tonu ilə danışanlara, o cümlədən, insanların istirahətinə mane olan səs-küyün yaradılmasına görə qanunvericiliyin tələbinə uyğun olaraq cəzalar müəyyənləşib. Həmin cəzalar belədir ki, ilk olaraq ictimai yerdə yüksək səslə danışanlara və ya səs-küy yaradanlara xəbərdarlıq olunur. Əgər həmin adam ona edilən xəbərdarlığa əhəmiyyət verməzsə, o zaman qəsdən insanların istirahətini pozan şəxs müəyyən məbləğdə ya cərimələnir, ya da inzibati qaydada məsuliyyətə cəlb olunur.

Ekspertlər hesab edir ki, belə bir qaydanın Azərbaycanda da tətbiq olunması təqdirəlayiq qərardır. Onların fikrincə, belə bir qərar təkcə 00.00-dan səhər saat 07.00-dək deyil, günün bütün saatlarına şamil olunmalıdır.

Sosioloq Aytəkin Kamranqızı bizimlə söhbətində bildirdi ki, məişət səs-küyünə qarşı mübarizə qaydalarının pozulmasına görə cərimələrin artırılmasının tərəfdarıdır: "Bəzi şəxslər bilərəkdən ictimai yerlərdə ya yüksək səslə danışır, ya da səsgücləndiricilər vasitəsilə ətrafdakıları narahat edir. İnsanlar gərgin iş günündən sonra axşam evində və ya hansısa ictimai obyektdə istirahət etmək istəyir. Bu zaman həmin şəxsin qonşuları axşam saat 21:00-dan sonra ya mənzildə təmir işi ilə məşğul olacaq, ya da televizorun səsini yüksək edəcəklər. Həmçinin, kafe və ya restoranlarda insanların normal istirahət etməsi mümkün deyil. Elə yerlər var ki, insanlar ora sırf dincəlmək məqsədilə gedir. O zaman həmin məkanda olan bəzi şəxslər yüksək səslə elə danışır ki, yan masadakılar istəməyərəkdən bunu eşidir. İctimai yerlərdə yüksək səslə danışmaq kobudluq əlamətidir. Bu cür xoşagəlməz hərəkətə yol verənlər mütləq cəzalandırılmalıdır".

Həmsöhbətimiz onu da əlavə etdi ki, küçələrdə, istirahət yerlərində, ictimai məkanlarda və yaşayış evlərinin yanında səs-küy salanlar mütləq cəzalandırılmalıdır: "Bu qaydalar qəbul olunarsa, insanlar bir-birinə hörmətlə yanaşar".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...