"BakuBus"da sərnişin böhranı...

Tarix: 16.12.2015 / 01:52
Bölmə: Sosial

Şahin Camalov: "BakuBus" avtobuslarının kartla işləməsi də sərnişinlərin sayının az olmasına təsir edir"

"Ümid edirəm ki, "BakuBus" avtobusları yaxın zamanlarda özünü doğruldacaq və sərnişinlər bu nəqliyyat vasitəsinə daha çox üstünlük verəcək"

Bakıda ictimai nəqliyyatda yaşanan problemlər hər kəsə bəllidir. Sürücülərin yersiz hərəkətləri, planı ödəyə bilmək üçün "avtoş"luq etməsi, intervalda geri qalmamaq üçün bir-biri ilə yarışması, dayanacaqdan kənar saxlayıb sərnişin götürməsi hər kəsə bəllidir.

Bu cür xoşagəlməz halların yaşanmaması üçün Bakıya yeni iritutumlu avtobuslar gətirildi. Həmin avtobuslar "BakuBus" MMC-yə məxsusdur.

Məlumat üçün bildirək ki, "BakuBus" MMC Nazirlər Kabinetinin 3 aprel 2014-cü il tarixli Qərarına əsasən, Bakı Şəhər İcra Hakimiyyətinin tabeliyində yaradılıb. Bu şirkətin əsas məqsədi Bakı şəhərində sərnişinlərə avtobus nəqliyyatı sahəsində beynəlxalq standartlara uyğun xidmətin təşkili, bu sahənin müasir tipli nəqliyyat vasitələri ilə təchiz edilməsi, sərnişindaşımanın yerinə yetirilməsi zamanı texniki və ekoloji baxımdan təhlükəsizliyin təmin olunmasıdır.

Artıq paytaxt küçələrində adıçəkilən şirkətə məxsus avtobusları görmək mümkündür. Bakı əhli isdədikləri ünvana çatmaq üçün bu marşrut xəttindən də istifadə edir.

Yayılan məlumatlara görə, "BakuBus" avtobuslarında sərnişinlərin sayı azdır.

"BakuBus" MMC-nin mətbuat xidmətinin rəhbəri Nuridə Allahyarova mediaya açıqlamasında deyib ki, bəzi marşrut xətlərində "BakuBus" MMC-nin avtobuslarının sərnişinlərlə tam dolmamasının səbəbi həmin avtobusların kartla işləməsidir: "Bakıda ilk dəfədir kart sistemi ilə işləyən avtobuslar fəaliyyət göstərir. Kart sisteminə keçid həm çətin, həm də vaxt alan prosesdir. Cəmiyyətimiz tam olaraq kart sisteminə adaptasiya olmayıb. Ona görə də avtobusların sərnişinlərlə dolmasında bir qədər problemlər yaşayırıq. Amma insanların hamısında kart olandan sonra bu problem də öz həllini tapacaq".

"Təhlükəsiz Yol" Alyansının koordinatoru Şahin Camalov "Bakı-Xəbər"ə açıqlamasında qeyd etdi ki, "BakuBus"dan sərnişinlərin az istifadə etməsinin bir neçə səbəbi var: "Həmin avtobusların yeni olması sərnişinlərin sayına təsir edir. Ola bilsin ki, bəzi marşrut xətləri elə istiqamətdə hərəkət edir ki, o əraziyə gedib-gələn sərnişinlərin sayı azdır. Məncə, əhalinin daha çox toşlaşdığı istiqamətlərdə bu avtobuslar xəttə buraxılmalıdır".

Həmsöhbətimiz onu da əlavə etdi ki, "BakuBus" avtobuslarının kartla işləməsi də sərnişinlərin sayının az olmasına təsir edir: "İctimai nəqliyyat olan avtobuslarda kart məhz "BakuBus"da tətbiq olunub. Sərnişinlər zamanla avtobusun kartla işləməsinə uyğunlaşacaq. Ümid edirəm ki, "BakuBus" avtobusları yaxın zamanlarda özünü doğruldacaq və sərnişinlər bu nəqliyyat vasitəsinə daha çox üstünlük verəcək".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...