Qanunsuz tibbi fəaliyyətə qarşı ölkədə böyük yürüş başlayır

Tarix: 15.12.2015 / 01:25
Bölmə: Sosial

Rasəf Bağırov: "Tibbin xüsusilə də spesifik sahə olduğunu nəzərə alsaq, onda bu cəzalar daha sərt formada olmalıdır"

"Belə hallarla məşğul olanlar birbaşa cinayət məsuliyyətinə cəlb edilməlidir"

Azərbaycanda xüsusi razılıq (lisenziya) olmadan özəl tibbi fəaliyyətlə və ya əczaçılıqla məşğul olmağa görə cərimələr 60 dəfəyədək artırılaraq 30 min manatadək yüksəldilir. Milli Məclisdən verilən məlumata görə, bu məsələ İnzibati Xətalar Məcəlləsinə dəyişikliklər layihəsinə daxil edilib.

Hazırkı Məcəlləyə əsasən, qanunsuz olaraq özəl tibbi fəaliyyətlə məşğul olanlar üçün 300 manatdan 500 manatadək məbləğdə cərimə tətbiq edilir.

Yeni layihəyə görə, lisenziyasız özəl tibbi fəaliyyətlə və ya əczaçılıqla məşğul olmağa görə fiziki şəxslər 2000 manatdan 3000 manatadək, vəzifəli şəxslər 5000 manatdan 10000 manatadək, hüquqi şəxslər 20000 manatdan 30000 manatadək cərimələnəcək.

Qeyd edək ki, bu hallarla bağlı əvvələr də qanunvericilikdə cəzalar nəzərdə tutulub. Ancaq cərimə məbləğləri az olduğundan, bu tip qanunsuz fəaliyyətlərin kökü birdəfəlik kəsilmirdi.

Apardığımız araşdırma nəzticəsində müəyyən etdik ki, bir neçə ay əvvəl Səhiyyə Nazirliyi bu istiqamətdə bəzi faktlar aşkarlayıb. Həmin vaxt nazirliyin yaydığı məlumatda bildirilirdi ki, özəl tibb müəssisələri tərəfindən göstərilən tibbi xidmətin keyfiyyətinin yaxşılaşdırılması və qanunsuz tibbi xidmətlərin göstərilməsinin vaxtında qarşısının alınması istiqamətində keçirilən yoxlamalar zamanı bəzi özəl tibb müəssisələrində qanun pozuntuları aşkar olunub və bir sıra sahibkarlıq subyektləri barəsində inzibati-məcburedici tədbirlər görülüb: "Belə ki, 2015-ci ilin birinci yarımilliyində aparılmış yoxlamalar nəticəsində 6 özəl tibb müəssisəsinin ("VİP Dental" MMC, "Loğman Klinikası" MMC, "İnvitro" MMC, "Starmed" MMC, "Faiq-96" müəssisəsi, "Nihat Klinikası" MMC) fəaliyyəti (müəyyən olunmuş tarixədək) dayandırılıb.

3 özəl tibb müəssisəsinə ("Zaman Tibb Mərkəzi" MMC, "Assmed" MMC, "Medservis" Özəl Tibb Mərkəzi) verilmiş xüsusi razılığın (lisenziyanın) əlavəsindən stasionar xidmət tam çıxarılaraq yalnız poliklinik xidmət saxlanıb.

Lisenziya olmadan və ya lisenziyadan kənar fəaliyyət göstərdiklərinə görə 28 özəl tibb müəssisəsi və tibbi xidmət göstərən fiziki şəxslər barəsində İnzibati Xətalar Məcəlləsinin müvafiq olaraq 64.1-ci və 65-3.1-ci maddələrinə uyğun olaraq cərimə tətbiq edilib".

Görünür, qanunvericiliklə nəzərdə tutulan cərimələrin miqdarı az olduğundan, həmin istiqamət üzrə cərimələrin sərtləşdirilməsi zərurəti yaranıb. Edilən əlavələrə görə, belə fəaliyyətlə məşğul olanlar 30 min manata kimi cərimə edilə bilər. Cərimələrin artırılması bu cür fəaliyyətin qarşısını ala biləcəkmi?

Tibb eksperti Rasəf Bağırov qəzetimizə açıqlamasında bildirdi ki, icazəsiz tibbi fəaliyyətlə məşğul olmağa görə cərimələrin sərtləşdirilməsi təqdirəlayiqdir: "İnsan qanusuz fəaliyyətlə məşğul olursa, deməli, cinayət edir. Cinayətə görə isə cəza nəzərdə tutulmalıdır. Tibbin xüsusilə də spesifik sahə olduğunu nəzərə alsaq, onda bu cəzalar daha sərt formada olmalıdır. Nəzərə alın ki, bu məsələnin kökündə insanın sağlamlıq amili durur. Tibbin spesifik sahə olmasını əsas götürsək, onda belə halların İnzibati Xətalar deyil, Cinayət Məcəlləsi ilə cəzalandırılması yaxşı olardı. Mən yeni cərimələri az hesab edirəm.

Belə hallarla məşğul olanlar birbaşa cinayət məsuliyyətinə cəlb edilməlidir. Satistikaya baxsaq, nə qədər adamın belə əməllərə görə həyatını itirdiyi, şikəst edildiyinin şahidi olarıq. Tibbi sahədə heç bir savadı olmayan işbazlar müxtəlif şirnikləndirici reklam vasitələri ilə insanların həyatı, sağlamlığı ilə manipulyasiya edərək pul qazanır. Bu səbəbdən də analoji hallarla mübarizə sahəsində sərt qanunların tətbiqi hələ bir qədər gecikib".

Məhəmmədəli QƏRİBLİ

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...