Övladına normal təlim-tərbiyə verməyən valideynlərin də cəriməsi artırılır

Tarix: 12.12.2015 / 00:50
Bölmə: Sosial

Könül Vaqifqızı: "Övladlarına düzgün tərbiyə verə bilməyən valideynlərə qarşı cərimənin məbləği daha da artırılmalıdır"

"Uşaqların hüquqlarının pozulmasına

və nəzarətsiz qalan uşaqların atdığı xoşagəlməz addımlara görə valideynlərlə yanaşı, cəmiyyət də böyük məsuliyyət daşıyır"

Azərbaycanda yetkinlik yaşına çatmayanların tərbiyə və təlimi vəzifələrini lazımınca yerinə yetirməyən valideynlər üçün müəyyən edilən cərimənin məbləği artırılır.

Milli Məclisin Ailə, qadın və uşaq məsələləri komitəsinin son iclasında İnzibati Xətalar Məcəlləsinin 51-ci maddəsinin yeni redaksiyada verilməsi təklif edilib. Belə ki, Azərbaycanda yetkinlik yaşına çatmayanların tərbiyə və təlimi vəzifələrinin valideynlər və ya onları əvəz edən şəxslər tərəfindən üzrlü səbəblər olmadan yerinə yetirilməməsinə və ya lazımınca yerinə yetirilməməsinə görə onlara xəbərdarlıq ediləcək və ya onlar 40 manatdan 60 manatadək miqdarda cərimə ediləcək. Hazırda bu maddədə "üzrlü səbəblər" xüsusi olaraq qeyd edilməyib. Eyni zamanda, hazırkı Məcəlləyə görə, yetkinlik yaşına çatmayan uşaqların tərbiyə və təlimi vəzifələrinin valideynlər və ya onları əvəz edən şəxslər tərəfindən yerinə yetirilməməsinə və ya lazımınca yerinə yetirilməməsinə görə xəbərdarlıq edilir və ya iyirmi manatdan qırx manatadək miqdarda cərimə edilir. Qanun layihəsinə görə, yetkinlik yaşına çatmayanların tərbiyəsi, təhsili və ya saxlanması üzrə öz vəzifələrini üzrlü səbəblər olmadan yerinə yetirmədikdə və ya onların davranışına mənfi təsir göstərdikdə, yaxud onlarla qəddar rəftar etdikdə valideynlər və ya digər qanuni nümayəndələr barəsində də fərdi profilaktik iş aparılır. Layihəyə əsasən, yetkinlik yaşına çatmayanların təlim-tərbiyəsi və saxlanması sahəsində öz vəzifələrini üzrlü səbəblərdən icra etməyən, yaxud onların davranışına mənfi təsir göstərən valideynlər və ya digər qanuni nümayəndələr barəsində intizam təsir tədbirləri tətbiq edilir. Qeyd edək ki, layihələrin Milli Məclisin plenar iclasına müzakirə üçün təqdim edilməsi qərara alınıb

Ekspertlər hesab edir ki, bu dəyişikliklər valideynlərin məsuliyyətini daha da artıracaq. Psixoloq Könül Vaqifqızı bizimlə söhbətində qeyd etdi ki, bu gün uşaq problemlərinin həlli ictimaiyyət üçün prioritet olmalıdır. Bu gün hara getsək, küçələrdə dilənən, nəzarətsiz qalan uşaqları görürük. Azərbaycanda yetkinlik yaşına çatmayan uşaqların təlim-tərbiyə vəzifələrini lazımınca yerinə yetirməyən valideynlərə və onları əvəz edən şəxslərə qarşı cəzaların daha da sərtləşdirilməsinə bu gün çox ehtiyac var və hətta deyərdim ki, belə bir layihə çoxdan qəbul olunmalı idi. Hesab edirəm ki, övladlarını nəzarətsiz buraxan və onların əməyindən sui-istifadə edən, uşaqları təhsildən yayındıran valideynlər cinayət məsuliyyəti daşımalıdır. Bu çox lazımlıdır". Həmsöhbətimizin sözlərinə görə, uşaqların hüquqlarının pozulmasına və nəzarətsiz qalan uşaqların atdığı xoşagəlməz addımlara görə valideynlərlə yanaşı, məktəb və cəmiyyət də böyük məsuliyyət daşıyır: "Uşaq məktəbdən başqa özünü heç yerdə görmürsə, asudə vaxtını səmərəsiz keçirirsə, təbii ki, cəmiyyətdə problem olacaq. Uşaqlar üçün dərnəklər, idman klubları olmadığı üçün uşaqlar özlərini ya küçələrə, ya da internet kafelərə atır. Beləcə, uşaq cinayətkarlığı üçün rəvac yaranır. Mənə elə gəlir ki, həmin təkliflər paketinə müəllim məsuliyyəti və bütünlükdə təhsil sistemi ilə bağlı təkliflər əlavə olunmalıdır.

Valideynlər tərbiyəli uşaq böyütmək üçün dərsdən əlavə kitab oxumağı, rəsm çəkməyi öyrətməli, musiqiyə alışdırmalıdır. Cəmiyyətdə davranış qaydalarını aşılamalıdır. Bütün gün dava, qırğın olan evdə böyüyən uşaqdan nə tərbiyə gözləmək olar axı? Uşağın beyni ağ səhifədir, valideyn nə tökür, onlar da yığır. Bu mənada uşaqların atdığı hər addıma görə valideyn məsuliyyət daşıyır. Tərbiyəli övlad böyüdən ailəyə "bərəkallah", tərbiyəsiz uşaqların valideynlərinə isə cinayət məsuliyyəti düşməlidir. Hər iki halda bunu özləri qazanıblar".

K.Vaqifqızı hesab edir ki, övladlarına düzgün tərbiyə verə bilməyən valideynlərə qarşı cərimənin məbləği daha da artırılmalıdır.

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...