İşçini seksual qısnamaya təhrik edən müdirlərin də cəzası ağırlaşdırılır

Tarix: 12.12.2015 / 01:06
Bölmə: Sosial

Mehriban Zeynalova: "İşçini seksual qısnamaya təhrik etdiyi üçün işəgötürən qanunvericiliyin tələbinə uyğun olaraq cəzalandırılmalıdır"

"Seksual qısnamaya görə işəgötürəndən şikayət edən işçiyə qarşı təzyiqin göstərilməsinə görə 1500 manatdan 2500 manata qədər cərimənin tətbiq olunması düzgün qərardır"

Heç kimə sirr deyil ki, bu gün iş axtaran əhalinin cüzi hissəsi tezliklə iş tapa bilir ki, bunun da bir qismi gənc qızlar və qadınlardır. Küçədə, meydanlarda, nəqliyyatda tez-tez rast gəldiyimiz, müxtəlif sahələrdə iş yerlərinin təklif olunduğu elanların böyük əksəriyyətində bir şərt qoyulur- gənc qızlar tələb olunur.

Aydın məsələdir ki, belə elanlarla işəgötürən işçiyə bacarığına görə deyil, başqa kriteriyalar üzrə qiymət verir.

Yayılan məlumatlara görə, belə iş yerlərində qadınlar cinsi istismara təhrik edilir. Mütəxəssislər deyir ki, son illər iş yerlərində qadınların cinsi əlaqəyə təhrik edilməsi (seksual qısnama) hallarına tez-tez rast gəlinir. Əvvələr bu say az olsa da, indi bu şikayətlə qadın təşkilatlarına müraciət edənlərin sayı artır.

Cinsi əlaqəyə təhrik edilənlərin iş yerləri isə müxtəlif olur. Əgər cinsi əlaqəyə təhrik edilən qadın təklifi qəbul etmirsə, ən yaxşı halda, iş yerini itirməli olur.

Acınacaqlısı odur ki, əksər hallarda seksual qısnamaya məruz qalan qadınlar işlə imtahana çəkilir. Onların qarşısında konkret şərt qoyulur: "ya təklifi qəbul etməlisən, ya da işdən qovulursan".

Qeyd edək ki, "Gender bərabərliyinin təminatları haqqında" Qanunla işəgötürənin işçini seksual qısnamaya məruz qoyması qadağan edilib. Avropa ölkələrində iş yerlərində cinsi istismara təhrik edilən qadınları müdafiə edən qanunlar var. İş yerində qadına cinsi əlqəyə girmək təklif olunursa, o, müvafiq quruma müraciət edə bilər. Fakt sübut olunsa, qarşı tərəf məsuliyyətə cəlb edilir.

Azərbaycanda da işəgötürüləni seksual təzyiqə məruz qoymağa görə sərt cəzalar müəyyənləşdirilir. İnzibati Xətalar Məcəlləsinin yeni hazırlanmış 205-ci maddəsinə görə, seksual qısnamaya görə işəgötürəndən və ya rəhbərindən şikayət etmiş işçiyə qarşı təzyiqin göstərilməsinə və ya işçinin təqib olunmasına görə vəzifəli şəxslərə 1500 manatdan 2500 manata qədər cərimə tətbiq ediləcək. Bununla bağlı hazırkı cərimələr 70 manatdan 90 manata qədərdir.

Azərbaycan Prezidenti tərəfindən təqdim olunan yeni layihə Milli Məclisin plenar iclasına tövsiyə olunub.

"Təmiz Dünya" Qadınlara Yardım İctimai Birliyinin sədri Mehriban Zeynalova hesab edir ki, Azərbaycanda qadınların iş yerlərində cinsi istismara təhrik edilməsi problem adlandırılacaq səviyyədə deyil: "Hər hansı hüquq pozuntusu, o cümlədən cinsi istismara təhrik zamanı da hər bir insan, həmçinin qadınlar da hüquq-mühafizə orqanlarına müraciət edə bilər. Bununla bağlı qanunlarda boşluq yoxdur. Şəxs polisə, prokurorluğa müraciət edir, ekspertiza aparılır, qarşı tərəf də yoxlanır və fakt təsdiqlənirsə, təhrikçi şəxs cinayət məsuliyyətinə cəlb edilir. Bu məsələdə çətinlik ondadır ki, mütləq sübut təqdim olunmalıdır, şahid olmalıdır. Amma istismara məruz qalan qadın belə müraciət etməyə maraq göstərmir. Yaxud polisə gec müraciət edir. O zaman müraciət edir ki, artıq sübutlar itib. Tutalım, bu, mobil telefona göndərilən mesajdır, telefon zəngləridir və sair. Bunun üstündən xeyli vaxt ötüb və sübutları təqdim etmək artıq mümkün deyil. Şahid məsələsində də çətinlik yaranır. İnsanlar şəxsi maraqlarını güdərək, deyək ki, müəssisə rəhbərinə qarşı şahidlik etmək istəmir. İş yerini itirmək təhlükəsi var və sair. Ona görə də qarşı tərəfi məsuliyyətə cəlb etmək çətinləşir. Ola bilsin ki, cinsi istismara təhrik edilən qadın bunu bildiyindən, müraciət etməyə həvəsli olmur. Digər tərəfdən, etiraf etməliyik ki, idarə, müəssisə rəhbərinin qadına bu cür əxlaqsız təklif irəli sürməsinə bəzən qadınlar özü əsas verir. Hərçənd, qanunda göstərilir ki, heç bir şəxsin davranışı ona qarşı neqativ hərəkətə təhrik edə bilməz. Qanun buna imkan vermir.

Amma bu da faktdır ki, bizim bəzi gənc qızlarımız işə düzəlmək istəyəndə təhsilini, işlə bağlı peşəkarlığını deyil, xarici görkəmini ön plana çıxarır. Elə bil onlar işləməyə yox, moda nümayiş etdirməyə hazırlaşır. Savadları, bacarıqları ilə deyil, xarici görkəmləri hesabına iş tapmağı və işdə qalmağı düşünürlər. Belə olan halda, nə qədər qanunsuz olsa da, onlara müxtəlif təkliflər gəlməsi və təhrik edilmələr də, təəssüf ki, təbii görünür. Qoy qadınlar məndən inciməsin, amma bir qisim qadın var ki, buna özü şərait yaradır. Təbii ki, biz hamını nəzərdə tutmuruq. Əxlaqsız rəhbərlər də var. İstənilən halda, şəxsin müraciəti əsasdır. Problem burasındadır ki, qadın işini itirməmək üçün əvvəlcə susur, qınaq obyektinə çevriləcəyindən ehtiyat edir. İşdən çıxarılandan sonra, ya da təhriklər intensivləşdikdən sonra müraciət edir. Əslində isə qadın bu proses başlayan andan hüquqlarının müdafiəsinə qalxmalıdır. Belə hallar üçün polis var, həmkarlar ittifaqları var. Kollektivdə birlik olmalıdır. Hamı birləşib bu faktı ifşa etməlidir və həmin təhrikçi şəxs də ictimai qınaq obyektinə çevrilməlidir, onun məsuliyyətə cəlb edilməsinə nail olunmalıdır. İstənilən halda, müraciətin predmeti olmalıdır. Çünki sui-istifadə hallarının olması da mümkündür".

Həmsöhbətimiz onu da əlavə etdi ki, işəgötürən işçini seksual qısnamaya təhrik etdiyi üçün qanunvericiliyin tələbinə uyğun olaraq cəzalandırılmalıdır. Onun fikrincə,

seksual qısnamaya görə işəgötürəndən və ya rəhbərindən şikayət edən işçiyə qarşı təzyiqin göstərilməsinə və ya işçinin təqib olunmasına görə vəzifəli şəxslərə 1500 manatdan 2500 manata qədər cərimənin tətbiq olunması düzgün qərardır.

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...