"Donuz qripi" təhlükəsi bizim üçün bu qədər realdır ki...

Tarix: 11.12.2015 / 01:20
Bölmə: Sosial

Adil Qeybulla: "Vətəndaşlarımız qonşu ölkəyə səfər edərkən tibbi maskalardan istifadə etsin"

"Donuz qripi" tənəffüs yollarının xəstəliyidir"

"Donuz qripi" bir addımlığımızdadır. Cənub qonşumuz İranda "donuz qripi" yayılıb. Yayılan məlumatlara görə, İranda "donuz qripi" Azərbaycan sərhədlərinə yaxınlaşır. Belə ki, artıq Xəzər dənizi sahilində yerləşən Mazandaran əyalətində 5 nəfər "donuz qripi" diaqnozu ilə xəstəxanaya yerləşdirilib.

Bu barədə İran mediası xəbər verir. Mazandaran Tibb Universitetinin rektor müavini doktor Möhsin Ərabi deyib ki, hər gün bir və ya iki nəfər "donuz qripi" ilə bağlı müraciət edir: "İndiyədək bu qripə görə Mazandaran əyalətində ölüm halı olmayıb və qrip artıq nəzarətə götürülüb".

M.Ərabi onu da əlavə edib ki, qripə yoluxmuş xəstələrin hamısı müalicə aldıqdan sonra evə buraxılıb və həkim nəzarətindədir.

Qeyd edək ki, İranda "donuz qripi"ndən son üç həftədə 40 nəfər ölüb. 35 nəfər Kirman əyalətində, 5 nəfər isə Sistan-Bəlucistan əyalətində həyatını itirib.

Xatırladaq ki, Azərbaycanda "donuz qripi" xəstəliyinə qarşı profilaktik tədbirlərə başlanıb. Səhiyyə naziri Oqtay Şirəliyev son günlər Azərbaycanla həmsərhəd olan İran İslam Respublikasında donuz qripinin yayılması ilə əlaqədar ölkəmizdə bu xəstəliyə qarşı profilaktik tədbirlərin gücləndirilməsi məqsədilə əmr imzalayıb.

Səhiyyə Nazirliyinin mətbuat xidmətindən verilən məlumata görə, əmrdə respublikanın bütün tibb müəssisələrinin rəhbərlərinə "donuz qripi" xəstəliyi barədə tibb işçilərinin məlumatlandırılmasının təminatı tapşırılır. Eyni zamanda, qripə şübhəli şəxslərin, xüsusən uşaqların və yaşlı əhalinin hospitalizasiyası üçün xüsusi palataların ayrılması, lazım gəldikdə tibb müəssisələrində məhdudlaşdırıcı rejimin tətbiqi, tibb personalının fərdi qoruyucu vasitələrlə təmin edilməsi, dezinfeksiya işlərinin aparılmasına xüsusi diqqət yetirilməsi sənəddə öz əksini tapıb.

Əmrdə ağır kəskin respirator xəstəlik halları baş verdiyi halda dərhal yerli gigiyena və epidemiologiya mərkəzlərinə məlumat verilməsi, şübhəli şəxslərdən götürülmüş nümunələrin Respublika Taun Əleyhinə Stansiyaya çatdırılması, gigiyena və epidemiologiya mərkəzlərinə əhalinin kütləvi məskunlaşdığı yerlərdə dezinfeksiya rejiminə ciddi riayət edilməsinə dair nəzarətin gücləndirilməsi tapşırılıb.

Sənəddə bildirilir ki, yoluxucu xəstəliklərin profilaktikasında şəxsi gigiyenanın gözlənilməsinin vacibliyi barədə əhali arasında maarifləndirmə işləri aparılmalı, ağır formalı qrip xəstələrinin hospitallaşdırılması üçün mənfi təzyiqli bokslar tam hazır vəziyyətə gətirilməli, bu bokslar müvafiq qurumlar tərəfindən dərman vasitələri, tibbi ləvazimat və inventarla təchiz edilməlidir.

Nazirliyin məlumatında o da bildirilir ki, ölkədə epidemioloji durum tam stabildir və ciddi nəzarət altındadır. Əhali arasında yoluxma halı və təhlükəli hal müşahidə olunmayıb.

Professor, tibbi ekspert Adil Qeybulla bizimlə söhbətində qeyd etdi ki, ilk növbədə sərhəd-keçid məntəqələrində güclü nəzarət olmalı, həkim-ekspert qrupları çalışmalıdır: "İrandan Azərbaycana gələnlər ciddi şəkildə yoxlanmalı, yoluxma şübhəsi olanlara poliklinikalara müraciət edərək lazımi analizləri verməsi tövsiyə edilməli və belə vətəndaşlar həkim nəzarətindən kənar qalmamalıdır. Virusun əlamətləri yuxarı tənəffüs yollarının xəstəliklərinə oxşar olduğundan, vətəndaşlar çox zaman ciddi əhəmiyyət vermir, adi soyuqdəymə sanıb müalicə olunmağı lazım bilmirlər. Amma adi soyuqdəymə sandığımız xəstəlik ağır fəsadlar verə bilir. Məlumdur ki, İranla Azərbaycan geniş iqtisadi əlaqələrə malikdir. Xüsusilə də sərhəd bölgələrində yaşayan vətəndaşlarımız tez-tez İran ərazisinə keçir. Orada "donuz qripi"nin yayılması rəsmi şəkildə təsdiqlənibsə, vətəndaşlarımız ehtiyatlı olmalıdır. Sanitar-gigiyenik tələblərə diqqətlə yanaşmalıdırlar. Məsləhətdir ki, vətəndaşlarımız qonşu ölkəyə səfər edərkən tibbi maskalardan istifadə etsin. Çünki bu virus hava-damcı yolu ilə yayılır. "Donuz qripi" tənəffüs yollarının xəstəliyidir və H1N1 virusu ilə yoluxma səbəbindən inkişaf edir. Bu virus tipik "donuz qripi" virusundan fərqlənir. Virusun bəzən donuz fermalarında işləyən insanlara yoluxmasına rast gəlinir, amma bu onların həyatı üçün ciddi təhlükə yaratmır. Hətta xəstə insanlardan digərlərinə yoluxma hallarına da az-az rast gəlinir. Amma H1N1 tipik "donuz qripi" viruslarından fərqli olaraq asan və sürətlə yayılır. 2009-cu ilin iyun ayında Ümumdünya Səhiyyə Təşkilatı N1N1 virusunun pandemiyasını rəsmən elan edib. H1N1 virusuna qarşı vaksin işlənib və hazırda bir çox ölkələrdə tətbiq edilir".

Həmsöhbətimizin sözlərinə görə, "donuz qripi"nə yoluxan insanın nəfəs alması, asqırması zamanı virus hava ilə sağlam insanın burun boşluğuna və ya gözlərinə düşə bilər ki, bu da yoluxmanı təmin edir: "Viruslar bərk səthlərdə də qala bilir və belə səthlərə toxunan əllər yuyulmasa, yemək zamanı yoluxma vasitəsi ola bilər. Ona görə də vətəndaşlar hər zaman şəxsi gigiyena qaydalarına riayət etməlidir. Hətta adi vaxtlarda da, heç bir xəstəlik əlaməti yoxdursa belə, evə gələrkən əllərini sabunla yaxşı-yaxşı yumalı, yuyulmamış əllə qida qəbul etməməli, asqırarkən ağzını dəsmalla tutmalı, mümkün qədər ictimai yerlərdə tibbi maskalardan istifadə etməlidirlər. Bununla həm öz sağlamlığını təminat altına alar, həm də ətrafdakıları yoluxma risqindən azad edərlər".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...