İntizamsız şagirdə görə yüz manat ödəyə bilməyən valideynin cəzası...

Tarix: 08.12.2015 / 01:36
Bölmə: Sosial

Musa Quliyev: "Valideyn bilərəkdən cəriməni ödəməzsə, o zaman məktəb rəhbərliyi məhkəməyə müraciət edə bilər"

Rafiq İsmayıl: "Valideyn 100 manat cəriməni ödəyə bilməsə, o zaman o uşaq təhsil almaq hüququndan məhrum olacaq"

Dekabrın 4-də Milli Məclis tərəfindən İnzibati Xətalar Məcəlləsinə orta məktəblərdə dərs buraxan şagirdlərin valideynlərinin 100 manat cərimələnməsinə dair dəyişikliklər qəbul edildi. Artıq Azərbaycanda dünyəvi icbari ümumi orta təhsil üzrə dərs gününün şagird tərəfindən bir ay ərzində 7 gündən çox buraxılmasına görə şagirdlərin valideynlərini 100 manat miqdarında cərimələyəcək orqanlar müəyyənləşdirilib.

Bu,"Azərbaycan Respublikasının İnzibati Xətalar Məcəlləsində dəyişikliklər edilməsi haqqında" Azərbaycan Respublikasının 2015-ci il 4 dekabr tarixli, 32-VQD nömrəli Qanununun tətbiqi barədə Azərbaycan Respublikası Prezidentinin 5 dekabr 2015-ci il tarixli Fərmanında əksini tapıb.

Fərmana əsasən, bu xarakterli inzibati xətalar haqqında işlərə yerli icra hakimiyyəti başçısının şəhər, qəsəbə, kənd və ya sahə inzibati ərazi dairəsi üzrə nümayəndəlikləri baxacaq.

Maraqlıdır, şagird müəyyən səbəblər üzündən dərsə gələ bilməsə və valideynin maddi durumu 100 manatı ödəməyə imkan verməzsə, o zaman məktəblini və valideyni hansı cəza gözləyir?

Qeyd edək ki, banklarda aylıq ödənişi yubandıran və ya ödəməyən şəxslərin girov qismində qoyduğu əmlak əlindən alınır.

Milli Məclisin Sosial Siyasət Komitəsinin üzvü Musa Quliyev "Bakı-Xəbər"ə açıqlamasında qeyd etdi ki, "Təhsil haqqında" Qanunda valideynin məsuliyyəti məsələsi əks olunub: "Bu qanundan irəli gələrək İnzibati Xətalar Məcəlləsinə dəyişiklik olundu. Bütün valideynlər maraqlı deyil ki, onun övladı dərsə getməsin və o əvəzində 100 manat dəyərində cərimə olunsun".

Millət vəkilinin sözlərinə görə, bəzi bölgələrdə xüsusilə də qız uşaqları dərsə göndərilmir: "Bəzi yerlərdə uşaqları təsərrüfat işlərinə cəlb edirlər. Bu kimi mənasız səbəblərə görə uşaqlar təhsildən yayınır. Tətbiq olunan sanksiyalar təhsilə olan qeyri-adekvat münasibətin aradan qalxmasına səbəb olacaq. Həmçinin, valideyn özü məsuliyyətli olacaq ki, onun övladı təhsildən yayınmasın".

Dərsə davamiyyəti zəif olan uşağın valideyni cəriməni ödəməsə, onu nə kimi cəzanın gözləyəcəyinə gəlincə, M.Quliyev bildirdi ki, məktəb rəhbərliyi məhkəməyə müraciət edəcək: "Qanun pozuntusunun cəriməsini icra etməyəndə məhkəmənin müvafiq qərar qəbul etmək ixtiyarı var. Məhkəmə həmin valideynə əlavə cərimə də tətbiq edə bilər, ya da əlavə ictimai sosial işlərə cəlb edə bilər. Sinif rəhbərliyi məktəb rəhbərinə müraciət edəcək ki, hansısa şagird artıq neçənci dəfədir qəsdən dərsə gəlmir. O zaman məktəb rəhbərliyi qanun çərçivəsində həmin valideyn barəsində məhkəməyə müraciət edə bilər".

Təhsil eksperti Rafiq İsmayıl bizimlə söhbətində bildirdi ki, hər bir şagirdin təhsil almaq və ya oxumamaq kimi hüququ var: "Əgər valideyn 100 manat cəriməni ödəyə bilməzsə, o zaman o uşaq təhsil almaq hüququndan məhrum olacaq. Bu düzgün qərar deyil. Uşağın nə səbəbdən dərsə gəlməməsi araşdırılmalıdır, valideyndən 100 manat tələb olunmamalıdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...