Bakıda Teymur Əliyev küçəsinin çoxsaylı binalarını qazsız qoyanlar...

Tarix: 05.12.2015 / 01:42
Bölmə: Sosial

İbrahim Kərbəlayev: "Təmirlə əlaqəli 51, 52, 53 və 54 saylı binalarda qaz təchizatında problem yaşanır"

"Məmməd Araz küçəsində olan 59 diametrlik yeraltı qaz xəttində qaz sızması olduğu üçün..."

Bakının Nərimanov rayonu Məmməd Araz küçəsinin (keçmiş Teymur Əliyev) sakinləri qazın verilişindən narazılıq edir. Sakinlər redaksiyamıza müraciət edərək bildirirlər ki, Məmməd Araz küçəsində olan 51, 52, 53 və 54 saylı binalara qaz zəif verilir. Adıçəkilən binalara qaz zəif verildiyi üçün sakinlər havaların soyuq keçdiyi bir dönəmdə əziyyət çəkir.

Qeyd edək ki, məsələ ilə bağlı həmin ünvanda yaşayan sakinlərdən Şəmsəddin Əliyev qəzetimizə açıq məktub göndərib. Məktubda deyilir:

"Hörmətli Sədr!

Bakı ş. Nərimanov r-nun Teymur Əliyev küçəsindəki (indiki M.Araz küç.) 50, 51, 52, 53, 54 saylı binalar uzun illərdir ki, vətəndaşların istifadəsindədir. Şəxsi mülkiyyətimizdə olan evlər bu binalarda çoxluq təşkil edir. Binaların hər birində qaz sayğacları quraşdırılmışdır. Məlumatıma görə, sakinlər maddi imkanları daxilində "Azəriqaz"a borclu qalmırlar. Həmin ünvanda polis generalları, yüksək rütbəli zabitlər, müharibə veteranları, şəhid ailələri, milli qəhrəmanlar, müharibə əlilləri, ziyalılar, tanınmış ictimai xadimlər və şairlər də yaşayır.

Sizə yəqin bəllidir ki, vətəndaşlara qazın fasiləsiz verilməsi halları son zamanlar müddətli məhdudiyyətlərlə həyata keçirilir, edilən şikayətlərə qayğı ilə yanaşılmır. "Qaynar xətt" kimi təqdim olunan 104 saylı telefona zəng vurmaqla hər şeyin axarına düşməsi ehtimalı da yoxdur. Nömrə yığıldıqdan sonra robot "1" yaxud "2" rəqəmini yığmağı tövsiyə edir. Abonent dərdinə uyğun 1 və ya 2 düyməsini basanda "seçiminiz düzgün deyil" cavabı verilir. Zəhmət olmazsa Siz də hərdən həmin nömrədən istifadə edin, baxın, görün, millət nə çəkir?! 2014-cü ilin yay və qış aylarında, bu ilin qış mövsümünün başlanğıcında mavi yanacağın verilməsində, demək olar ki, hər gün uzun fasilələr yaranır. Heç kimin xəbəri olmadan qaz kəsilir və yenə hamıdan xəbərsiz qaz binalara nəql edilir. Bu plansız işin ağır faciələrindən Allah saxlasın. Axı, qaz kəsilən vaxt ərzində evlərdə istifadə edilən qaz plitələrinin "ruçkalarının" birinin açıq qalması ehtimalı da ola bilər. Nələrin baş verəcəyini öncədən düşünmək çətin deyil.

Vətəndaş hara müraciət etməlidir? Bir anlığa yerimizdə özünüzü hiss edin. Nə edəcəksiz, nə edək? Əgər "Azəriqaz" istehsalat birliyinə heç bir borcum yoxdursa, mavi yanacağın dayandırılması niyə şəxsi iradələrdən asılı olmalıdır? Mübahisəli məsələdir, elə deyilmi? Cavabdeh isə sizlərsiniz, cənablar! Qənaətimiz belədir ki, Azərbaycan Respublikası Prezidentinin vətəndaşların layiqli həyat səviyyəsinin təmini barədə dövlət məmurlarına verdiyi mesajlar bəzi məmurlar tərəfindən ciddi qəbul edilmir. Heç olmasa, möhtərəm Prezidentin son qətiyyətli addımlarından ibrət götürsünlər! Siz də, işçiləriniz də, mən də - hamımız! Amma təəssüf...çox təəssüf!

1, 2, 3 dekabr 2015-ci il tarixdə qeyd etdiyim binalara mavi yanacağın verilməsində fövqəladə vəziyyəti əks etdirən məhdudiyyətlər yaranıb. Ahıl, körpə və xəstə insanların vəziyyətini sizə çatdırmaqda çətinlik çəkirəm. Çünki məsul işçilərinizdə, yəqin ki, bu kövrək hisslər yoxdur. Olsaydı, biz insanların hissləri ilə "şıltaqlıq" edilməzdi. Mavi yanacağın az təzyiqdə olması və yaxud verilməməsi ilə məhz rəhbərlik etdiyiniz birliyin səlahiyyətli şəxsləri sakinlərə qəsdən ziyan vurur, insanların həyatı və sağlamlıqları üçün təhlükə törədən şərait yaradır. (Konstitusiyanın 41-ci maddəsi) normal istirahətimizə məhdudiyyət qoyur və dövlətin vətəndaşları ilə bağlı ali məqsədinin əleyhinə çıxış edirlər. (Konstitusiyanın 12-ci maddəsi). Tabeliyinizdə olan bəzi məsul şəxslər qanuna zidd vəzifələrin icrasına yol verirlər. (Konstitusiyanın 79-cu maddəsi) Belə halları isə Azərbaycan xalqının iradəsini ifadə edən ölkə konstitusiyası qəbuledilməz hesab edir. Çox istərdim ki, qanunlara sarı farağat dayanasınız.

Nəzərinizə çatdırmaq istəyirəm ki, "Azəriqaz" QSC-nin fəaliyyət istiqamətlərindən biri də əhalinin mavi yanacaqla təmin edilməsi sahəsində dövlət siyasətinin formalaşdırılmasından ibarət olduğu halda, şəxsən mən bir ailə başçısı, vətən savaşının iştirakçısı və şəhid atası kimi qış mövsümündə bunu hiss etmirəm, hiss etmirik. Qəribə məntiq ondan ibarətdir ki, xalqın qışla bağlı problemlərini yayda görməli və həll etməli olduğunuz halda, qışda çırmalanırsınız ki, problemi keçəsiniz, bu da mümkün olmur və haqlı narazılıqlara gətirib çıxarır. Bəzən sadə insanlara elə gəlir ki, hər bir çatışmazlıq barədə Prezidentə müraciət etmək lazımdır. Onda biz və siz nə işlə məşğul olmalıyıq? Tövsiyəm budur ki, ölkə Prezidenti özünü "xalqın xidmətçisi" hesab edirsə, biz vətəndaşlar bundan ibrət götürməliyik. Sizi and verirəm o bir olan ALLAHA! Vətənə, sizə etibar edilən vəzifəyə və ən başlıcası - Azərbaycan xalqına sədaqət göstərin".

Məsələ ilə bağlı "Azəriqaz" İB-nin ictimaiyyətlə əlaqələr şöbəsinin rəisi İbrahim Kərbəlayevə müraciət etdik.

Şöbə rəisi "Bakı-Xəbər"ə açıqlamasında qeyd etdi ki, Məmməd Araz küçəsində olan 59 diametrlik yeraltı qaz xəttində qaz sızması olduğu üçün həmin əraziyə qazın verilişi müvəqqəti olaraq zəifdir: "Hazırda Teymur Əliyev küçəsində qaz sızması problemi yaşanır. Bununla bağlı adıçəkilən küçədə cari təmir işləri aparılır. Çalışırıq ki, təmiri əhalinin qaz təchizatını dayandırmadan aparaq. O təmirlə əlaqəli 51, 52, 53 və 54 nömrəli binalarda qaz təchizatında problem yaşanır. İnşallah, yaxın günlərdə qaz sızmasının qarşısının alınması istiqamətində aparılan təmir işləri yekunlaşar. Və əhali normal qazla təmin olunar".

İ.Kərbəliyev onu da əlavə etdi ki, əslində həmin ərazidə təmirlə bağlı qaz təchizatı tam dayandırılmalı idi: "Amma havanın soyuq keçməsi nəzərə alınaraq tənzimləmə işləri aparıldı ki, əhali tam qazsız qalmasın. Yaxın günlərdə adıçəkilən küçənin sakinləri normal istiliklə təmin olunacaq".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...